Dagblaðið Vísir - DV - 26.10.2012, Blaðsíða 45

Sport 45Helgarblað 26.–28. október 2012
F
ramundan er sannkölluð of-
urhelgi í ensku knattspyrn-
unni þegar tvö efstu lið
deildarinnar, Chelsea og
Manchester United, mætast á
Stamford Bridge á sunnudag. Spenn-
an verður jafnvel meiri þegar erkifj-
endurnir Everton og Liverpool mæt-
ast á Goodison Park í baráttunni um
Bítlaborgina í hádeginu á sunnu-
dag. Níunda umferð deildarinnar
fer fram um helgina og með sigri
gæti Chelsea náð sjö stiga forskoti á
United. Manchester City, sem situr
í þriðja sæti deildarinnar, tekur á
móti Swansea og ætti að vinna þægi-
legan sigur, sérstaklega í ljósi þess
að City hefur unnið 26 af síðustu 28
heimaleikjum sínum. Þá ætti Arsenal
að komast á sigurbraut en þeir mæta
QPR sem er í botnsæti deildarinnar
og enn án sigurs.
Þrír útisigrar í röð
Chelsea er sem fyrr segir í efsta
sæti deildarinnar með 22 stig, fjór-
um meira en United og City sem
koma í næstu sætum. Chelsea liðið
hefur þótt leika vel á heimavelli og
hefur unnið alla fjóra heimaleikina
til þessa með markatölunni 11–3. Á
sama tíma hefur United unnið þrjá
síðustu útileiki sína eftir að hafa tap-
að þeim fyrsta gegn Everton, 1–0.
Markatala United á útivelli er 8–4.
Bæði lið voru í eldlínunni í Meist-
aradeildinni á þriðjudag. Chelsea
fór í tiltölulega langt ferðalag til
Donetsk í Úkraínu þar sem liðið
lá fyrir heimamönnum í Shakthar,
2–1. Á sama tíma átti United hins
vegar heimaleik gegn portúgalska
liðinu Braga þar sem liðið lenti í basli
en fór þó með 3–2 sigur af hólmi.
Frank Lampard, leikmaður Chelsea,
varð fyrir meiðslum í leiknum gegn
Shakhtar og leikur vafi á því hvort
hann geti tekið þátt í leiknum gegn
United. Fyrirliði liðsins, John Terry,
er enn í leikbanni og missir af leikn-
um gegn United. Shinji Kagawa varð
fyrir meiðslum gegn Braga og óvíst
með þátttöku hans. Þá eru varnar-
mennirnir Nemanja Vidic, Phil Jones
og Chris Smalling á sjúkralistanum
en sá síðastnefndi nálgast þó endur-
komu þó hann verði líklega fjarri
góðu gamni á sunnudag.
Liverpool hefur haft betur
Fótboltaaðdáendur, sama með hvaða
liði þeir halda, munu eflaust sitja
límdir við skjáinn þegar Everton tekur
á móti Liverpool á sunnudag. Leikir
þessara liða eru jafnan mikil skemmt-
un en liðin eru þó á ólíkari stað í
deildinni að þessu sinni en oft áður.
Everton hefur gengið vel í upphafi
leiktíðar og situr í fjórða sæti deildar-
innar með 15 stig. Liverpool virðist
aðeins vera að rétta úr kútnum eftir
afleita byrjun en liðið er þó aðeins
í 12. sæti með 9 stig. Liverpool vann
sinn annan leik í deildinni um síð-
ustu helgi og sinn fyrsta á heimavelli
á meðan Everton gerði jafntefli við
QPR. Frá stofnun úrvalsdeildarinn-
ar hafa þessir fornu fjendur leikið 40
leiki sín á milli. Óhætt er að segja að
Liverpool hafi í heildina haft betur í
þessum viðureignum, þeir hafa unnið
18 leiki, 13 hafa endað með jafntefli
en Everton hefur unnið 9 sinnum.
Markatalan er 51–37 Liverpool í vil. n
Laugardagur
Arsenal - QPR
„Solid einn á þennan leik.
QPR í ruglinu og á útivelli.
Eitthvað sem segir mér að
þetta verði stórsigur. 5–7
mörk og Mark Hughes verður
rekinn eftir leik.“
Reading - Fulham
„Hverjum er ekki sama?
Nenni ekki einu sinni að spá í
þennan. Förum í næsta.“

Stoke - Sunderland
„Vá, er þetta svona umferð? Hundleiðin-
legir leikir inn á milli. Jæja. Tveir. En bara
af því ég kann illa við Tony Pulis eins og
allir Íslendingar ættu að gera.“

Wigan - West Ham
„Tengdafaðir minn er mikill West Ham-
maður og ætli hann verði ekki fúll ef ég
set ekki tvo á þennan. 0–2 útisigur. Það
hljómar vel.“

Man. City - Swansea
„Einn. Þarf ekki að velta vöngum yfir
þessum leik. Auðveldur einn. Þrjú til fimm
núll.“

