Dagblaðið Vísir - DV - 14.10.2011, Page 2
2 | Fréttir 14.–16. október 2011 Helgarblað
Skeifunni 8 • 108 Reykjavík • Sími: 517-6460
www.belladonna.is
Flott föt fyrir
flottar konur,
Nýju
haustvörurnar
streyma inn
Stærðir
40-60.
Guðrún Ebba segir
sögu sína
Saga
Guðrúnar
Ebbu Ólafs-
dóttur, dóttur
Ólafs Skúlasonar
biskups, kom út á
mánudag. DV birti
kafla úr bókinni á
mánudag en hann
ber yfirskriftina
Sunnudagar. Þar lýsir Guðrún því
hvernig faðir hennar misnotaði hana
eftir að hafa predikað á sunnu-
dögum. „Ég horfði á hann í predik-
unarstólnum og fannst vera myrkur í
kringum hann. Ég hataði sunnudag-
ana þar sem hann þóttist heilagur
í kirkjunni en notaði svo tækifærið
sama kvöld til að beita mig viðbjóðs-
legu ofbeldi sem ég skammaðist mín
fyrir og óttaðist að allir sæju utan á
mér,“ segir meðal annars í kaflanum.
Fletti ofan af
glæpaforingja
Íslenska
fegurðar-
drottningin
og fyrirsætan
fyrrverandi
Anna Björns-
dóttir batt í
sumar enda á
eina umfangs-
mestu leit
bandarísku alríkislögreglunnar FBI er
hún vísaði á hinn alræmda glæpa-
foringja James „Whitey“ Bulger. Fyrir
vikið fékk hún sem samsvarar 235
milljónum íslenskra króna. Hinn 82
ára Bulger bjó í næsta nágrenni við
Önnu í Bandaríkjunum. Bulger var í
sextán ár á flótta undan lögreglunni
en hann hefur verið ákærður fyrir
skipulagða glæpastarfsemi; 19 morð,
morðtilraunir, tilraunir til fjárkúg-
unar, fíkniefnasölu og peningaþvætti.
„Ég varð mjög
hrædd“
„Þetta er
einbeittur
vilji til að knésetja
mig að mínu mati.
Í mínum villtustu
draumum, þá
trúði ég þessu
ekki,“ sagði Siv
Friðleifsdóttir al-
þingiskona þegar
hún bar vitni í máli gegn fyrrverandi
sambýlismanni sínum, Þorsteini
Húnbogasyni, á þriðjudag. Þorsteinn
er sakaður um brot á fjarskiptalögum
með því að hafa komið fyrir ökurita í
bifreið hennar og þannig fylgst með
ferðum hennar. Ákæruvaldið hefur
farið fram á tveggja mánaða skilorðs-
bundið fangelsi yfir Þorsteini. Siv
virtist vera mjög brugðið vegna máls-
ins í dómsal og lýsti meðal annars
hræðslu sinni.
Fréttir vikunnar í DV
1 2 3
S
igmundur Davíð Gunnlaugs-
son, formaður Framsóknar-
flokksins, er ekki óhultur fyr-
ir útlendum mat í mötuneyti
Alþingis. Samkvæmt upplýs-
ingum frá mötuneytinu er ekki allt
hráefni sem notað eru til matargerð-
ar í mötuneytinu íslenskt. Fæðuvalið
er fjölbreytt, til dæmis var grísasnitsel
á boðstólum á mánudag, keila á
þriðjudag og kjúklingur á miðviku-
dag. Þingmenn og aðrir starfsmenn
þingsins hafa einnig alltaf aðgang að
salatbar, súpu og nýbökuðu brauði.
Hefur lést um mörg kíló
Sigmundur Davíð er eins og alþjóð
veit á „íslenska kúrnum“ og borðar
hann einungis íslenskar afurðir.
Hann hefur leyft þjóðinni að fylgj-
ast með þessu átaki sínu en hann var
orðinn – að eigin sögn – alltof þungur.
Sigmundur var 108 kíló þegar hann
byrjaði í megruninni en samkvæmt
upplýsingum af Facebook-síðu Sig-
mundar hefur hann lést um 8,4 kíló.
„Kominn undir 100 kíló í fyrsta skipti
frá því ég var 12 ára … nei það er lík-
lega ekki alveg það langt síðan en
alla vega lengra en ég man og í milli-
tíðinni hafa verið ófáar tilraunir sem
skiluðu ekki sama árangri og íslenski
kúrinn,“ sagði Sigmundur um megr-
unina.
Gerði hlé og fékk matareitrun
Í eina skiptið sem vitað er fyrir vissu
að Sigmundur hafi svindlað á „ís-
lenska kúrnum“ er þegar hann var
staddur í Finnlandi. Þá fékk hann
matareitrun. „Fundaferðin með ut-
anríkismálanefnd gekk vel þar til ég
fékk matareitrun,“ skrifaði hann á
Face book-síðuna. Sigmundur Davíð
var í Finnlandi ásamt utanríkismála-
nefnd Alþingis en hann hafði þá verið í
nokkrar vikur á íslenska kúrnum. Áður
en hann lagði af stað til Finnlands gaf
hann það út að hann myndi gera hlé á
íslenska mataræðinu og prófa finnsk-
an mat á meðan að hann vær þar.
