Dagblaðið Vísir - DV - 28.12.2012, Blaðsíða 26

26 Annáll 28. desember 2012 Áramótablað
11. september
Sendiherra
myrtur
n Vopnaðir byssu­
menn réðust inn í
sendiráð Banda­
ríkjanna í Beng­
hazi í Líbíu. Sendi­
herra Bandaríkjanna,
Christopher Stevens, var skotinn
til bana og þrír aðrir starfsmenn
sendiráðsins. Á sama tíma var
mótmælt við sendiráð Bandaríkj­
anna í Kaíró í Egyptalandi vegna
umdeildrar myndar, Innocence of
Islam, sem framleidd var í Banda­
ríkjunum.
13. september
Enn ráðist á
sendiráð
n Ráðist var á sendiráð Bandaríkj­
anna í Egyptalandi og Jemen vegna
kvikmyndarinnar Innocence of
Islam. Fimmtán slösuðust. Einnig
var mótmælt í Marokkó, Súdan og
Túnis.
Október
3. október
Tyrkir svöruðu
Sýrlendingum
n Spennan milli Tyrkja og Sýr­
lendinga jókst þegar Tyrkir skutu
fjórum flugskeytum yfir til Sýr­
lands. Þetta var gert til að svara fyrir
sprengjuregn Sýrlendinga á bæinn
Akcakale sem varð fimm manns
að bana. Degi síðar heimilaði tyrk­
neska þingið frekari hernaðar­
íhlutun gegn Sýrlandi.
3.–22. október
Kappræður
forseta
n Spennan fyrir forsetakosn­
ingarnar í Bandaríkjunum jókst í
október þegar Barack Obama og
Mitt Romney mættust í þremur
kappræðum. Romney hafði betur í
þeim fyrstu þann 3. október, en það
var samdóma álit flestra að Obama
hefði haft betur í næstu tveimur,
þann 16. og 23. október.
7. október
Chavez
endurkjörinn
n Hugo Chavez, forseti Venesúela,
var endurkjörinn í embætti forseta
með 54 prósentum atkvæða. Hófst
í kjölfarið hans þriðja kjörtímabil
en hvert kjörtímabil í Venesúela er
sex ár.
9. október
Stúlka skotin
í Pakistan
n Talíbanar í Pakistan skutu 14 ára
stúlku, Malala Yousafzai, í höfuðið.
Hún hefur getið sér gott orð fyrir
baráttu fyrir réttindum barna í
heimalandi sínu. Tvær stúlkur
særðust í árásinni en allar þrjár
lifðu af.
9. október
Sandusky
dæmdur
n Jerry Sandusky, fyrrverandi þjálf­
ari Penn State­háskólans í Banda­
ríkjunum, var dæmdur í 30 til 60 ára
fangelsi fyrir fjölmörg kynferðisbrot
gegn ungum drengjum.
10. október
Meðlimi Pussy
Riot sleppt
n Dómstóll í Moskvu ákvað að
sleppa einum meðlima Pussy Riot,
Yekaterinu Samutsevich, úr fang­
elsi.
24. –29 október
Sandy olli
óskunda
n Fellibylurinn
Sandy reið yfir
ríki Kyrrahafs og
hélt síðan innreið
sína í Bandaríkin þar
sem tugir létust. Mest varð tjónið
í New Jersey, New York og Conn­
ecticut þar sem fjárhagslegt tjón var
metið á 30 milljarða dala.
Nóvember
1.–29. nóvember
Enn ófriður
í Sýrlandi
n Ekkert lát var á átökunum í
Sýrlandi í nóvember. Kínverjar,
helstu bandamenn Sýrlands­
stjórnar, lögðu fram friðartillögu
í byrjun mánaðarins. 13. nóv­
ember urðu Frakkar fyrstir til að
viðurkenna bandalag sýrlenskra
stjórnarandstæðinga sem lögmæta
stjórn landsins. Síðar í mánuðin­
um náðu stjórnarandstæðingar í
landinu hernaðarlega mikilvægum
stöðum skammt frá höfuðborginni
Damaskus á sitt vald. Í lok mánað­
arins var klippt á netsamband í
Sýrlandi og á sama tíma tilkynnti
Barack Obama Bandaríkjaforseti
að Bandaríkin væru nálægt því að
viðurkenna bandalag sýrlenskra
stjórnarandstæðinga á sama hátt og
Frakkar gerðu.
