Dagblaðið Vísir - DV - 28.12.2012, Blaðsíða 32

32 Annáll 28. desember 2012 Áramótablað
Ummæli
ársins 2012
n Hér birtast nokkur af eftirminnilegustu og fréttnæmustu ummælum ársins
2012. Bæði er um að ræða ummæli úr DV og öðrum fjölmiðlum.
n „Það er mikil fátækt í þessu
landi og þetta eru mestmegnis
glæpamenn […] þessi þjóð er ekki
upp á marga fiska.“ Fyrirliði íslenska
knattspyrnulandsliðsins, Aron Einar
Gunnarsson, tjáði sig um Albani og Albaníu í
viðtali við Fótbolta.net í október fyrir leik
íslenska og albanska landsliðsins í Tírana.
n „Það að slíkt skuli gerast í því
ástandi sem hefur verið viðvarandi
hér á landi undanfarin tæp fjögur ár
er hreint ekki undarlegt eða óskiljan-
legt.“ Þingmaður Hreyfingarinnar, Þór Saari,
tjáði sig í mars um hnífaárás á lögmannsstof-
unni Lagastoð þar sem starfsmaður stofunnar
var særður lífshættulega í hnífaárás. Þór baðst
síðar afsökunar á ummælunum.
n „Ég er bara að bíða eftir að ég
vakni af þessari hræðilegu
martröð. Þetta er bara eins mögu-
lega slæm staða og hægt er að
lenda í. Það er ekkert í lífi mínu
öruggt núna. Nema það að ég get
99,9 prósent gengið út frá því að
þau eru ekki hætt. Þau hætta
ekkert fyrr en ég er dauð.“ Berglind
Steindórsdóttir, fórnarlamb hrottalegrar
árásar í Hafnarfirði í fyrra, tjáði sig um
árásina í viðtali við DV.
n „Ég lét Bryndísi lesa hana. Það vakti með henni lostafulla værð, svo
ég færði mig nær og fór að ríða henni í hægum takti og hún stundi þungt
eins og skógardís undir sígröðum satyríkon (maður fyrir ofan mitti –
hreðjamikill geithafur að neðan og serðir konur án afláts í draumaheim-
um grískrar goðsögu. Allavega áhrifamikil saga. Og tilvalin rökkurlesn-
ing fyrir unga stúlku sem er hætt að vera barn og er (bráðum?) orðin kona
– áður en hún sofnar blíðlega á vit drauma sinna.“ Jón Baldvin Hannibalsson,
fyrrverandi ráðherra og sendiherra, í bréfi til 14 ára náfrænku eiginkonu sinnar, Bryndísar
Schram. Tímaritið Nýtt Líf birti umfjöllun um bréfin í febrúar. Málið rataði inn á borð til
lögreglunnar eftir að frænkan kærði Jón fyrir kynferðislega áreitni. Bókin sem um ræðir í
textanum er eftir perúska rithöfundinn Mario Vargas Llosa.
n „Tjónið af þessari ríkisstjórn er
orðið meira en tjónið af hruninu, þau
klikkuðu á því að taka á lánamálum
heimilanna, fjárfesting fór í sögu-
legt lágmark, atvinnuleysi hefur
aukist meira en það þurfti að gera –
þegar allt kemur saman þá er það
tjón meira en nam hruninu sjálfu.“
Sigmundur Davíð Gunnlaugsson, formaður
Framsóknarflokksins, í ræðu á miðstjórnar-
fundi Framsóknarflokksins í Rúgbrauðs-
gerðinni í apríl.
n „Ég kom hingað til að bera vitni í þessu máli og við rannsókn þessa máls
hef ég greint frá því hver mín aðkoma var og mér finnst raunar mjög óviðeig-
andi að ég sé látinn svara spurningum sem eru enginn hluti af þessu dóms-
máli.“ Bjarni Benediktsson, formaður Sjálfstæðisflokksins, bar vitni í Vafningsmálinu í
desember en vildi ekki ræða málið við blaðamenn að skýrslutökunni lokinni.
n „Jesús Kristur myndi kjósa
Samfylkinguna.“ Sigmundur Ernir
Rúnarsson, þingmaður Samfylkingarinn-
ar, í viðtali við DV í október. Alþingismað-
urinn beið afhroð í prófkjöri í Norðaustur-
kjördæmi síðar á árinu og mun ekki setjast
á þing aftur eftir næstu kosningar.
n „Það hefur oft verið tekið fram
að þetta sé ekki pólitískur vett-
vangur og við erum auðvitað bara
komin hingað til að taka þátt í
lagakeppni og mannréttindabrot
eru náttúrulega ekki hluti af
þessari keppni.“ Greta Salóme Stef-
ánsdóttir, söngkona og Eurovision-fari,
sagðist í viðtali við Stöð 2 ekki ætla að tjá
sig um mannréttindabrot stjórnvalda í
Aserbaídsjan þar sem Eurovision-keppnin
fór fram 2012. Sænski þátttakandinn
hafði þá gagnrýnt mannréttindabrot
stjórnvalda í Bakú. Ummæli Gretu Salóme
voru gagnrýnd töluvert.
n „Ég held að menn hafi kannski
bara mismunandi fjármálalæsi og
sjái hlutina á ólíkan hátt. Vil-
hjálmur er búinn að gera fullt af
góðum hlutum hérna,“ sagði Sigurð-
ur Rúnar Sigurjónsson, framkvæmdastjóri
hjúkrunarheimilisins Eirar, í viðtali við DV í
nóvember aðspurður um hvort fjármála-
læsi manna kynni að vera ólíkt, sem skýrði
kannski mismunandi viðbrögð hans og
Vilhjálms Þ. Vilhjálmssonar við stöðunni á
fjármálavandræðum hjúkrunarheimilisins.
n „Þið ættuð að sjá andlitin,
menn voru órakaðir og í druslum.
Ég var innan um það sem venju-
lega er kallað rusl. Mér var bara
hent í ruslakistuna en ég sagði við
sjálfan mig: „Ármann, allt í lagi,
þú ert í ruslakistunni en þú heldur
alltaf standard“, svo ég klæddi
mig upp á jólunum og var með
mína sparislaufu.“ Ármann Reynisson
rithöfundur tjáði sig um samfanga sína á
Kvíabryggju í viðtali við DV í nóvember.