Sunnudagur
Everton - Liverpool
„Súpersunnudagurinn byrjar með látum.
Þarna erum við að tala saman um leik.
Elska þessa leiki. Eitt til tvö
rauð, drama, brot og dóm-
araskandall. Held að Everton
taki þetta 2–1 þar sem
sigurmarkið verður skorað
af varnarmanni undir lokin.
Tippa á Distin.“

Newcastle -
West Brom
„Mitt lið Newcastle tekur
þetta. Heimavöllurinn maður
minn, heimavöllurinn styður
Demba Ba í eitt, Cabaye eitt og sjálfsmark
frá Coloccini. Sem sagt, við sjáum um
markaskorunina og fáum þrjú stig.“
Southampton - Tottenham
„Þetta er leikurinn þar sem Gylfi springur
út. Sunnudagurinn 28. október er
dagurinn sem verður steyptur inn í huga
Boga Ágústssonar og Tottenham-manna
þar sem Gylfi skorar eitt og leggur upp
tvö með stórkostlegum fyrirgjöfum.
Adebayor skorar annað, Defoe hitt.“

Chelsea - Manchester United
„Úff, erum við ekki að henda bara X á
þennan. Chelsea með ferðaþreytuna
þannig að píanóið í rassinum á Torres
verður enn þyngra þannig þeir verða 10 á
móti 11. Obi Mikel spilar til baka og Rafael
lætur sig detta. Þetta reyndar veltur allt
á því hvort Nani byrjar eða ekki. Ef hann
byrjar er þetta leiðinlegt 0–0. Ef hann
kemur ekkert við sögu vinnur United.“
Stórmeistarajafntefli á Brúnni
DV fékk Benedikt Bóas Hinriksson, sparkspeking og blaðamann Séð og heyrt
til að spá í spilin fyrir leiki helgarinnar. Benedikt er harður stuðningsmaður
Newcastle og spáir sínum mönnum sigri gegn West Brom. Þá segir hann flest
benda til þess að stórleikurinn á sunnudag á milli Chelsea og United endi með
jafntefli. Hann spáir Everton sigri gegn Liverpool í baráttunni um Bítlaborgina.
n 28. október verður dagurinn sem Gylfi Sigurðsson springur út
Ofursunnudagur
í enska boltanum
Vissir þú …
… að aðeins einu
sinni í sögu
úrvalsdeildar-
innar hefur liði
tekist að safna jafn
mörgum stigum í fyrstu
8 deildarleikjum sínum og
Chelsea nú. Það gerðist 2005/2006 en
þá var Chelsea komið með 24 stig eftir 8
leiki og varð meistari.
… að Manchester United hefur skorað
sex mörk upp úr hornspyrnum á
tímabilinu, tvöfalt oftar
en næsta lið á eftir.
… að rauða spjaldið
sem Steven Pienaar
fékk um síðustu helgi
var það 74. hjá Everton
frá stofnun úrvalsdeildarinnar.
Aðeins Blackburn hefur fengið fleiri rauð
spjöld, eða 76.
… að Everton er fyrsta liðið á tímabilinu
til að skjóta oftar en 10 sinnum í tréverk
andstæðingsins.
… að rauða spjaldið
sem Cheik Tiote fékk
um síðustu helgi var
hans fyrsta í deildinni
fyrir Newcastle. Hann
hafði spilað 54 leiki og fengið 27 gul
spjöld í þeim leikjum.
… að Edin Dzeko hefur skorað 7 mörk á
útivelli sem varamaður á ferli sínum hjá
City. Aðeins Jermaine Defoe hefur gert
þetta oftar, eða 9 sinnum.
… að Manchester United hefur lent undir
í 6 af fyrstu 8 leikjum sínum í úrvals-
deildinni.
… að Michu, leikmaður
Swansea, hefur skorað
6 mörk í deildinni á
tímabilinu úr aðeins 8
skotum.
… að Raheem Sterling hjá Liverpool
er áttundi yngsti markaskorari ensku
úrvalsdeildarinnar frá upphafi. Wayne
Rooney, Cesc Fabregas og Michael Owen
voru allir yngri en hann þegar þeir skor-
uðu sitt fyrsta mark.
… að Wayne Rooney
er aðeins annar leik-
maður United í sögu
úrvalsdeildarinnar til
að skora mark og sjálfs-
mark í sama leiknum. Hinn leikmaðurinn
heitir David Beckham.
Einar Þór Sigurðsson
blaðamaður skrifar einar@dv.is
„Eitt
til tvö
rauð, drama,
brot og dóm-
araskandall
n Chelsea tekur á móti United n Chelsea enn taplaust n Nágrannaslagur Everton og Liverpool
Tekist á Það var hart
barist þegar Chelsea
og United mættust
á Brúnni í fyrra. Sá
leikur endaði 3–3 eftir
að Chelsea komst í
3–0. MYND REUTERS