6. nóvember
Obama
endurkjörinn
n Barack Obama var endurkjörinn
forseti Bandaríkjanna eftir harða
baráttu við Mitt Romney, frambjóð­
anda Repúblikana. Obama fékk
50 prósent atkvæða en Romney 48
prósent. Obama fékk 303 kjörmenn
en Romney 206.
9. nóvember
Petreaus sagði
af sér
n David Petreaus, æðsti yfirmaður
bandarísku leyniþjónustunnar,
sagði af sér eftir að upp komst
um framhjáhald hans með ævi­
sagnaritara sínum, Paulu Broad­
well.
14.–21. nóvember
Ófriður milli
Ísraels og
Palestínu
n Ísraelsmenn gerðu árásir á yfir
20 skotmörk á Gaza­ströndinni og
sögðust þannig vera að svara eld­
flaugaárásum Palestínumanna.
Árásirnar héldu áfram næstu daga
og reyndu Palestínumenn að svara
í sömu mynt. Egyptar lýstu yfir
stuðningi við Palestínumenn en eft­
ir sjö daga ófrið var skrifað undir
samkomulag um vopnahlé.
22. nóvember
Umdeild
ákvörðun
n Mohammed Morsi, forseti Eg­
yptalands, tilkynnti að enginn dóm­
stóll landsins gæti véfengt ákvarð­
anir sínar. Þetta hleypti illu blóði í
landsmenn sem mótmæltu kröftug­
lega. Morsi gaf eftir nokkrum
dögum síðar og tilkynnti að hann
myndi boða til þjóðaratkvæða­
greiðslu um breytingar á stjórnar­
skrá landsins.
Desember
1. desember
Lýstu yfir
stuðningi
n Hillary Clinton, utanríkisráð­
herra Bandaríkjanna, tilkynnti að
bandarísk stjórnvöld styddu banda­
lag sýrlenskra stjórnarandstæðinga
sem lögmæta ríkisstjórn Sýrlands.
3. desember
Ógleði
hertogaynju
n Katrín hertogaynja af Wales var
flutt á sjúkrahús vegna mikillar
ógleði. Í kjölfarið spurðist út að hún
og Vilhjálmur Bretaprins ættu von
á erfingja.

14. desember
Byssumaður
myrti 26 manns
n Adam Lanza, tvítugur Banda­
ríkjamaður, skaut 26 manns til
bana í Sandy Hook­barnaskólanum
í Newtown í Connecticut. Í þeim
hópi voru 20 börn á aldrinum sex
til sjö ára. Lanza svipti sig lífi í kjöl­
farið á meðan hann var enn inni
í skólanum. Áður en hann framdi
ódæðið myrti hann móður sína á
heimili þeirra. Þann 16. desember
fór Barack Obama Bandaríkjaforseti
til Newtown þar sem hann boðaði
mögulegar breytingar á skotvopna­
lögum landsins.
11. febrúar
Tónlistarkonan
Whitney Hou-
ston fædd 9.
ágúst 1963
Whitney
Houston var
ein ástsælasta
söngkona
Bandaríkj-
anna og var á
hátindi ferils síns á
níunda og tíunda áratug liðinnar aldar. Þá
lék hún einnig í myndinni The Bodyguard.
Hún hafði þó sinn djöful að draga og þjáðist
bæði af áfengis- og eiturlyfjafíkn undir það
síðasta.
7. apríl
Fréttamaðurinn Mike Wallace
fæddur 9. maí 1918
Wallace var einna þekktastur fyrir viðtöl
sín í fréttaskýringaþættinum 60 mínútur,
en hann hóf störf fyrir þáttinn árið 1968.
Ferill hans í fjölmiðlum vestanhafs spann-
aði yfir 60 ár. Wallace fékk 20 Emmy-verð-
laun á ferli sínum.
17. maí
Söngkonan Donna Summer fædd
31. desember 1948
Donna Summer var ókrýnd drottning
diskótímabilsins og gaf út vinsæl lög á borð
við Hot Stuff, I Feel Love, Bad Girls og Last
Dance. Banamein hennar var krabbamein.
Hún vann til fimm Grammy-verðlauna á
ferli sínum.
20. maí
Tónlistarmaðurinn Robin
Gibb fæddur 22. desember
1949
Robin Gibb var órjúfanlegur
hluti hins goðsagnakennda
tríós Bee Gees sem hann
stofnaði ásamt bræðrum
sínum Barry og Maurice. Robin
lést eftir langa og erfiða baráttu við
krabbamein.
