Dagblaðið Vísir - DV - 28.12.2012, Blaðsíða 68
Skin og Skúrir í heimi íþróttanna
n Vonbrigði hjá handboltalandsliðinu n Íslendingur vann Ólympíugull n Stelpurnar komust á EM n Tryggvi og Lionel Messi slógu markamet
Ólympíugull og heimsmet
J
ón Margeir Sverrisson, 19 ára sundkappi, skráði sig á spjöld íslenskrar
íþróttasögu þegar hann vann til gullverðlauna í 200 metra skriðsundi á
Ólympíumóti fatlaðra í London í sumar. „Þetta er algjör draumur,“ sagði
Jón Margeir sem er öðrum íþróttamönnum mikil fyrirmynd. Hann setti
nýtt heims- og ólympíumet þegar hann vann gullið á tímanum 1:59:62. Hann
var 17 sekúndubrotum á undan Daniel Fox frá Ástralíu, sem hafnaði í öðru sæti.
Reyndu að tapa á Ólympíuleikunum
Á
tta badmintonleikmönnum var vísað úr keppni á Ólympíuleikunum vegna
óíþróttamannslegrar hegðunar. Liðin, eitt frá Kína, eitt frá Indónesíu og
tvö frá Suður-Kóreu, voru öll komin í 8 liða úrslit keppninnar en reyndu
að tapa til að velja sér mótherja í næstu umferð. Enginn vildi mæta liðinu
frá Kína. Úr varð stórfurðulegur leikur þar sem leikmenn reyndu viljandi að tapa
stigum. Áhorfendur bauluðu á íþróttamennina og dómari þurfti margoft að
stoppa leikinn og brýna fyrir leikmönnum og þjálfurum að bera virðingu fyrir
keppninni. Svo fór að öllum leikmönnunum átta var vísað úr keppni.
Stelpurnar okkar á EM – aftur
S
telpurnar okkar komust í haust á EM í knattspyrnu í annað sinn. Eftir
svekkjandi tap fyrir Noregi í lokaleik riðilsins, úrslitaleik um hvort
liðið kæmist beint á EM, stýrði Sigurður Ragnar Eyjólfsson lands-
liðsþjálfari liðinu til sigurs í tveimur umspilssleikjum gegn Úkraínu.
Báðir leikirnir unnust 3–2. Liðið vann samanlagt 6–4 en áhorfendamet var
slegið á kvennaleik á Laugardalsvelli þegar heimaleikurinn fór fram í lok
október. 6.647 áhorfendur sáu leikinn.
Tíunda sæti á EM
E
vrópumótið í handbolta fór fram
í Serbíu í janúar. Strákarnir okk-
ar vilja líklega gleyma mótinu
sem fyrst en liðið hafnaði í 10.
sæti. Fínn opnunarleikur gegn Króat-
íu dugði ekki til og Króatar fóru með
tveggja marka sigur af hólmi. Frænd-
ur okkar Norðmenn unnum við í
næsta leik. Hafi það kveikt vonir í
landanum voru þær slökktar í tapleik
gegn Slóveníu. Róðurinn í milliriðli
var þungur. Ísland vann sannfærandi
sigur á Ungverjalandi en átti liðið eftir
að mæta Spánverjum og Frökkum.
Spánverjar reyndust ofjarlar okkar,
en íslenska liðið barðist hetjulega og
náði jafntefli gegn Frökkum í lokaleik
milliriðilsins, hvar Ísland hafnaði í
fimmta sæti af sex. Guðjón Valur var
valinn í lið mótsins en hann hefur
nú tekið við fyrirliðabandinu í lands-
liðinu.
Vítakastið
sem öllu skipti
Þ
jóðin stóð á öndinni í
spennuþrungnum leik Ís-
lands og Ungverjalands í 8
liða úrslitum Ólympíuleik-
anna. Róðurinn var þungur allan
tímann en svo virtist sem Ís-
lendingar ætluðu að tryggja sér
sigur undir lok venjulegs leiktíma.
Marki yfir og fáeinum sekúndum
fyrir leikslok fiskaði Ólafur
Stefáns son vítakast. Snorra Steini
Guðjónssyni brást bogalistin,
Ungverjar brunuðu í hraðaupp-
hlaup og skoruðu jöfnunarmarkið
þegar leiktíminn var að renna út.
Eftir tvíframlengdan leik höfðu
Ungverjar betur og mættu Sví-
um í undanúrslitum – liði sem Ís-
land hafði lagt nokkuð örugglega
í riðlakeppninni. Gullið tækifæri
hafði runnið liðinu úr greipum.
Eftir mótið sagðist Ólafur Stefáns-
son hafa leikið sinn síðasta lands-
leik og Guðmundur Guðmunds-
son hætti sem landsliðsþjálfari.
Við liðinu tók Aron Kristjánsson.
Hádramatík í enska boltanum
S
ergio Aguero tryggði Manchester City Englandsmeistaratitilinn í
knattspyrnu í fyrsta sinn í 44 ár með eftirminnilegum hætti í vor. City
mætti botnbaráttuliði QPR á heimavelli og lenti í stökustu vandræðum.
Undir lok venjulegs leiktíma var QPR 2–1 yfir og þar sem Manchester
United var að vinna sinn leik virtist allt stefna í að titillinn færi á Old Trafford.
Edin Dzeko jafnaði metin í þann mund sem uppbótartíminn var að hefjast og
þegar fjórar mínútur voru komnar fram yfir venjulegan leiktíma náði Aguero
að koma knettinum í netið og tryggja City titilinn. United og City enduðu með
jafn mörg stig en til marks um dramatíkina vann City deildina þar sem liðið
var með betri markatölu.
Balotelli fór
úr að ofan
E
itt eftirminnilegasta atvik
Evrópumótsins í sumar var
þegar framherjinn skraut-
legi, Mario Balotelli, reif sig
úr að ofan í leik gegn Þjóðverjum í
undanúrslitum mótsins. Balotelli
fór á kostum í leiknum sem Ítalir
unnu 2–1. Balotelli skoraði bæði
mörk leiksins og fagnaði seinna
marki sínu á einstakan og eftir-
minnilegan hátt þegar hann reif
sig úr að ofan og sýndi kroppinn.
60 Annáll 28. desember 2012 Áramótablað