Dagblaðið Vísir - DV - 28.12.2012, Blaðsíða 25

Annáll 25Áramótablað 28. desember 2012
2. maí
Gingrich gafst
upp
n Newt Gingrich, sem sóttist eftir
útnefningu Repúblikanaflokksins
fyrir forsetakosningarnar í Banda­
ríkjunum í nóvember, tilkynnti að
hann drægi sig út úr baráttunni og
lýsti yfir stuðningi við Mitt Romney.
6. maí
Hollande sigraði
Sarkozy
n Francois
Hollande, fram­
bjóðandi Sósíal­
istaflokksins,
vann sigur í
frönsku forsetakosn­
ingunum. Hann lagði sitjandi for­
seta, Nicolas Sarkozy, að velli.
17. maí
Facebook
floppaði
n Facebook var sett á hlutabréfa­
markað um miðjan maí en mikil
eftirvænting hafði skapast í kjölfar
kauphallarskráningarinnar. Eftir­
spurn eftir bréfunum var þó ekki
eins mikil og vonast hafði verið til
og féllu bréfin í verði eftir stutta
stund á markaði.
26. maí
32 börn drepin
n Átökin í Sýrlandi héldu áfram
og seint í maímánuði biðu 32 börn
undir ára aldri bana þegar sýr­
lenski stjórnarherinn gerði árás á
þorpið Houla. Sameinuðu þjóð­
irnar vörpuðu sökinni á ríkisstjórn
Assads forseta en Assad sagði sjálfur
að hryðjuverkamenn hefðu framið
ódæðin.
Júní
2. júní
Mubarak
dæmdur
n Hosni Mubarak, fyrrverandi for­
seti Egyptalands, var dæmdur í lífs­
tíðarfangelsi. Mubarak var ákærður
fyrir að hafa fyrirskipað skotárásir á
mótmælendur í byltingunni á síð­
asta ári þegar þúsundir óbreyttra
borgara létu lífið.
3. júní
Alvarlegt
flugslys
n Yfir 150 manns fórust þegar far­
þegaflugvél hrapaði yfir Lagos, höf­
uðborg Nígeríu, í byrjun júní. Vélin
brotlenti í fjölmennu íbúðahverfi
en skömmu áður en vélin skall til
jarðar hafði flugmaðurinn tilkynnt
um vélarbilun. Allir um borð, far­
þegar og áhöfn, 153 talsins, fórust
auk ónefnds fjölda á jörðu niðri.
8.–23. júní
Borgarastyrjöld
í Sýrlandi
n Sameinuðu þjóð­
irnar gáfu það út
að borgarastyrj­
öld geisaði í Sýr­
landi eftir að hafa
fengið upplýsingar
um fjöldamorð stjórn­
arhersins í þorpinu Quebeir. Daginn
eftir, þann 9. júní, féllu 17 manns í
bardögum hersins við uppreisnar­
menn í Dara‘a. Hillary Clinton, ut­
anríkisráðherra Bandaríkjanna, sak­
aði Rússa þann 12. júlí um að útvega
Sýrlendingum orrustuþyrlur. Og
þann 23. júní staðfestu Sýrlendingar
að þeir hefðu skotið niður tyrkneska
herflugvél. Spenna á milli landanna
jókst í kjölfarið.
17. júní
Ný ríkisstjórn í
Grikklandi
n Tilkynnt var um nýja samsteypu­
stjórn hægriflokksins Nýs lýðræðis,
Sósíalistaflokksins og Lýðræðislega
vinstriflokksins Dimar, í Grikk­
landi. Þar með var endi bundinn á
tveggja mánaða stjórnarkreppu í
Grikklandi. Antonis Samaras varð
forsætisráðherra.
24. júní
Morsi kjörinn
forseti
n Mohammed Morsi, forsetaefni
Bræðralags múslima, var kjörinn
forseti í Egyptalandi þegar hann
fékk rétt rúmlega 50 prósent at­
kvæða.
Júlí
2.–19. júlí
Liðhlaupar á
hlaupum
n Ófriðurinn í Sýrlandi hélt
áfram fram eftir júlímánuði. 85
liðhlaupar úr sýrlenska hern­
um flúðu yfir til Tyrklands í
byrjun mánaðarins. Bashar al­
Assad forseti reyndi að draga úr
spennunni milli Sýrlands og Tyrk­
lands í kjölfar þess að Sýrlendingar
skutu niður tyrkneska orrustu­
þotu. Þann 11. júlí ákvað sýrlenski
sendiherrann í Írak að snúa baki
við Assad forseta og sagði af sér í
mótmælaskyni við stefnu forset­
ans. Daginn eftir voru 200 manns
drepin í þorpinu Tremseh af
stjórnarhernum. Og þann 18. júlí
féll mágur Assads forseta í sjálfs­
vígsárás í Damaskus.
7. júlí
Kosningar í Líbíu
n Líbíumenn gengu til kosninga í
fyrsta skipti eftir að Gaddafi, ein­
ræðisherra landsins, var drepinn.
Um var að ræða bráðabirgðaþing­
kosningar. Þetta voru fyrstu frjálsu
kosningarnar sem haldnar höfðu
verið í yfir 40 ár. Mahmoud Jibril,
leiðtogi uppreisnarmanna, varð í
kjölfarið bráðabirgðaforsætisráð­
herra landsins.
