Dagblaðið Vísir - DV - 26.10.2012, Blaðsíða 20

20 Erlent 26.–28. október 2012 Helgarblað
Hryllingsmynd í stað teiknimyndar
n Börn sáu Paranormal Activity 4 í staðinn fyrir Madagascar 3
S
kelfileg mistök áttu sér stað í
kvikmyndahúsi í Nottingham
á Englandi á dögunum þegar
hryllingsmyndin Paranormal
Activity 4 var sýnd í stað teikni-
myndarinnar Madagascar 3. Eins og
gefur að skilja voru mjög mörg börn í
salnum þegar mistökin áttu sér stað og
eru foreldrar margra þeirra afar ósátt-
ir við kvikmyndahúsið. Á þeim stutta
tíma sem sýningin stóð yfir sáu börnin
meðal annars illa leikið lík.
Í frétt breska blaðsins The Daily
Mail kemur fram að börn allt niður
í fimm ára aldur hafi gengið úr saln-
um með foreldrum sínum og grátið
af skelfingu. „Dylan vildi bara sjá nýju
Madagascar-myndina þar sem hann
hefur séð báðar fyrri myndirnar,“ segir
Natasha Lewis, 32 ára, móðir fjögurra
ára drengs, Dylans. „Hann hlakkaði
mikið til. Þegar myndin hófst áttaði
ég mig á því að það var ekki allt með
felldu. Það mátti heyra börn gráta og
öskra. Ég hef séð nokkrar hryllings-
myndir en Paranormal Activity-mynd-
irnar eru þær skelfilegustu sem ég hef
séð,“ segir móðirin. Sýning myndar-
innar stóð yfir í tvær mínútur og seg-
ir Lewis að það hafi verið alveg nóg og
gengur hún svo langt að halda því fram
að sum börn muni ekki bíða þess bæt-
ur að hafa séð byrjun myndarinnar.
„Mistök eins og þessi ættu ekki að eiga
sér stað. Dylan hefur aldrei verið mikið
fyrir að fara í kvikmyndahús en hann
segist aldrei vilja fara aftur.“
Kvikmyndahúsið sem um ræðir er
Cineworld og forsvarsmenn þess hafa
beðið þá sem voru á sýningunni afsök-
unar og segjast munu tryggja að slík
uppákoma endurtaki sig ekki. n
Þ
rátt fyrir að bandarísku for-
setaframbjóðendurnir
Barack Obama og Mitt Rom-
ney hafi eytt samtals fjór-
um og hálfum klukkutím-
um í sjónvarpskappræður ræddu
þeir sáralítið um ýmis stór mál sem
brenna á Bandaríkjamönnum. Hér
verður stiklað á stóru um afstöðu
frambjóðendanna til nokkurra þeirra
en breska dagblaðið Guardian fjall-
aði ítarlega um þau á dögunum.
Réttindi samkynhneigðra
Þrátt fyrir að Obama hafi markað
sér sérstöðu með yfirlýstum stuðn-
ingi sínum við hjónabönd samkyn-
hneigðra virðist hann ekki hafa séð
sér hag í því að vekja máls á því í
kappræðunum. Hann komst líklega
næst því þegar hann sakaði Romney
um að sækja félagsmálastefnu sína til
sjötta áratugar síðustu aldar. Obama
er eini Bandaríkjaforseti sögunnar
sem stutt hefur hjónabönd samkyn-
hneigðra. Jafnframt kom hann því til
leiðar að lög sem bönnuðu samkyn-
hneigðum að gegna herþjónustu
voru felld úr gildi.
Romney er íhaldssamur í málefn-
um samkynhneigðra og hefur ítrekað
staðhæft að hjónabandið sé aðeins
samkomulag milli karls og konu.
Myndbandsupptaka hefur farið eins
og eldur í sinu um netheima þar sem
Romney sést tala við samkynhneigð-
an mann um afstöðu sína til hjóna-
bandsins.
Fíkniefnastríðið
Rúmlega 50 milljörðum Bandaríkja-
dollara er varið í fíkniefnastríðið
ár hvert, bæði innanlands og utan.
Samt sem áður var ekki minnst orði
á það í kappræðunum. Obama og
Romney eru báðir á móti hvers kyns
lögleiðingu fíkniefna. Obama hefur
lagt áherslu á forvarnir og ýmis verk-
efni sem snúa að aðhlynningu fíkni-
efnaneytenda.
Romney tekur harðari afstöðu
í fíkniefnamálum og hefur með-
al annars gagnrýnt Obama fyrir lin-
kind. Hann vill grípa til harkalegra
aðgerða til að minnka eftirspurn eftir
fíkniefnum í Bandaríkjunum og tel-
ur að þannig megi draga úr átökum
á landamærum Mexíkó og Banda-
ríkjanna sem að nokkru leyti eru
talin tengjast fíkniefnainnflutningi til
Bandaríkjanna.
Fóstureyðingar
Fóstureyðingar bárust í tal á kapp-
ræðum varaforsetaefnanna en ekki
hjá forsetaframbjóðendunum sjálf-
um. Afstaða þeirra liggur þó nokkurn
veginn fyrir. Obama hefur talað fyrir
valfrelsi kvenna í þessum efnum
og vísað í stjórnarskrá Bandaríkj-
anna máli sínu til stuðnings. Rom-
ney hefur sveiflast til í afstöðu sinni
til fóstureyðinga en samkvæmt mál-
flutningi hans undanfarið er hann
mótfallinn fóstureyðingum nema
þegar nauðgun eða sifjaspell á í hlut
eða þegar lífi móðurinnar er stefnt í
hættu. Romney hefur ekki tekið jafn
einarða afstöðu gegn fóstureyðing-
um og margir flokksbræður hans, en
skemmst er að minnast þess þegar
frambjóðandinn Rick Santorum í
forvali Repúblikanaflokksins fullyrti
að þungun vegna nauðgunar væri
„guðsgjöf“.
