Dagblaðið Vísir - DV - 28.12.2012, Blaðsíða 36

Sandkorn
M
ikilvægasta verkefni ís­
lenskrar þjóðar á árinu
2013 er að manna Alþingi
þannig að sómi sé að. Við
megum ekki láta það gerast
að skúrkar og spillingarkóngar fortíð­
ar sitji áfram á þingi og valdi þjóð­
inni skaða með siðleysi og innihalds­
lausri pólitík sem gengur út á að verja
sérhagsmuni á kostnað almennings.
Kosningarnar í vor verða að marka
þau tímamót að samhentur hópur sitji
löggjafarsamkunduna.
Það kjörtímabil sem nú er að renna
sitt skeið hefur einkennst af furðuleg­
um uppákomum og illvígum deil­
um. Engin leið hefur verið til að átta
sig á því hvert þingið hefur stefnt.
Málþóf minnihlutans og yfirgangur
meirihlutans hefur ýtt mestallri skyn­
semi út úr þingsölum. Þjóðþrifamál á
borð við nýja stjórnarskrá hafa lent á
höggstokki heimskunnar.
Aðildarumsóknin að Evrópu­
sambandinu er einnig dæmi um
tröllríðandi bjánaskapinn á Alþingi.
Meirihluti þingsins samþykkti að
sækja um aðild að sambandinu. Lykil­
atriði í umsóknarferlinu er að niður­
staða samninga ráði lyktum málsins.
Íslenskri þjóð er ætlað að kveða upp
sinn dóm á grundvelli þess hvern­
ig um semst. Hópur þingmanna, sem
rekinn er áfram af þjóðernisöfgum,
vill með góðu eða illu taka frá fólkinu
í landinu það vald að samþykkja eða
hafna aðild á málefnalegum grund­
velli. Í stað þess að ljúka samningum
með sóma og taka síðan niðurstöðu
þjóðarinnar af auðmýkt heimtar þessi
hópur manna að viðræðum verði slitið
tímabundið á meðan kosið verði um
það hvort halda eigi áfram að semja.
Með þessu á að gera heila þjóð að fífl­
um á alþjóðavettvangi. Skilaboðin til
umheimsins eru sú að ekkert sé að
marka okkur. Þótt við ljúkum samn­
ingum felst ekki í því nein afstaða með
eða á móti ESB. Það er einfaldlega
mannsbragur af því að ljúka þeirri för
sem lagt var upp í með umsókninni.
Hvort niðurstaðan verður já eða nei
skiptir engu máli.
Öll heimskulegu rifrildin á Alþingi
Íslendinga á yfirstandandi kjörtímabili
eru staðfesting þess að þar er fjöldi
fólks sem ekki á erindi í almannaþjón­
ustu á borð við þingmennsku. Skúrk­
arnir vaða uppi og segja okkur að svart
sé hvítt. Uppnám og öngþveiti ein­
kennir þingstörfin. Þetta er til skamm­
ar. Þjóðin verður að grípa í taumana
og sýna þeim rauða spjaldið sem ekki
eru hæfir til samvinnu. Við verðum að
innleiða ný vinnubrögð á Alþingi. Tök­
umst á um pólitík en látum ógert að
fara í skotgrafirnar að óþörfu. Látum
árið 2013 marka þau tímamót að Al­
þingi siðvæðist og verði starfhæft.
Landsbanka treyst
n Páll Magnússon og aðrir
ráðamenn Ríkisútvarpsins
halda mjög á lofti í ræðu og
riti hve mikils trausts stofn­
un þeirra njóti samkvæmt
netkönnun MMR. Þessi
könnun er reyndar einn vin­
sælasti samkvæmisleikurinn
þar sem fjölmiðlar kepp­
ast við að finna jákvæðustu
punktana. Rétt er að halda
til haga að fyrir hrun nutu
íslensku bankarnir gríðar­
legs trausts samkvæmt
MMR. Þá treystu um 95 pró­
sent landsmanna Lands­
bankanum sem á þeim tíma
var reyndar í opinberu sam­
starfi við Ríkisútvarpið um
að fjármagna dagskrárliði.
Nú treysta 80 prósent RÚV.
Varaþingmaður ASÍ
n Undarleg staða er inn­
an yfirstjórnar Alþýðusam­
bands Íslands eftir að Gylfi
Arnbjörnsson
forseti sagði
sig úr Sam­
fylkingunni
í fússi vegna
meintra svika
ríkisstjórnar­
innar. Einn
nánasti samstarfsmaður
Gylfa er Magnús Norðdahl
lögfræðingur sambandsins.
