Dagblaðið Vísir - DV - 26.10.2012, Blaðsíða 4

Pálmi taPar
milljörðum
4 Fréttir 26.–28. október 2012 Helgarblað
Borgar Kaupþingi 717 milljónir
n Kaupþingstoppur dæmdur í Hæstarétti
H
æstiréttur staðfesti á fimmtu­
dag dóm Héraðsdóms Reykja­
víkur yfir Magnúsi Guðmunds­
syni, fyrrverandi bankastjóra
Kaupþings í Lúxemborg. Hann var í
desember í fyrra dæmdur í Héraðs­
dómi Reykjavíkur til að greiða þrotabúi
bankans 717 milljónir króna.
Kaupþing stefndi Magnúsi til
greiðslu hátt í 800 milljóna króna
vegna persónulegra ábyrgða á lánum
sem bankastjórinn fyrrverandi fékk
hjá Kaupþingi til að kaupa hlutabréf
í bankanum. Síðar varð frægt þegar
stjórn Kaupþings felldi niður persónu­
legar ábyrgðir starfsmanna á lánunum
nokkrum dögum fyrir hrun, haustið
2008. Ákvörðun sem varð afar umdeild
og síðar felld úr gildi af stjórn Arion
banka rúmu ári síðar.
Samkvæmt rannsóknarskýrslu Al­
þingis skuldaði Magnús bankanum
3,1 milljarð króna þann 30. júní 2008.
Magnús var meðal þeirra fyrrverandi
yfirmanna Kaupþings sem hnepptir
voru í gæsluvarðhald í maí 2010 vegna
rannsóknar embættis sérstaks sak­
sóknara á meintri markaðsmisnotkun
Kaupþings. Magnús sat í gæsluvarð­
haldi í viku vegna rannsóknar málsins
og var í kjölfarið úrskurðaður í farbann.
Allt þar til hann var handtekinn starf­
aði hann sem bankastjóri Kaupþings í
Lúx sem síðar varð Banque Havilland.
Magnús þarf auk þess að greiða
Kaupþingi 750 þúsund krónur í
málskostnað. n
baldur@dv.is
Keyptu fölsuð
vegabréf í
Póllandi
Héraðsdómur Austurlands kvað
á fimmtudag upp dóm í málum
tveggja manna sem komu með
Norrænu síðastliðinn þriðjudag
og framvísuðu fölsuðum grísk­
um vegabréfum. Vegabréfin höfðu
mennirnir keypt í Póllandi. Þeir
eru báðir að eigin sögn frá Georg­
íu. Refsing hvors þeirra um sig var
ákveðin 30 daga fangelsi og hafa
þeir þegar hafið afplánun sam­
kvæmt frétt á vef lögreglunnar.
Stórskuldugur Magnús sat í
gæsluvarðhaldi í heila viku í fyrra og
var úrskurðaður í farbann.
Þingsályktunartillaga lögð fram:
Skólatann-
lækningar verði
endurvaktar
Tólf þingmenn úr öllum stjórn­
málaflokkum nema Sjálfstæðis­
flokknum hafa lagt fram tillögu til
þingsályktunar á Alþingi um að vel­
ferðarráðherra verði falið að skipa
starfshóp sem vinni tillögur að því
að hefja að nýju tannvernd og tann­
eftirlit í grunnskólum á Íslandi sem
og tannlækningar að einhverju
marki telji hópurinn ástæðu til þess.
„Starfshópinn skipi fulltrúar frá
ráðuneytinu, Landlækni, Tann­
læknafélagi Íslands og Sambandi
íslenskra sveitarfélaga. Starfshópur­
inn móti tillögur um mögulegt um­
fang verksins, hanni að minnsta
kosti þrjár sviðsmyndir sem sýni
færar leiðir að settu marki þar
sem m.a. verði litið til þess hvort
einungis eigi að horfa til eftirlits, al­
hliða tannverndar eða tannlækn­
inga og vinni kostnaðargreiningu á
þeim. Starfshópurinn skili ráðherra
skýrslu um niðurstöðu sína eigi síð­
ar en í lok október 2013,“ segir í til­
lögunni.
Sigmundur Ernir Rúnarsson,
þingmaður Samfylkingarinnar, er
fyrsti flutningsmaður tillögunnar
en meðflutningsmenn eru með­
al annarra Álfheiður Ingadóttir,
Guðfríður Lilja Grétarsdóttir, Ólína
Þorvarðardóttir, Vigdís Hauksdóttir,
Ásmundur Einar Daðason, Birgitta
Jónsdóttir, Jón Kr. Arnarson og Þór
Saari.
N
ó komment og ekkert
meira um það að segja,
segir Skúli Mogensen,
fjárfestir og eigandi WOW
air, um kaupverðið á
vörumerki og flugáætlun ferða­
skrifstofunnar Iceland Express.
