Dagblaðið Vísir - DV - 14.10.2011, Blaðsíða 14

H
æstiréttur snéri við úrskurði
Héraðsdóms Reykjaness
á fimmtudag og dæmdi
Gunnar Rúnar Sigurþórs-
son í 16 ára fangelsi fyrir að
ráða Hannesi Þór Helgasyni bana.
Gunnar Rúnar hafði áður verið sýkn-
aður í málinu og úrskurðaður ósak-
hæfur. „Sorgin er enn til staðar og
hjartað er ennþá aumt. Ekki bætir úr
skák að móðir mans lætur lífið innan
við ári eftir að bróðir manns er myrt-
ur,“ segir systir Hannesar.
Fagnaðalæti brutust út
Fjölskylda Hannesar Þórs fagnaði
og hrópaði þegar dómsorð Hæsta-
réttar voru lesin upp. Viðbrögð fjöl-
skyldunnar urðu til þess að forseti
Hæstaréttar skammaði fjölskyld-
una og sagði að slík viðbrögð væru
ekki liðin í Hæstarétti. Svona hegð-
ar maður sér ekki í réttarsal, sagði
Ingibjörg Benediktsdóttir, forseti
Hæstaréttar, við fjölskyldumeðlimi.
Fáheyrt er að fagnaðarlæti brjótist
út í réttarsal þegar dómur er kveð-
inn upp.
Fjölskylda Hannesar Þórs faðm-
aðist svo og gladdist saman fyrir
utan Hæstarétt, þrátt fyrir að dagur-
inn og málið allt í heild hafi reynst
þeim mjög erfitt. Kristín Helgadótt-
ir, systir Hannesar, segir að málinu
sé lokið en hún segir sorgina aldrei
hverfa úr hjartanu. Hún segir sig og
fjölskylduna vera ánægða með rétt-
arkerfið. „Ef við horfum á þetta út
frá réttarkerfinu þá er maður glað-
ur.“
Hafði fulla stjórn
Hæstiréttur taldi að Gunnar Rúnar
hefði haft fulla stjórn á sjálfum sér
þegar hann stakk Hannes Þór ítrek-
að með hnífi. Gunnar verður fluttur á
Litla-Hraun þar sem hann mun sitja
af sér dóminn. Síðustu mánuði hef-
ur hann verið vistaður á réttargeð-
deildinni að Sogni. „Var ásetningur
ákærða til að svipta [Hannes Þór] lífi
einbeittur og á hann sér engar máls-
bætur,“ segir í dómnum.
Dómurinn telur að rétt megi vera
að Gunnar Rúnar sé haldinn geð-
sjúkdómi og hróflar dómurinn ekki
við því áliti þriggja geðlækna sem
unnu greiningu á Gunnari fyrir hér-
aðsdóm. Telur dómurinn hins veg-
ar ekki hægt að fullyrða að sá sjúk-
dómur hafi með öllu ráðið gerðum
hans. „Þegar á hólminn var komið
gekk hann svo ákveðið og skipulega
til verks. Einnig virðist ákærði eftir á
hafa gert allt, sem í hans valdi stóð,
til að aftra því að upp um hann kæm-
ist, þar á meðal neitaði hann stað-
fastlega að hafa orðið Hannesi Þór að
bana þar til böndin fóru æ meira að
berast að honum við rannsókn máls-
ins,“ segir í dómnum.
Saksóknari vildi refsingu
Dómi héraðsdóms var áfrýjað af
ríkissaksóknara til Hæstaréttar en
saksóknari krafðist þess að Gunnar
Rúnar yrði úrskurðaður sakhæfur
og dæmdur til fangelsisvistar eins
og aðrir sem gerast sekir um morð.
Gunnar Rúnar játaði á sig morðið
í yfirheyrslum hjá lögreglu og fyrir
dómi en hann reyndi fyrstu dagana
eftir morðið að halda því leyndu að
hann hefði banað Hannesi. Hann var
tvívegis handtekinn við rannsókn
málsins. Ákæruvaldið lagði fram
greinargerð sem Sigurður Páll Páls-
son, yfirlæknir á Sogni, gerði á stöðu
Gunnars Rúnars. Í greinargerðinni
segir Sigurður Páll ekkert benda til
þess að Gunnar Rúnar sé ástsjúkur,
líkt og var niðurstaða geðmats á
honum sem lagt var fyrir héraðsdóm
sem úrskurðaði hann ósakhæfan.
Sorgin enn til staðar
Fjölskyldan hafði lýst opinberlega
yfir vonbrigðum með að Gunn-
ar Rúnar hefði verið úrskurðaður
ósakhæfur í héraðsdómi. Fjölskylda
Hannesar var í salnum þegar dóm-
urinn var kveðinn upp. Kristín seg-
ir að sér og fjölskyldunni sé létt.
Fimmtudagurinn var þó mjög erfið-
ur fyrir fjölskylduna. „Þetta er erfið-
ur dagur fyrir fjölskylduna, í morgun
[fimmtudag] kistulögðum við móður
okkar. Þetta eru svolítið blendnar til-
finningar í dag. Léttir og sorg,“ segir
Kristín.