Loftslagsbreytingar
Rætt var um orkumál og olíuverð á
fyrstu kappræðunum af þremur en
aldrei var vikið að umhverfisvernd
eða loftslagsbreytingum.
Obama hefur gagnrýnt þá sem
efast um að loftslagsbreytingar
séu af manna völdum og hvatt
til þess að dregið verði úr út-
blæstri gróðurhúsalofttegunda.
„Loftslags breytingarnar eru ekkert
gabb,“ sagði Obama á landsþingi
Demókrataflokksins. Hefur hann
eflt rannsóknir á endurnýjanlegum
orkugjöfum.
Mitt Romney hefur hins vegar
gert grín að Obama og hæðst að hon-
um fyrir að vilja „lækna plánetuna“.
Romney heldur því fram að ekki sé
vitað hvað valdi loftslagsbreytingun-
um og hefur hvatt til þess að ríkis-
styrkir til vindorkuiðnaðarins verði
lagðir af.
Noam Chomsky, einn þekktasti
stjórnmálagreinandi heims, skrif-
aði nýlega grein á vefmiðilinn Truth
Out þar sem hann gagnrýnir báða
frambjóðendurna fyrir sinnuleysi
í umhverfismálum. Þótt orðræða
sitjandi forseta sé umhverfisvænni
en málflutningur repúblikana hef-
ur Obama aukið olíuborun og lítið
gert til að stemma stigu við loftslags-
breytingunum í sinni stjórnartíð. n
Jóhann Páll Jóhannsson
blaðamaður skrifar johannpall@dv.is
„Mitt Romney hef-
ur hins vegar gert
grín að Obama og hæðst
að honum fyrir að vilja
„lækna plánetuna“.
Það sem ekki
bar á góma
n Romney og Obama með ólík viðhorf n Lítið rætt um ýmis stór mál
Kátir keppinautar Obama og Romney brosa og hlæja nær undantekningarlaust þegar
þeir takast í hendur.
Slæm mistök Forsvarsmenn kvikmyndahússins hafa beðist afsökunar á atvikinu.
1 Hjálparhönd Bóndi í Devon hélt því fram að
iPhone-síminn hans hefði horfið
inn í afturenda kýr sem var að
bera. Bóndinn kvaðst hafa ver-
ið að aðstoða kúna þegar atvikið
varð. Síminn skilaði sér að lokum
en var ónýtur þegar hann kom út.
2 Endaði í ofninum Kona á fertugsaldri frá Nottingham
sagðist hafa verið að baka köku
fyrir afmæli dóttur sinnar þegar
Nokia 6303i-síminn hennar datt
fyrir slysni ofan í deigið. Hún átt-
aði sig ekki á því og fór síminn því
í ofninn með kökunni og eyði-
lagðist.
3 Þjófóttur mávur Kona á fertugsaldri útskýrði að
hún hefði verið úti að ganga með
hundinn sinn í Wales þegar mávur
steypti sér niður og nappaði Sam-
sung Galaxy-síma úr hendi henn-
ar og flaug á brott.
4 Ekki hjálpartæki Kona á þrítugsaldri kvaðst hafa not-
að Blackberry-símann sinn sem
eins konar hjálpartæki ástarlífsins
og við það hafi titrari hans hætt
að virka.
5 Beint í klósettið Fertugur iðnaðarmaður settist á kló-
settið í vinnunni en gætti ekki
nægilega vel að sér. Þegar hann
settist datt síminn úr vasanum og
beint í klósettið. Síminn eyðilagð-
ist í kjölfarið.
6 Api stal símanum Karl-maður um þrítugt kvaðst
hafa verið í safarígarði í Longleat
þegar api kom aðvífandi og stal
símanum hans. Hann fannst
aldrei aftur.
7 Léku eftir frægt atriði Par sem lék eftir frægt atriði úr
Titanic-myndinni í skemmtiferða-
siglingu missti síma í sjóinn þegar
það reyndi að taka mynd.
8 Tertusími Maður sem var að setja upp flugeldasýningu
í Plymouth gleymdi símanum sín-
um ofan á flugeldatertu. Hann
áttaði sig á því of seint og sprakk
síminn í tætlur þegar hann kveikti
í tertunni.
9 Reiðikast Kona á þrítugs-aldri kastaði HTC Desire X-
síma sínum að kærastanum þegar
hún komst að framhjáhaldi hans.
Síminn endaði þó í vegg og möl-
brotnaði.
10 Hæpinn sparnaður Í stað þess að borga sig inn á tón-
leika Blur á Hyde Park ákvað einn
viðskiptavinur Mobile Insurance
að klifra upp í tré fyrir utan tón-
leikastaðinn og taka tónleikana
upp á símann sinn. Þegar upp var
komið missti hann símann sem
brotnaði og eyðilagðist.
10 furðulegar tjónatilkynningar
Farsímaeigend-
ur í tómu tjóni
Breska tryggingafélagið Mobile
Insurance fær á hverju ári þúsund-
ir tilkynninga um tjón á farsím-
um viðskiptavina sinna. Flestar
þessara tilkynninga eru ósköp
venjulegar en inni á milli leynast
gullmolar. Tryggingafélagið birti á
dögunum topp 10 lista yfir furðu-
legustu tjónatilkynningarnar. Þó
að farsímarnir hafi orðið fyrir tjóni
er augljóst að sumir þessara við-
skiptavina voru einnig í tómu tjóni
þegar símarnir sungu sitt síðasta.