Þegar Skúli er þráspurður um
kaupverðið segir hann áfram: „Ég
hef ekkert meira um það að segja.“
Greint var frá því í vikunni að
Skúli hefði keypt hluta af Iceland
Express af Pálma Haraldssyni fjár­
festi. WOW air tók yfir flugrekstur
félagsins síðastliðinn þriðjudag og
hefur séð um flug félagsins frá og
með þeim tíma.
Ekkert hefur hins vegar spurst
út um kaupverðið á félaginu þar
sem málsaðilar vilja ekki upp­
lýsa um það. Skúli er til að mynda
mjög afdráttarlaus þegar hann er
spurður um málið; ekki verður
frá því greint. Heimildarmönnum
blaðsins ber þó saman um að það
geti ekki verið mjög hátt, hlaupi
kannski á 300 til 400 milljónum
þar sem aðeins sé um að ræða
vörumerki og flugáætlun félags­
ins. Iceland Express er ekki með
flugrekstrarleyfi, á ekki farþega­
þotur og er í raun aðeins far­
miðasala. Þá hefur félagið tapað
gegndarlaust upp á síðkastið og
hefur eigandi þess, Pálmi Har­
aldsson, þurft að halda lífinu í fé­
laginu með því að leggja því til
fjármuni. Þrátt fyrir þessa inn­
spýtingu fjár hefur félagið stefnt í
gjaldþrot um tíma og þurfti Pálmi
annaðhvort að leggja félaginu til
aukna fjármuni eða selja það til að
halda lífi í því.
Pálmi lagði til 2,7 milljarða
Síðastliðið ár hefur Pálmi not­
að skuldajafnanir upp á 2,7 millj­
arða króna til að umbreyta lán­
um frá eignarhaldsfélögum í hans
eigu í hlutafé í Iceland Express. Í
september síðastliðinn skulda­
jöfnuðu tvö félög í eigu Pálma,
Fengur og Sólvellir, kröfum upp á
milljarð á Iceland Express í hluta­
fé. Þetta þýðir í reynd að Pálmi
hefur lagt félaginu til 2,7 milljarða
króna sem hann hefur ekki fengið
til baka þar sem rekstur ferðaskrif­
stofunnar hefur gengið slælega.
Ef það mat heimildarmanna
DV er rétt að Pálmi hafi fengið 300
til 400 milljónir fyrir hluta Iceland
Express mun hann tapa meira en
tveimur milljörðum króna af þeim
fjármunum sem hann hefur lagt
félaginu til síðastliðið ár. Þeir pen­
ingar hafa komið til félagsins frá
eignarhaldsfélögum í eigu Pálma
sem skráð eru í Lúxemborg. Fé­
lög Pálma í Lúx tóku við milljarða
arðgreiðslum frá Íslandi á árun­
um fyrir hrun samkvæmt skýrslu
rannsóknarnefndar Alþingis. Ekki
náðist í Pálma við vinnslu fréttar­
innar.
Eina stóra fyrirtækjaeign Pálma
á Íslandi í dag, eftir söluna á hluta
Iceland Express, er Ferðaskrifstofa
Íslands sem nú er í söluferli hjá
Artica Finance.
„Fínt í bili“
Skúli hefur sjálfur, líkt og Pálmi,
lagt verulegar fjárhæðir inn í
rekstur WOW air til að styrkja
stöðu félagsins. Frá því var greint
í lok ágúst að hann hefði lagt 500
milljónir inn í rekstur félagsins.
WOW air hefur því heldur ekki far­
ið varhluta af samkeppninni við
Iceland Express.
Aðspurður hvort hann hyggi á
enn frekari viðskipti á flugmark­
aðinum á Íslandi, renni hýru auga
til hlutabréfa í Icelandair, seg­
ir Skúli svo alls ekki vera. Skúli
er nú eigandi tveggja ferðaskrif­
stofa sem leigja þotur og selja
flugmiða til og frá Íslandi. Eini ís­
lenski samkeppnisaðilinn sem eft­
ir er á markaðinum er flugfélagið
Icelandair. „Þetta er orðið fínt í
bili og nú einbeitum við okkur að
því að koma þessum hlutum í far­
veg. Ég hlakka til að takast á við
verkefni næsta árs sem eru fjöl­
mörg og margbreytileg,“ segir
Skúli og bætir við: „Ég hef ekki
áhuga á úreltu ríkisflugfélagi eins
og Icelandair.“ n
n Skúli gæti greitt Pálma 10 til 15 prósent upp í 2,7 milljarða lán
Ingi Freyr Vilhjálmsson
fréttastjóri skrifar ingi@dv.is
„Ég hef ekk-
ert meira
um það að segja
Kaupverð hleypur á
milljónum Pálmi hefur lagt
milljarða inn í Iceland Express
en kaupverðið gæti hlaupið
á nokkur hundruð milljónum.
Pálmi tapar því verulega á
ferðaskrifstofunni.