Ódýr og fjölbreyttur matur
Maturinn sem er á boðstólum á Al-
þingi er þó fjölbreyttur og fæst gegn
mjög sanngjörnu verði fyrir þing-
menn og aðra starfsmenn. Eins og
matseðill vikunnar gefur til kynna fá
þingmenn fisk að jafnaði tvisvar í viku
en í þessari viku er það pönnusteikt
keila í tómat og basil og nætursöltuð
ýsa. Þingmenn og aðrir starfsmenn
borga 500 krónur fyrir hverja heita
máltíð í mötuneytinu en köld mál-
tíð kostar 430 krónur. Fyrir þá þing-
menn sem geta látið sér súpu nægja
geta þeir fengið sér súpu, sem alltaf
er í boði á salatbarnum í þinginu, fyr-
ir 210 krónur.
n Sigmundur Davíð Gunnlaugsson ekki óhultur fyrir erlendum mat í mötuneyti þingsins
n Boðið upp á íslenskt hráefni eftir bestu getu n Borga 500 krónur fyrir máltíðina
Ekki bara íslenskt
í matinn á Alþingi
„Fundaferðin með
utanríkismála-
nefnd gekk vel þar til ég
fékk matareitrun. Mánudagur
n Svínasnitsel með bökuðum
kartöflum, rauðkáli, grænmeti og sósu
n Mexíkósk súpa
Þriðjudagur
n Pönnusteikt keila í tómat og basil
með kartöflum og salati
n Krydduð baunasúpa
Miðvikudagur
n Tandoori kjúklingaréttur með hrís-
grjónum og brauði
n Frönsk súpa
Fimmtudagur
n Nætursöltuð ýsa með kartöflum,
rófum og rúgbrauði
n Blómkálssúpa
Föstudagur
n Salatbarinn
n Matarmikil kjötsúpa
Matseðill Alþingis
í þessari viku
Ekki öruggur Sigmundur Davíð getur
ekki verið öruggur um að fá aðeins ís-
lenskan mat í mötuneyti Alþingis.
Aðalsteinn Kjartansson
blaðamaður skrifar adalsteinn@dv.is
Aðalsteinn Bergdal leikari:
„Ber engan kala
til ökumanns“
„Ég vil fyrst og fremst að hann finni
ekki fyrir einhverri sekt hjá sér því
hann gerði ekki neitt rangt í sjálfu
sér,“ segir leikarinn Aðalsteinn Berg-
dal um piltinn sem keyrði á hann og
sambýliskonu hans í síðustu viku.
Aðalsteinn slasaðist illa en vinstri
fótur hans brotnaði á fjórum stöð-
um fyrir neðan hné og þar af var
eitt opið brot. Hægri fótleggur hans
brotnaði einnig á einum stað og þá
fékk hann höfuðhögg sem olli mari á
heila og bjúgsöfnun í kjölfarið.
Aðspurður um tildrög slyssins
segir hann að bíll hefði stöðvað fyrir
þeim en skyggnið hafi verið slæmt
og pilturinn líklega ekki áttað sig
á því. Þau hafi því endað á bílnum
og svo í götunni. Hann vill síður að
ökumaðurinn burðist með sektar-
kennd vegna óhappsins og ætlaði
því, með aðstoð milligöngumanna,
að hitta drenginn í gær til að segja
að honum þyki vænt um hann.
„Ég ber engan kala í brjósti til
þessa pilts sem verður fyrir þessu.
Því þetta var slys. Ég vil ekki að hann
sé að burðast með þetta á sinni sál.
Að svona ungur maður haldi að
þarna úti sé einhver maður sem sé
brjálaður út í hann. Ég vil bara að
hann geti gengið hiklaust um götur
vitandi það að það er engum þarna
úti sem er illa við hann,“ segir Aðal-
steinn.
Fótleggur Aðalsteins er illa farinn
en það er höfuðhöggið sem plagar
hann mest. „Steinarnir inni í mið-
eyranu losnuðu eitthvað þannig
að ég fæ svona tilfinningu eins og
skrokkurinn sé kominn á hringferð
og ég verð bara að grípa í sjúkrarúm-
ið svo ég fljúgi hreinlega ekki út um
gluggann,“ segir leikarinn slasaði.
Þrátt fyrir lífsreynsluna tekur Að-
alsteinn slysinu af mikilli jákvæðni.
„Það þýðir ekkert annað. Þegar hlut-
ur er orðinn þá er hann orðinn og
maður breytir honum ekki. Ég reyni
að vakna afar jákvæður á hverjum
morgni.“