Dagblaðið Vísir - DV - 26.10.2012, Blaðsíða 42

42 Lífsstíll 26.–28. október 2012 Helgarblað
Hreyfing góð fyrir heilann
n Stuttur göngutúr gerir gagn
E
f þú vilt halda huganum
skörpum eftir sextugt virðist
líkamsrækt vera besta lausn­
in. Vísindamenn við háskól­
ann í Edinborg komust að því
að eftir því sem fólk er líkamlega
virkara í ellinni því minna hef­
ur heili þeirra rýrnað. Þetta kem­
ur fram hjá BBC. Heilarýrnun
er tengd erfiðleikum með hugs­
un og minni. Í rannsókninni kom
í ljós að meira að segja stuttur
göngutúr nokkrum sinnum í viku
hefur jákvæð áhrif. Á hinn bóg­
inn virðist hugarleikfimi á borð
við krossgátur, lestur og sam­
veru með öðrum ekki gera mikið
gagn. Vísindamenn eru ekki viss­
ir af hverju hreyfing heldur heil­
anum heilbrigðum en ástæðuna
gæti verið að finna í þeirri stað­
reynd að með hreyfingu renn­
ur meira blóð og súrefni til heil­
ans og heilafrumurnar fá meira af
nauðsynlegum næringarefnum.
Einnig kom fram að það er í
rauninni aldrei of seint að byrja að
hreyfa sig. „Þótt það sé ekki nema
hraustleg ganga út í búð, að hugsa
um blómin í garðinum eða þátttaka í
skemmtihlaupi, þá er það nauðsyn­
legt fyrir þá sem geta haldið áfram
að hreyfa sig á efri árum,“ sagði pró­
fessor James Goodwin.
Dr. Simon Ridley, yfirmaður
rannsókna hjá Alzheimer‘s Re­
search í Bretlandi sagði rannsókn­
ina ýta undir fyrri niðurstöður
um það hversu mikilvæg regluleg
hreyfing er gegn áhrifum öldrun­
ar. n
indiana@dv.is
i
ndi
Löðrandi í
bakteríum
Slæmar fréttir fyrir sýklahrædda
tækninörda; samkvæmt nýrri rann­
sókn er farsíminn þinn löðrandi í
hættulegum bakteríum sem geta
gert þig veikan. Þetta kemur fram
í Wall Street Journal. Þar kemur
fram að sú staðreynd að síminn
er ávallt í fórum okkar eykur að­
eins á bakteríuflóruna og að tæki
ætluð til að þrífa síma eru annað
hvort gagnslaus eða slæm fyrir sím­
ann. „Við erum að mata þessar litlu
verur,“ segir prófessor í örveru­ og
ónæmisfræðum. „Við höfum öll séð
fituna á símunum. Þar sem er fita
eru bakteríur.“ Vísindamenn próf­
uðu alls kyns hreinsiefni en alkóhól
reyndist virka best. Hins segja tals­
menn bæði Apple og Blackberry
að það megi ekki nota efnið til að
hreinsa símana.
Aldrei að
gefast upp!
1 Oprah Sjónvarps-
drottningin, sem er
ein af áhrifamestu
konum heims í
dag, var eitt sinn
rekin úr starfi sínu
sem fréttalesari. Yfirmenn
Opruh sögðu henni að hún væri
„ómöguleg fyrir sjónvarpið“.
2 Tim Ferriss Rithöfundurinn hafði fengið neitum frá 26 út-
gefendum áður en bókin The 4-Hour
Workweek var gefin út. Bókin sat í
marga mánuði á toppi metsölulista
The New York Times.
3 Stephenie Meyer Twi-light-höfundurinn hafði fengið
níu sinnum neitun frá bókaútgefend-
um en nældi síðan í þriggja bóka, 750
þúsund dollara samning.
4 Lady Gaga Plötufyrir-
tækið Island Def
Jam Records lét
popp dívuna fjúka
eftir þriggja mánaða
samstarf.
5 Christian Siriano Sigur-vegaranum úr Project Runway
hafði verið neitað um inngöngu í
Fashion Institute of Technology. Eftir
sigurinn í Project Runway halaði línan
hans inn rúma milljón dala á fyrstu
tveimur árunum.