Hann er jafnframt varaþing­
maður Samfylkingarinnar
og engin hreyfing á honum
í þeim efnum. Mörgum er
í fersku minni þegar Vigdís
Hauksdóttir þurfti að víkja
úr starfi lögfræðings hjá ASÍ
þegar hún fór í framboð fyrir
Framsóknarflokkinn.
Þorsteinn og Davíð
n Það er óhætt að segja að
gömlu formennirnir, Þorsteinn
Pálsson og Davíð Oddsson, séu
enn eftirsóttir þótt einhver
kynni að segja að þeir væru
báðir komnir fram yfir síð­
asta söludag. Sunnlendingar
reyndu ákaft að fá Davíð í
framboð í kjördæminu gegn
leiðtoganum Ragnheiði Elínu
Árnadóttur en hann hrökk
undan á síðustu stundu. Þá
hefur verið lagt hart að Þor-
steini Pálssyni að leggja sínu
fólki á Suðurlandi lið. Hann
gaf sig heldur ekki. Það fell­
ur því í hlut Árna Johnsen að
sækja að Ragnheiði Elínu.
Fallinn aflamaður
n Björn Valur Gíslason al­
þingismaður er að vonum
fúll vegna fallsins í Reykjavík.
Björn Valur lét blekkjast til
að yfirgefa kjördæmi sitt og
leggja til atlögu við kanónur
VG í Reykjavík. Svandís Svav-
arsdóttir og Katrín Jakobsdótt-
ir ráku Björn Val af höndum
sér og af þingi. Sú niðurstaða
er í sjálfu sér ekki sanngjörn
þar sem þingmaðurinn þykir
hafa staðið sig vel á þingi. En
hann þarf þó engu að kvíða.
Björn Valur er annálaður
aflamaður og mun fá skip­
stjórapláss þegar hann vill.
Evrópuumræðan
einstaklega vitlaus
Alkóhólisminn
er svo lúmskur
Eiríkur Bergmann stjórnmálafræðingur um Evrópuumræðuna á Íslandi. – DV.is Einar Már Guðmundsson rithöfundur glímdi við Bakkus. – DV
Hreinsum Alþingi
„Uppnám og öng-
þveiti einkennir
þingstörfin
Þ
jóðin stendur nú við mikil­
væg vatnaskil. Hrunið 2008 af­
hjúpaði djúpa bresti í innviðum
okkar unga lýðveldis. Alþingi
viðurkenndi þessa bresti 28. septem­
ber 2010 með einróma samþykkt, þar
sem sagði meðal annars: „Alþingi
ályktar að taka verði gagnrýni á ís­
lenska stjórnmálamenningu alvarlega
og leggur áherslu á að af henni verði
dreginn lærdómur. Alþingi ályktar að
skýrsla rannsóknarnefndar Alþingis sé
áfellisdómur yfir stjórnvöldum, stjórn­
málamönnum og stjórnsýslu, verklagi
og skorti á formfestu.“ Ályktun Alþingis
lýkur með upptalningu á lögum, sem
þingið lofar að endurskoða eða setja.
Stjórnarskráin er efst á loforðalista Al­
þingis. „Alþingi er á reynslutíma hjá
þjóðinni“, segir forsætisráðherra.
Forsagan
Forsaga málsins er fljótrakin. Þjóð­
in samþykkti nýja stjórnarskrá við
lýðveldisstofnunina 1944 í stað þeirrar
stjórnarskrár, sem Kristján konungur
IX. hafði fært þjóðinni 1874. Stjórn­
málaflokkar á Alþingi sammæltust
um leggja til svo litlar breytingar á
stjórnarskránni frá 1874 sem verða
mátti við stofnun lýðveldis í skugga
heimsstyrjaldar. Þessu samkomulagi
fylgdu yfirlýsingar forustumanna allra
flokka á Alþingi um nauðsyn þess
að ráðast fljótlega í gagngera endur­
skoðun stjórnarskrárinnar. Það heit
var ekki efnt fyrr en 2009. Þá ákvað
Alþingi að fela fólkinu í landinu að
endurskoða stjórnarskrána, úr því að
þinginu hafði ekki tekizt ætlunarverk
sitt í 65 ár. Alþingi skipaði sjö manna
stjórnlaganefnd. Hún skilaði gagnlegri
skýrslu og kvaddi saman 950 manna
þjóðfund valinn af handahófi úr þjóð­
skrá. Allir Íslendingar 18 ára og eldri
höfðu jafna möguleika á að veljast til
setu á þjóðfundinum 2010. Þar var
lagður grunnur að nýrri stjórnarskrá.