2. júní
Leikkonan Kathryn Joosten fædd
20. desember 1939
Joosten var þekktust undir það síðasta
fyrir leik sinn í hinum sívinsælu þáttum
Desperate Housewifes. Þá lék hún einnig í
þáttunum West Wing sem sýndir voru hér
á landi.
17. júní
Baráttumaðurinn Rodney King
fæddur 2. apríl 1965
Rodney King, sem var barinn til óbóta
af hvítum lögreglumönnum í Los
Angeles árið 1991, lést í sumar.
Eftir að lögregluþjónarnir
voru sýknaður kom til mikilla
óeirða í borginni sem kostuðu
53 mannslíf. King fór loks í
mál og fékk 3,8 milljónir dala
í bætur.
3. júlí
Leikarinn Andy Griffith fæddur
1. júní 1926
Þessi ástsæli leikari var
einna best þekktur fyrir
leik sinn í lögfræði-
þáttunum Matlock
þar sem hann lék
aðalpersónuna,
sjálfan Ben Matlock.
Hann lék einnig í The
Andy Griffith Show
sem naut talsverðra
vinsælda á sjöunda áratug
liðinnar aldar.
24. júlí
John Atta Mills, forseti Gana,
fæddur 21. júlí 1944
Mills var 68 ára þegar hann lést en hann
tók við völdum í Gana eftir kosningarnar
þar í landi árið 2009.
31. júlí
Rithöfundurinn Gore Vidal fæddur
3. október 1925
Vidal skrifaði 25 skáldsögur, meðal annars
Lincoln og Myru Breckenridge. Þá var Vidal
virtur samfélagsrýnir. Banamein
hans var lungnabólga.
19. ágúst
Leikstjórinn Tony Scott
fæddur 21. júní 1944
Bretinn Tony Scott var þekkt-
astur fyrir myndirnar Top Gun
og Days of Thunder sem nutu
mikilla vinsælda fyrir rúmum
tuttugu árum. Scott var jafnframt
bróðir leikstjórans Ridley Scott.
20. ágúst
Meles Zenawi, forsætisráðherra
Eþíópíu, fæddur 8. maí 1955
Zenawi gegndi embætti forseta
og síðar forsætisráðherra
Eþíópíu frá árinu 1991.
25. ágúst
Geimfarinn Neil
Armstrong fædd-
ur 5. ágúst 1930
Armstrong öðlaðist
heimsfrægð árið 1969
þegar hann varð fyrsti
maðurinn til að stíga fæti
á tunglið. Hann lést í kjölfar
hjartaaðgerðar sem hann gekkst undir í
byrjun ágústmánaðar.
3. september
Leikarinn Michael Clarke Duncan
fæddur 10. desember 1957
Duncan öðlaðist mikla frægð þegar hann
lék af stakri snilld í myndinni The Green
Mile við hlið Toms Hanks. Hann var
tilnefndur til Óskarsverðlauna
fyrir leik sinn. Hann fékk
hjartaáfall í sumar og náði
sér aldrei almennilega á
strik aftur.
18. október
Leikkonan Sylvia
Kristel fædd 28. sept-
ember 1952
Kristel var þekktust fyrir leik sinn í erótísku
kvikmyndunum um Emmanuelle. Bana-
mein Kristel, sem var fædd í Hollandi, var
krabbamein.
23. nóvember
Leikarinn Larry Hagman fæddur
21. september 1931
Hagman var best þekkur fyrir
túlkun sína á J.R. Eving í sjón-
varpsþáttunum Dallas. Bana-
mein Hagmans var krabbamein.
10. desember
Tónlistarkon-
an Jenni
Rivera fædd
2. júní 1969
Rivera var ein ást-
sælasta söngkona
Mexíkó og naut
einnig vinsælda
í Bandaríkjunum.
Hún lést í flugslysi í
norðurhluta Mexíkó.
11. desember
Tónlistarmaðurinn
Ravi Shankar, fæddur
7. apríl 1920
George Harrison, með-
limur Bítlanna, nefndi
Shankar „guðföður
heimstónlistarinnar“.
Shankar hlaut þrjú
Grammy-verðlaun á ferli
sínum.
Þau kvöddu á árinu 2012