Hæstiréttur taldi að Gunnar Rúnar
„hafi borið skynbragð á eðli þess af-
brots, sem hann er ákærður fyrir, og
að hann hafi verið að því marki fær
um að stjórna gerðum sínum þegar
hann stakk A til ólífis að hann telj-
ist sakhæfur“. Sjálf hefur fjölskyld-
an aldrei efast um sakhæfi Gunnars.
„Aldrei. Frá fyrsta degi höfum við
aldrei efast um sakhæfi hans. Enda
lásum við allan þann vitnisburð sem
við gátum lesið sjálf. Við höfum aldrei
efast,“ segir Kristín aðspurð hvort fjöl-
skyldan hafi einhvern tímann efast
um sakhæfi Gunnars Rúnars.
14 | Fréttir 14.–16. október 2011 Helgarblað
Ísland og ESB:
Þurfa að leggja
fram áætlun
Íslenskum stjórnvöldum hafa borist
niðurstöður frá Evrópusambandinu
vegna rýnivinnu um byggðamál, en
þau eru einn liður í viðræðum Ís-
lands um aðild að ESB. Í niðurstöð-
unum kemur fram að forsenda þess
að hægt sé að hefja samningavið-
ræður um byggðamál sé að íslensk
stjórnvöld leggi fram ítarlega og
tímasetta aðgerðaráætlun. Þar þurfa
að koma fram skýr markmið hvað
varða framkvæmd byggðastefn-
unnar og nauðsynlega stjórnsýslu.
Er slík áætlun nauðsynleg í ljósi
þess að Íslendingar hyggjast ekki
ráðast í breytingar á stjórnsýslunni
í tengslum við aðildarviðræður fyrr
en eftir að aðildarsamningur hefur
verið samþykktur í þjóðaratkvæða-
greiðslu.
Í rýniskýrslunni frá ESB er reif-
aður málflutningur Íslendinga um
sérstöðu Íslands vegna mannfæðar,
strjálbýlis og fjarlægðar frá erlend-
um mörkuðum. Helstu atriði sem
koma fram í skýrslunni eru með-
al annars að íslensk stjórnsýsla sé
lítil og sveigjanleg. Þá sé til staðar
töluverð reynsla við rekstur og þátt-
töku í ýmsum áætlunum ESB. Við-
eigandi löggjöf er að mestu leyti til
staðar en styrkja þarf lagagrundvöll
á nokkrum sviðum og tryggja að
fjárlagagerð á sviði byggðamála taki
mið af áætlanagerð til lengri tíma.
Þá kemur einnig fram í skýrslunni að
við framkvæmd byggðastefnu ætli
Ísland sér að nýta núverandi stjórn-
sýslu eftir því sem kostur er og hafa
hana smáa og einfalda í sniðum.
Á heimasíðu utanríkisráðuneytis-
ins kemur fram að íslensk stjórnvöld
muni nú hefja vinnu við áætlana-
gerðina og að henni verði lokið á
næstu mánuðum. Þá verði hægt að
hefja efnislegar samningaviðræður
um málaflokkinn.
„Hjartað er
ennþá aumt“
n Hæstiréttur dæmdi Gunnar Rúnar Sigurþórsson í 16 ára fangelsi
n Var áður talinn ósakhæfur og var vistaður á réttargeðdeild„Ef við horfum á
þetta út frá
réttarkerfinu þá er
maður glaður.
Aðalsteinn Kjartansson
blaðamaður skrifar adalsteinn@dv.is
Erfiður dagur Dagurinn sem dómurinn var kveðinn upp yfir Gunnari var fjölskyldu
Hannesar erfiður en fyrr um daginn var kistulagning móður Hannesar.
Sekur Gunnar
Rúnar er sak-
hæfur að mati
Hæstaréttar
sem hefur
dæmt hann í
16 ára fangelsi
fyrir morðið á
Hannesi Þór
Helgasyni.
Sýknaður í
Hæstarétti
Karlmaður, sem var sakfelldur í Hér-
aðsdómi Reykjavíkur fyrir kynferðis-
brot, var sýknaður í Hæstarétti Ís-
lands á fimmtudag. Manninum var
gefið að sök að hafa káfað innan
klæða á tveimur ungum drengjum
þegar hann var leiðbeinandi á nám-
skeiðum sem drengirnir sóttu fyrir
þremur árum.
Í Héraðsdómi Reykjavíkur var
maðurinn dæmdur í sex mánaða
skilorðsbundið fangelsi í septem-
ber í fyrra en Hæstiréttur sneri þeim
dómi.
Maðurinn neitaði því að hafa
brotið gegn drengjunum sem voru
sjö og átta ára þegar meint brot voru
framin. Maðurinn var þá sjálfur
sautján ára. Hæstiréttur taldi að ekki
væri komin fram sönnun þess efnis
að maðurinn hefði gerst sekur um
þá háttsemi sem lýst var í ákæru.
Lést í vinnuslysi
Karlmaðurinn sem lést í vinnu-
slysi á Djúpavogi í gær hét Jón
Ægir Ingimundarson. Hann var
41 árs og lætur eftir sig sambýlis-
konu og tvö börn.
Bænastund var haldin í
Djúpavogskirkju klukkan 18 á
fimmtudag. Banaslysið varð þeg-
ar verið var að losa salt úr skipi
við höfnina á Djúpavogi og krani
sem notaður var í verkið brotnaði
og féll á Jón Ægi.