Dagblaðið Vísir - DV - 26.10.2012, Blaðsíða 22

Sandkorn
H
anna Birna Kristjánsdóttir
virðist hafa mikinn meðbyr
ef litið til nýlegrar skoðana-
könnunar MMR sem gerð
var fyrir Viðskiptablaðið.
Oddviti sjálfstæðismanna í Reykja-
vík er nánast kominn með fyrsta sætið
í Reykjavík norður og að óbreyttu
er prófkjörið formsatriði. Spennan
vegna toppslagsins er úr sögunni. Eftir
stendur spurningin hvort Guðlaugur
Þór Þórðarson eða Illugi Gunnarsson
leiði í hinu Reykjavíkurkjördæminu.
Hanna Birna er stjórnmálamað-
ur sem hefur haldið sig utan við við-
skiptabrall og vafninga. Hún er með
flekklausa fortíð og heilbrigða fram-
tíðarsýn. Ekkert á hennar ferli bendir
til þess að hún hafi seilst í forboðna
ávexti. Allt annað er uppi á teningn-
um hjá Guðlaugi Þór sem var nánast
á beit hjá útrásarvíkingum og þá sér-
staklega Baugi og FL Group. Þá hafði
hann þau tök á Landsbanka Íslands í
gegnum vin sinn, Sigurjón Þ. Árna-
son bankastjóra, að hann gat selt þeim
handónýtt tryggingaumboð fyrir tugi
milljóna króna og bjargað þannig eig-
in fjárhag. Guðlaugur er einhver spillt-
asti stjórnmálamaður Íslands. Það yrði
mikil ógæfa flokksins ef hann næði að
halda oddvitasæti sínu. En það verður
að segja honum til hróss að hann kann
að selja fjölmiðlum froðusnakkið.
Hanna Birna náði ekki að leggja
Bjarna Benediktsson að velli í for-
mannskosningu á síðasta landsfundi.
Þar munaði þó ekki miklu og kom
hún frá þeim leik sterkari en áður.
Sú stemning sem myndast hefur um
hana í Reykjavík er vísbending um að
sjálfstæðismenn vilji óflekkað fólk til
forystu. Gangi það eftir að hún fái yf-
irburðakosningu er eðlilegt framhald
að hún stefni til hæstu metorða á ný
því skyni að siðvæða flokkinn og gefa
fólki sem trúir á frelsi einstaklingsins
valkost.
Það er samfélaginu ekki til góðs
að eini flokkurinn á hægri vængnum
sé spilltur. Það hlýtur að vera stærsta
verkefni flokksmanna að hreinsa út
fólk á borð við Guðlaug Þór og hefja
til áhrifa fólk eins og Hönnu Birnu.
Á landsfundi Sjálfstæðisflokks-
ins árið 2009 báru séra Halldór
Gunnarsson í Holti og fleiri upp til-
lögu um að styrkjakóngar og þeir
sem spilltir eru ættu að víkja frem-
ur en skaða flokk sinn. Guðlaugur
Þór lét þessa tilraun til siðbótar sem
vind um eyru þjóta og situr sem fast-
ast. Aðrir hafa tekið áskoruninni,
staðið upp og farið. Meðbyr Hönnu
Birnu er vísbending um að það
kunni að vera breytinga að vænta. Í
loftinu liggur að spillingarkólfar séu
ekki jafnsjálfsagðir og áður. Hanna
Birna er vonarstjarna Sjálfstæðis-
flokksins.
Tryggvi ráðherra
n Mörgum þykir það vera
fífldirfska af Tryggva Þór
Herbertssyni að sækja að
Kristjáni Þór
Júlíussyni í
baráttunni
um odd-
vitasætið í
Norðaustur-
kjördæmi.
Þetta mun
þó ekki vera með öllu van-
hugsað. Tryggvi er metnað-
arfullur maður sem langar
að verða ráðherra. Hermt er
að hann viti sem er að sem
annar maður í kjördæminu
en á hann ekki möguleika.
Fullyrt er að Bjarni Bene-
diktsson formaður hafi
hvatt hann til þess að taka
slaginn. Engir kærleikar eru
milli formannsins og Krist-
jáns Þórs sem hefur keppt
við hann um formanns-
stólinn.
Skilaboð Davíðs
n Bjarni Benediktsson er mis-
hrifinn af þeim sem bjóða sig
fram í efstu sæti. Þannig mun
honum vera lítt gefið um
framboð Ragnars Önundarson-
ar, fyrrverandi bankastjóra,
sem keppir við formanninn
um fyrsta sæti í Kraganum.
Vandi Bjarna er sá að Ragnar
er mjög handgenginn Davíð
Oddssyni, fyrrverandi for-
manni og þeim sem ræður
ferðinni í Sjálfstæðisflokkn-
um. Talið er óhugsandi ann-
að en Ragnar fari gegn Bjarna
með samþykki og velþóknun
Davíðs. Skilaboðin til Bjarna
eru því alveg skýr.
