Dagblaðið Vísir - DV - 28.12.2012, Blaðsíða 10
V
ið höfum aldrei upplifað
eins æðisleg jól, það vant-
aði ekkert. Ég held við
séum bara ennþá að jafna
okkur, segir eiginkona
þriggja barna föður sem talað var
við í síðasta helgarblaði DV. Hann
kom ekki fram undir nafni barn-
anna sinna vegna en þar sagði
hann frá því að þau hjónin, sem
bæði eru öryrkjar, hefðu ekki efni á
að gefa börnunum sínum jólagjaf-
ir vegna óvænts kostnaðar sem upp
hafi komið í desember. Hitagrind í
húsinu þeirra bilaði og sonur þeirra
fór í óvænta aðgerð og þessu fylgdi
mikill óvæntur kostnaður sem þau
höfðu ekki gert ráð fyrir og því sáu
þau fram á að þurfa sleppa jólagjöf-
unum fyrir börnin sín þetta árið.
Gátu gefið þeim gjafir
„Ég kvíði því að segja þeim það en við
eigum bara ekki pening fyrir gjöfum
handa þeim fyrr en eftir áramót. Ég
veit ekkert hvernig þau taka því, ég er
að reyna geyma það að segja þeim frá
því,“ sagði hann í samtali við DV. Það
kom þó ekki til þess að faðirinn þyrfti
að segja börnum sínum frá því að þau
hjónin hefðu ekki efni á jólagjöfum
handa þeim. Eftir að viðtalið við hann
birtist í DV höfðu fjölmargir góðhjart-
aðir lesendur samband við blaðið og
vildu styrkja fjölskylduna. Fjölskyld-
an gat því haldið saman gleðileg jól
og börnin fengu gjafir. „Þetta var
æðislegt, við erum eiginlega bara
orðlaus,“ segir móðirin himinlifandi
þegar DV hefur samband við fjöl-
skylduna eftir jólin. Hún segir börnin
hafa verið himinlifandi með gjafirn-
ar og þau muni ekki eftir öðrum eins
gleðijólum. Hún vissi ekki til að byrja
með af því að eiginmaðurinn hefði
sagt sögu þeirra í blaðinu og seg-
ir þau lítið fyrir það að tala um stöðu
sína en röð áfalla hefur dunið yfir fjöl-
skylduna undanfarin ár. Mikil veik-
indi hafa hrjáð þau auk þess sem þau
misstu allt sitt í bruna árið 2007.
Mæta fordómum vegna
örorkunnar
Konan segir að þau séu orðin vön því
að hafa lítið milli handanna en stað-
an hafi þó verið sérstaklega slæm þessi
jólin. Hún segir þau mæta miklum for-
dómum vegna þess að þau eru bæði
öryrkjar. Maðurinn hennar er 100 pró-
sent öryrki vegna bakmeiðsla og gigt-
ar og getur ekki unnið af þeim sök-
um. Sjálf er hún öryrki vegna andlegra
veikinda sem hafa hrjáð hana undan-
farin ár. „Ég er búin að vera frá vinnu
síðan 2007. Ég er með þunglyndi, fé-
lagsfælni, áfallastreituröskun og kvíða.
Ég fór alveg niður eftir brunann 2007,“
segir hún en eins og sagt var frá í DV
þá missti fjölskyldan allt sitt hafurtask í
bruna. „Það er líka kannski vegna þess
að það sést ekki utan á manni sem fólk
heldur að maður sé bara í áskrift að
launum. Það er líka þannig að mað-
urinn minn er kannski góður einn
daginn en þann næsta er hann rúm-
liggjandi og því heldur fólk oft að það
sé ekkert að, heldur sé það bara að við
nennum ekki að vinna eða eitthvað
slíkt,“ segir hún.
Standa saman
Hún segir þau þrátt fyrir stöðu sína
reyna sitt besta og þau hugsi bara
um einn dag í einu og reyni að
gera það besta úr því sem þau hafa.
„Þetta er yfirleitt mikið púsluspil.
Maður lifir bara einn dag í einu og
reynir að gera gott úr hlutunum.
Ég baka mikið og svoleiðis líka,“
segir hún og tekur fram að þau séu
nýtin. Þau standi þétt saman og
það komi aldrei til greina að gefast
upp þótt að oft sé erfitt. „Ekki með-
an við höfum hvort annað. Við lát-
um þetta ganga. Það er ekkert ann-
að í boði.“
Sú velvild sem fjölskyldunni var
sýnd í kjölfar viðtalsins kom þeim
mikið á óvart og hún segir fjöl-
skylduna vera í skýjunum og að
þau séu afar þakklát því góða fólki
sem gerði þeim kleift að halda
jólin hátíðleg. Hún vill skila kær-
um þakklætiskveðjum til fólksins.
Hún horfir bjartsýn til nýs árs og
vonast til þess að nú fari að rofa til
hjá fjölskyldunni. „Það hlýtur að
koma að því.“ n
10 Fréttir 28. desember 2012 Áramótablað
„Þetta var æðislegt“
n Gátu gefið börnunum jólagjafir með hjálp lesenda DV n „Aldrei upplifað eins æðisleg jól“
Viktoría Hermannsdóttir
blaðamaður skrifar viktoria@dv.is
Sagði sögu þeirra Faðirinn sagði
frá því í síðasta helgarblaði DV að þau
hefðu ekki efni á jólagjöfum fyrir börn-
in fyrr en í fyrsta lagi eftir áramót. Með
hjálp góðhjartaðra lesenda DV gátu
þau gefið börnum sínum jólagjafir. „Við höfum aldrei
upplifað eins æðis-
leg jól, það vantaði ekkert.