20. júlí
Skotárás á Bat-
man-sýningu
n Tólf létust og 58 særðust þegar
James Holmes hóf skothríð í kvik­
myndahúsi í borginni
Aurora í Colorado.
Verið var að sýna
nýjustu Batman­
myndina, The Dark
Knight Rises, þegar
ódæðið var framið.
Holmes var handtekinn
stuttu síðar en hann hafði sankað
að sér skotvopnum í nokkurn tíma
áður en hann lét til skarar skríða.
Mikil umræða skapaðist um skot­
vopnalöggjöf í Bandaríkjunum í
kjölfarið.
27. júlí
Ólympíuleikarnir
settir í London
n Ólympíuleikarnir voru settir með
pomp og prakt í Lundúnum seint í
júlímánuði að viðstöddum 80 þús­
und áhorfendum á Ólympíuleik­
vanginum. Setningarathöfnin þótti
heppnast einkar vel en henni var
stýrt af breska leikstjóranum Danny
Boyle. Sundkappinn Michael
Phelps varð sigursælasti þátt­
takandi Ólympíuleikanna frá upp­
hafi en hann vann til 19 verðlauna
á leikunum.
Ágúst
1.–31. ágúst
Vargöldin hélt
áfram
Kofi Annan, fyrrverandi aðalritari
Sameinuðu þjóðanna, hætti sem
sérstakur erindreki Sameinuðu
þjóðanna og Arababandalagsins
gagnvart Sýrlandi í byrjun mánað­
arins. Ástæðan var sú að hann
talaði fyrir daufum eyrum yfir­
valda í Sýrlandi. Á sama tíma hélt
ófriðurinn áfram. Riyad Farid Jijab,
forsætisráðherra Sýrlands, og tve­
ir aðrir ráðherrar flúðu landið og
lýstu yfir stuðningi við uppreisn­
armenn. Um miðjan mánuðinn
ákvað öryggisráð Sameinuðu þjóð­
anna að eftirliti á vegum ráðsins
í Sýrlandi yrði hætt og nokkrum
dögum síðar hótaði Barack Obama
Bandaríkjaforseti hernaðaraðgerð­
um ef Sýrlendingar hreyfðu við
kjarnorkuvopnum sínum. Þann 26.
ágúst fundust fjöldagrafir í Darayja
í útjaðri Damaskus.
5. ágúst
Skotárás
í sikhahofi
n Sex biðu bana þegar maður hóf
skothríð í sikhahofi í Wisconsin í
Bandaríkjunum. Árásarmaðurinn,
Wade Michael Page, var skotinn til
bana af lögreglu en hann tengdist
samtökum hvítra kynþáttahatara.
16. ágúst
Assange
fékk hæli
n Stjórnvöld í Ekvador ákváðu að
veita Julian Assange, stofnanda
Wikileaks, pólitískt hæli í landinu.
Í kjölfarið hótuðu bresk stjórnvöld
því að Assange yrði handtekinn ef
hann yfirgæfi sendiráð Ekvador
í Lundúnum. Ástæðan var sú að
sænsk lögregluyfirvöld vildu yfir­
heyra hann vegna ásakana um kyn­
ferðisbrot.
17. ágúst
Meðlimir Pussy
Riot dæmdir
n Þrjár stúlkur úr rússnesku pönk­
sveitinni Pussy Riot voru dæmdar í
tveggja ára fangelsi. Dóminn fengu
þær vegna pönkmessu sem þær
héldu í kapellu rússnesku rétttrún­
aðarkirkjunnar í Moskvu í febrú­
ar. Stúlkurnar vöktu mikla athygli
og nutu stuðnings fjölda fólks um
allan heim.
29. ágúst
Ótti vegna
fellibyls
n Fellibylurinn Ísak reið yfir suður­
strönd Bandaríkjanna, nákvæm­
lega sjö árum eftir að fellibylurinn
Katrín olli miklu manntjóni í New
Orleans og nágrenni. Sem betur fer
var Ísak ekki jafn öflugur og Katrín
og olli ekki teljandi tjóni.
September
1.–5. september
Fjöldaflótti í
Sýrlandi
n Stjórnarandstæðingar í Sýrlandi
hertóku herflugstöð í Deir el­Zo­
ur fyrsta dag mánaðarins og námu
á brott vopn og skothylki. Þann 4.
september tilkynntu Sameinuðu
þjóðirnar að yfir 100 þúsund
hefðu flúið Sýrland í ágúst. Þann
5. september sendu yfirvöld í Íran
bandamönnum sínum í Sýrlandi,
stjórnarhernum, vopn og annan
herbúnað.
n Árið einkenndist af áframhaldandi ólgu í Mið-Austurlöndum n Náttúruhamfarir tóku sinn skerf en voru minna áberandi en árin á undan
2012: Ár ólgu og ófriðar
Sprenging Öflug sprengja sprakk í miðborg Beirút í Líbanon þann 19. október síðastliðinn. Tveir létust og fjölmargir særðust, þar á meðal
þessi kona sem naut aðstoðar góðhjartaðs vegfaranda. Mynd ReuteRS
Heimatilbúin sprengja Uppreisnarmenn í
Frelsisher Sýrlands nota teygjubyssu til að skjóta
heimatilbúnum sprengjum í átt að stjórnarher-
mönnum í borginni Aleppo. Mynd ReuteRS