Alþingi lét kjósa til stjórnlagaþings,
sem varð að þingskipuðu stjórnlaga­
ráði. Ráðið samdi og samþykkti einum
rómi frumvarp að nýrri stjórnarskrá
2011 á grundvelli fyrirliggjandi gagna,
gamalla og nýrra, og niðurstöðu
þjóðarfundarins.
Þáttur Alþingis
Alþingi tók við frumvarpinu júlílok
2011, bar síðan ýmis álitamál undir
aukafund stjórnlagaráðs í marz 2011
og fékk svör. Alþingi bar síðan frum­
varpið ásamt svörum frá aukafundi
stjórnlagaráðs undir fjögurra manna
lögfræðinganefnd, sem var falið að
leggja til orðalagsbreytingar á frum­
varpinu, væri talin þörf á þeim, en
engar nýjar efnisbreytingar. Ný gerð
frumvarpsins með breytingum lög­
fræðinganefndarinnar hefur nú geng­
ið í gegnum fyrstu umræðu á Alþingi
og bíður annarrar umræðu í janúar að
loknu jólaleyfi þingsins. Yfirlýsingar
forsætisráðherra um framhald máls­
ins verða ekki skildar á annan veg en
svo, að ætlan þingmeirihlutans að baki
frumvarpinu, meiri hluta, sem er skip­
aður þingmönnum úr öllum flokkum
á þingi öðrum en Sjálfstæðisflokkn­
um, sé að afgreiða frumvarpið sem lög
frá Alþingi fyrir þinglok í marz 2013.
Til álita kemur að leggja frumvarpið
jafnframt aftur í dóm þjóðarinnar sam­
hliða þingkosningunum 27. apríl. Þá
gæfist þjóðinni færi á að ítreka stuðn­
ing sinn við frumvarpið, sem birt­
ist skýrt í þjóðaratkvæðagreiðslunni
20. október. Gangi þessi ætlan þing­
meirihlutans eftir, bíður nýs þings að
samþykkja frumvarpið fyrir sitt leyti.
Nýtt Alþingi, hvernig sem það verður
skipað, hlýtur að telja sér skylt að virða
þjóðarviljann og samþykkja frumvarp­
ið. Annað væri ósvinna.
Framhaldið
Og hvað svo? Hreinlegast væri að
hafa sama háttinn á og hafður var við
stjórnarskrárbreytingarnar 1942 og
1959. Í þessu felst, að nýtt Alþingi ger­
ir þá aðeins tvennt að loknum kosn­
ingum í vor: samþykkir stjórnarskrár­
frumvarpið og einnig ný kosningalög í
samræmi við nýja stjórnarskrá og boð­
ar til nýrra þingkosninga haustið 2013.
Með því væri tryggt, að þingmenn með
lítið fylgi að baki sér, kosnir eftir úrelt­
um kosningalögum, sætu ekki lengur
á þingi en yfir sumarmánuðina 2013
líkt og gerðist 1942 og 1959. Nýtt Al­
þingi kæmi þá saman haustið 2013,
kosið eftir nýjum lögum, og hæfist þá
handa við að endurskoða þau lög, sem
þarfnast endurnýjunar í ljósi nýrrar
stjórnarskrár, t.d. fiskveiðistjórnarlög­
in. Í auðlindaákvæði stjórnarskrár­
frumvarps ríkisstjórnarinnar stend­
ur: „Stjórnvöld geta á grundvelli laga
veitt leyfi til afnota eða hagnýtingar
auðlinda eða annarra takmarkaðra
almannagæða, gegn fullu gjaldi og til
tiltekins hóflegs tíma í senn. Slík leyfi
skal veita á jafnræðisgrundvelli og þau
leiða aldrei til eignarréttar eða óaftur­
kallanlegs forræðis yfir auðlindunum.“
Ný fiskveiðistjórnarlög þurfa ekki síður
en önnur lög að standast nýja stjórn­
arskrá.
Staðan við áramót
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
36 28. desember 2012 Áramótablað
Kjallari
Þorvaldur
Gylfason
„Til álita kemur
að leggja frum-
varpið jafnframt aft-
ur í dóm þjóðarinnar
samhliða þingkosn-
ingunum 27. apríl
Leiðari
Reynir Traustason
rt@dv.is