6 Abraham Lincoln Skóla-ganga forsetans var aðeins
fimm ár.
7 Marilyn Monroe
Yfirmenn 20th
Century Fox höfðu
engan áhuga á
leikkonunni og sögðu
hana „óaðlaðandi“.
8 Beethoven Tónskáldið var næstum alveg heyrnalaust
þegar það samdi Óðinn til gleðinnar.
9 Emily Dickinson Ljóð-skáldið fékk aðeins örfá ljóð
útgefin í lifanda lífi. Í dag hafa komið
út yfir 1.800 verk eftir Dickinson.
10 Louisa May Alcott Skáldkonan var hvött áfram
af fjölskyldu sinni til að vinna sem
heimilishjálp. Hún neitaði og settist
við skriftir og skrifaði meðal annars
Little Women.
11 Verdi Verdi var neitað um inngöngu í virtan tónlistarskóla
þar sem hann þótt ekki nógu hæfileik-
aríkur. Hann skrifaði 28 óperur, þar á
meðal La Traviata, Aida
og Othello.
12 Michael Jordan
Körfuboltasnillingur-
inn þótti ekki nógu
góður fyrir háskólaliðið.
Brugðið út
af vananum
n Grísk lambakjötssúpa n Lambakjötið í hávegum í nýrri matreiðslubók
L
ambakjötið verður seint oflofað
sem úrvalshráefni í góða matar­
gerð og auðvelt er að finna bita
sem hæfa tilefninu hverju sinni.
Gestgjafinn hefur nú safnað
saman öllum bestu lambakjötsupp­
skriftum sínum í veglega bók sem
ber nafnið Lambakjöt – Allan ársins
hring.
Allar árstíðir bjóða upp á sína
lambakjötsrétti, svo sem kjötsúpu
að hausti, hangikjöt á jólum, vetrar­
lega pottrétti, páskalambið og auð­
vitað gómsætu grillréttina á sumrin.
Í bókinni er að finna þessa nýstár­
legu uppskrift að kjötsúpu þar sem
brugðið er út af vananum. Græn­
ar baunir, kúrbítur, spergilkál í stað
kartaflna og rófa gefa tóninn.
Grísk lambakjötssúpa fyrir 4–6
n 700 gr lambakjöt úr framparti,
skorið í 5x5 cm bita
n 2 tsk. salt
n ½ tsk. nýmalaður pipar
n 2 msk. olía
n 3 hvítlauksgeirar, pressaðir
n 2 l vatn
n 1 msk. lambakjötskraftur
n 150 gr kartöflur, skornar í teninga
n 200 gr strengjabaunir, skornar í 3
cm lengjur
n 1 laukur, skorinn í bita
n 100 gr grænar baunir, frosnar
n 1 kjöttómatur, hýðislaus og kjarn­
hreinsaður, skorinn í bita
n 1 dl tómatsafi
n 150 gr spergilkál, skorið í litla, fal­
lega bita
n ½ kúrbítur, skorinn í litla, fallega
bita
n 2 msk. steinselja, smátt söxuð
Kryddið lambakjöt með salti og
pipar og steikið upp úr olíu í potti á
öllum hliðum í 4–5 mín. eða þangað
til það er orðið fallega brúnað. Bætið
þá hvítlauk, vatni og lambakrafti í
pottinn og sjóðið við vægan hita í 45
mínútur. Veiðið fitu og sora úr pottin­
um á meðan. Bætið kartöflum og
strengjabaunum í pottinn, sjóðið í 10
mínútur og bætið síðan lauk, græn­
um baunum, tómat og tómatsafa út
í og sjóðið áfram í 10 mínútur. Setjið
að lokum spergilkál og kúrbít saman
við og sjóðið í 5 mínútur. Stráið
steinselju yfir súpuna og berið hana
fram með grófu brauði. n
kristjana@dv.is
Kjötsúp er vinsæl er
haustar Margir lands-
menn laga sér kjötsúpu
á haustin. Gaman er að
bregða út af vananum
og prófa nýtt hráefni í
súpuna.