Sótt að Ögmundi
n Það eru fleiri hræringar
í Kraganum. Ólafur Þór
Gunnarsson, bæjarfulltrúi í
Kópavogi,
sækist eftir
fyrsta sætinu
á lista Vinstri
grænna og
þar með leið-
togasætinu.
Ólafur er
talinn vera innmúraður
stuðningsmaður Steingríms
J. Sigfússonar formanns.
Framboð hans er því túlkað
sem hluti af valdatafli Stein-
gríms og Ögmundar Jón-
assonar innanríkisráðherra.
Því er spáð að Ögmundur
muni jafnvel hopa undan
bæjarfulltrúanum og koma
sér fyrir á lista í Reykjavík
þar sem hann reyndar býr.
Jón Ásgeir
ánægður
n Fréttablaðið fjallaði í vik-
unni um tap Skjás Eins með
nokkuð óvægnum hætti. Það
mun vera
Jóni Ásgeiri
Jóhannessyni,
athafnamanni
og stjórnanda
365, mikið
kappsmál að
hans menn
fjalli um þá samkeppnisað-
ila fyrirtækisins sem ekki eru
þóknanlegir. Það er viðskipta-
blaðamaðurinn Þórður Snær
Júlíusson sem skrifaði um
Skjáinn. Jón Ásgeir er með
skrifstofu í höfuðstöðvum frí-
blaðsins þótt hann beri ekki
opinberan titil.
Höfum daðrað
aðeins við þetta
Mér fannst eins og
hálsinn lamaðist
Skúli Mogensen kaupir Iceland Express. – DV Alda Björg Lárusdóttir veiktist mikið af völdum myglusvepps. – DV
Vonarstjarna„Spennan vegna
toppslagsins er úr
sögunni.
Þ
jóðin hefur fellt sinn dóm um
frumvarp til nýrrar stjórnar-
skrár. Þjóðaratkvæðagreiðslan
20. október tekur af tvímæli um,
að tveir þriðju hlutar kjósenda (67%)
styðja frumvarpið, 83% styðja auðlind-
ir í þjóðareigu, 78% styðja persónu-
kjör, 67% styðja jafnt vægi atkvæða og
73% styðja beint lýðræði, svo að til-
tekið hlutfall atkvæðisbærra manna
geti krafizt þess, að mál fari í þjóðar-
atkvæðagreiðslu. Niðurstaðan getur
varla skýrari verið.
Þjóðfundurinn er uppsprettan
Ekkert af þessu þarf að koma á óvart.
Frumvarp stjórnlagaráðs er sprottið
af þjóðfundinum 2010. Þjóðfundur-
inn speglaði þjóðarviljann og lagði
línurnar um anda og áherzlur nýrrar
stjórnarskrár og um inntak nokkurra
helztu ákvæða hennar svo sem um
auðlindir í þjóðareigu, jafnt vægi at-
kvæða, persónukjör og beint lýðræði.
Hví skyldi þjóðin snúast gegn frum-
varpi, sem er sprottið af henni sjálfri?
Hví skyldi fólkið í landinu snúast gegn
sjálfu sér?
Afstaða kjósenda til ýmissa helztu
ákvæða frumvarps stjórnlagaráðs
hefur legið fyrir um langa hríð. DV
kannaði hug stjórnlagaþingsfram-
bjóðenda til þessara spurninga og
margra annarra. Svör þeirra voru birt
haustið 2010 og voru í fullu samræmi
við úrslit þjóðaratkvæðagreiðslunn-
ar á laugardaginn var. Allir máttu vita,
hvernig landið liggur. Enginn þurfti
að ganga að því gruflandi. Hér er e.t.v.
að finna ástæðuna til þess, að engar
skoðanakannanir voru birtar í að-
draganda þjóðaratkvæðagreiðslunnar.
Kannski sáu fylgjendur frumvarpsins
ekki ástæðu til að láta gera könnun,
ef þeir töldu sig vita, hverju kjósendur
myndu svara. Ef andstæðingar frum-
varpsins létu kanna málið, sáu þeir
sér sennilega ekki hag í að birta niður-
stöðurnar.
