Dagblaðið Vísir - DV - 28.12.2012, Blaðsíða 34

34 Annáll 28. desember 2012 Áramótablað
n „Jón Steinar virðist eiga erfitt með að skilja af hverju þetta gerðist.
Ekki virðist hvarfla að Jóni Steinari að eitthvað af þeim erfiðleikum sem
hann telur sig hafa orðið fyrir í réttinum eigi e.t.v. rætur að rekja til
persónuleika hans sjálfs.“ Valtýr Sigurðsson, fyrrverandi ríkissaksóknari, tjáði sig
um brotthvarf Jóns Steinars Gunnlaugssonar úr Hæstarétti Íslands í aðsendri grein í
Fréttablaðinu. Jón Steinar hætti sem dómari í haust og hefur tjáð sig talsvert um sam-
dómara sína og störf réttarins á opinberum vettvangi. Valtýr virðist telja Jón Steinar
sjálfan stóran hluta vandamálsins.
n „Okkur bar skylda til þess að virða ákveðið ástand sem var á mark-
aðnum, þ.e. að félögin voru misvel sett.“ Hermann Guðmundsson, fyrrverandi
forstjóri N1, tjáði sig um verðsamráð olíufélaga í viðtali við Viðskiptablaðið í ágúst 2012.
Þar sagði hann að verðstríð á olíumarkaði hefði getað gert út af við eitt eða tvö af olíufé-
lögunum. Ummæli Hermanns þóttu benda til samkeppnislagabrota og sendi stjórn N1 frá
sér sérstaka yfirlýsingu vegna málsins.
n „Ég er búin að þekkja þennan
mann síðan hann var 15 ára, ég á
þúsundir ástarbréfa frá honum og
ég þekki stílinn. Hann skrifaði mér
þetta sama kvöld og hann skrifaði
henni.“ Bryndís Schram í viðtali við DV
um bréfaskrif Jón Baldvins Hannibalssonar
til barnungrar náfrænku hennar.
n „Íslendingar sem fara niður í
miðbæ á sitt kaffihús, sem þeir
hafa kannski gert árum saman,
komast ekki að vegna þess að það
er allt fullt af einhverjum ferða-
mönnum.“ Þingmaður Hreyfingarinnar,
Þór Saari, gagnrýndi fjölda erlendra ferða-
manna á Íslandi í útvarpsþættinum
Reykjavík síðdegis á Bylgjunni í október.
n „Ég lít á samkynhneigða eins og
venjulegt fólk […] Margir vinir mínir
flokkast sem samkynhneigðir og eru
yndislegt fólk.“ Þingmaðurinn Árni John-
sen tjáði sig um afstöðu sína til samkyn-
hneigðra á Beinni línu á DV.is í október.
n „Ég er nefnilega miklu meiri
dópisti en dópsali. Mér finnst voða
gott að fá mér kók í nefið, ég er
alveg sjúkur í þetta.“ Fíkniefnasalinn
Sverrir Þór Gunnarsson, Sveddi tönn, í
viðtali við DV frá fangelsi í Brasilíu í nóvem-
ber eftir að hann hafði verið dæmdur í 22
ára fangelsi fyrir fíkniefnaútflutning.