Veik rök
Allt þetta þarf að hafa í huga, þegar
mat er lagt á málflutning þeirra, sem
reyna nú að kasta rýrð á ótvíræðan
dóm þjóðarinnar. Rök þeirra eru vand-
ræðalega veik. Sumir þeirra segja full-
um fetum, að þjóðaratkvæðagreiðslan
sé „merkingarlaus“, að því er virðist
án þess að skeyta um, að með því eru
þeir að kasta blautri tusku framan í
kjósendur. Tilraunir fáeinna alþingis-
manna til að slá eign sinni á ógreidd at-
kvæði þeirra kjósenda, sem sátu heima,
dæma sig sjálfar og eru dregnar sund-
ur og saman í háði hringinn í kringum
landið, enda sýndi skoðanakönnun
MMR í apríl 2012, að stuðningur við
frumvarpið er hinn sami (2/3) meðal
allra og reyndist vera í atkvæðagreiðsl-
unni: þeir sem heima sátu skiptast með
sama hætti og þeir sem kusu. Sumum
andstæðinganna þykir eiga vel við að
nota orðið „skrílræði“ um eitt lýðræðis-
legasta stjórnarskrárferli, sem saga
heimsins kann frá að greina eins og er-
lendir sérfæðingar og aðrir hafa tekið
eftir og auglýst. Þá eru ótaldar ýmsar
rangfærslur um frumvarpið, eins og t.d.
sú fullyrðing, að frumvarpinu sé ætlað
að smeygja Íslandi inn í ESB. Þessu er
þveröfugt farið. Gildandi stjórnarskrá
frá 1944 veitir enga vörn gegn einhliða
ákvörðun Alþingis um að leiða Ísland
inn í ESB. Frumvarp stjórnlagaráðs
tryggir, að Ísland gengur því aðeins inn
í ESB, að þjóðin samþykki ráðahaginn
í bindandi þjóðaratkvæði og þá upp á
þau býti, að framsal ríkisvalds sé ávallt
afturkræft.
„Alþingi er á reynslutíma“
Þau sjónarmið, sem einstakir alþingis-
menn halda nú fram um æskilegar
efnisbreytingar á frumvarpi stjórn-
lagaráðs, hafa öll komið fram áður og
verið rædd í þaula. Alþingi lá ásamt
mörgum lögfræðingum og öðr-
um yfir frumvarpinu í átta mánuði,
áður en það beindi spurningum sín-
um og ábendingum til stjórnlagaráðs
snemma á þessu ári. Í svari sínu til Al-
þingis lýstu fulltrúar í stjórnlagaráði
nokkrum valkostum um nýtt orðalag
á fáeinum ákvæðum frumvarpsins til
frekari skýringar, án þess að um veru-
legar efnisbreytingar væri að ræða.
Þeir, sem halda nú fram nýjum tillög-
um, jafnvel eftir að þjóðin hefur kveðið
upp sinn dóm, eru eins og verktak-
inn, sem birtist með nýtt tilboð löngu
eftir að útboðsfresturinn er runninn
út og ætlast til að vera tekinn alvar-
lega. Alþingi setti málið á sínum tíma
í vel afmarkað ferli með skýrri tíma-
töflu. Því ferli þurfa alþingismenn
og aðrir að una. Engum má líðast að
brjóta reglurnar eða breyta þeim í
miðjum leik. „Alþingi er á reynslutíma
hjá þjóðinni,“ sagði forsætisráðherra
eftir atkvæðagreiðsluna. Slík auðmýkt
gagnvart fólkinu í landinu á vel við
eins og sakir standa.
Gömul saga
Barátta andstæðinganna gegn nýrri
stjórnarskrá, jafnvel eftir að þjóðin
hefur lýst eindregnum vilja sínum til
að ný stjórnarskrá nái fram að ganga,
hljómar eins og eftirdrunur frá löngu
liðinni tíð. Þegar lýðveldisstjórnarskrá-
in var í smíðum, reyndu stjórnmálafor-
ingjar að ná því fram, að Alþingi kysi
forseta Íslands, ekki þjóðin. Þeim
fannst vissara að hafa forsetann í vas-
anum. Þeir vildu halda áfram að hegða
sér eins „ríki í ríkinu, … beygja ríkis-
valdið og knésetja þjóðarheildina“, eins
og Ólafur Jóhannesson, síðar forsætis-
ráðherra, lýsti vandanum í tímaritinu
Helgafelli 1945. Vönduð skoðana-
könnun í Helgafelli, fyrsta vísinda-
lega skoðanakönnunin á Íslandi, sýndi
þó svart á hvítu, að 70% þjóðarinn-
ar vildu þjóðkjörinn forseta og aðeins
20% vildu þingkjörinn forseta. Stjórn-
málaforingjarnir létu undan. Þjóðin
fékk að ráða för með dyggum stuðn-
ingi Sveins Björnssonar ríkisstjóra, síð-
ar forseta Íslands. Það þarf hún að fá
að gera nú og eftirleiðis.
20. október
Leiðari
Reynir Traustason
rt@dv.is
Kjallari
Þorvaldur
Gylfason
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
22 26.–28. október 2012 Helgarblað
„Rök þeirra eru vand-
ræðalega veik.