Dagblaðið Vísir - DV - 14.10.2011, Blaðsíða 13
Fréttir | 13Helgarblað 14.–16. október 2011
Bílaverkstæði
Varahlutaverslun
Smurstöð
Dekkjaverkstæð
Bremsur
Spindilkúlur
Stýrisendar
ofl, ofl
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
B
rotist var inn í leikskólann
Sælukot aðfaranótt fimmtu-
dags. Leikskólinn er lítill
einkarekinn leikskóli sem
rekinn er af jógahreyfingunni
Ananda Marga. Stefna skólans er í
anda nýhúmanisma, sem í grundvall-
aratriðum þýðir að áhersla er lögð á
ást og virðingu gagnvart náunganum
og umhverfinu. Af þeim sökum er til
dæmis eingöngu boðið upp á græn-
metisfæði og leitast er við að þroska
börnin á líkamlegan, hugrænan og
andlegan máta.
Það var leikskólastjórinn, Didi An-
anda Kaostubha, sem kom fyrstur
að klukkan 7.30 í gærmorgun og brá
heldur betur í brún. „Ég sá að gardín-
urnar voru ekki eins og þær áttu að
vera og þegar betur var að gáð sá ég að
glugginn hafði verið fjarlægður. Síðan
sá ég að aðaldyrnar stóðu opnar og þá
varð ég hrædd,“ segir Didi Ananda, en
Didi þýðir systir á frummálinu og er
heiti sem er notað yfir nunnur á veg-
um Ananda Marga. „Ég hélt kannski
að það væri einhver enn inni í leik-
skólanum. Ég hef heyrt fréttir af því að
fólk brýst inn og sefur svo í húsinu. Ég
óttaðist að koma að innbrotsþjófun-
um og vildi því ekki fara inn í húsið,“
segir Didi Ananda sem yfirgaf svæðið
og hringdi í lögregluna.
Allt í rúst
Fimm mínútum síðar var lögregl-
an komin og Didi Ananda fór á eftir
henni inn í húsið. Þá blasti við henni
ófögur sýn. „Það var allt í rúst og búið
að stela öllu steini léttara. Þeir höfðu
tekið tvær tölvur, tveggja ára Mac-
fartölvu, borðtölvu, upptökutæki,
flatskjá, splunkunýjan skjávarpa, dvd-
spilara, þrjár myndavélar, eina sem ég
átti persónulega og var ný og svona
ýmislegt. Þeir höfðu einnig fundið 20
þúsund krónur í skúffunni minni og
hafa greinilega haldið að þeir gætu
jafnvel fundið meira þannig að það
var búið að róta í öllum skúffum og
taka lítil box sem ég átti.“
Biður um harða diskinn
Verst var að þeir tóku einnig harða
diskinn hennar Didi Ananda en á
honum eru ýmis mikilvæg gögn sem
hún hefur sankað að sér á síðustu
20 árum þar sem hún hefur starfað
í þjónustu Ananda Marga víða um
heim. „Mér finnst það afar sárt. Þetta
er tjón sem ekki er hægt að bæta. Ég
hef starfað í 48 löndum og geymi allt
sem ég þarf að eiga á harða diskin-
um. Þannig að ég myndi gjarna vilja
fá hann aftur og hvet þann sem er
með hann til að skila honum, ég þarf
nauðsynlega á honum að halda. Ég
væri jafnvel tilbúin til að kaupa hann
aftur ef út í það færi. Ef fólk óttast að
það komi upp um sig með því að skila
diskinum heiti ég því að koma-ekki
upp um hann. Það hlýtur að vera hægt
að finna leið til þess að koma honum
til mín. Þessi harði diskur hefur enga
merkingu fyrir þann sem tók hann en
hann hefur bæði mikið tilfinninga-
legt gildi fyrir mig og áhrif á mitt fag-
lega starf og mun gera það næstu árin.
Ef einhver getur hjálpað mér að finna
þetta þá kynni ég vel að meta það.“
Hélt ró sinni fyrir börnin
Eins mun það hafa áhrif á starf leik-
skólans að tapa þeim gögnum sem
geymd voru í tölvum skólans, þar á
meðal mikilvægum upplýsingum um
nemendur og starfið. Didi Ananda
segir að þrátt fyrir allt, óreiðu og upp-
nám hafi hún reynt að halda ró sinni
þegar börnin mættu í leikskólann.
Lögreglan var þá komin sem og ann-
að starfsfólk sem veitti henni stuðn-
ing. Svo hún tók í hönd nemenda og
leiddi um skólann eins og ekkert væri.
Að vísu var morgunmaturinn bor-
inn fram tíu mínútum á eftir áætlun,
þar sem Didi Ananda er vön að sjá um
hann, en börnin létu það ekki á sig fá.
„Börnin skildu ekki hvað var að gerast,
fannst bara spennandi að sjá lögregl-
una og tökuliðið frá RÚV sem fékk að
mynda. Þau voru glöð og sungu Baba-
Nam Kevalam eins og alltaf,“ en það er
mantra sem börnin syngja í upphafi
hvers dags um leið og þau hugleiða,
þakka fyrir sig og minnast þess að ást-
in er allt í kring.
Fylgst með leikskólanum
Didi Ananda segir að það skilji auð-
vitað eftir sig óþægindatilfinningu
og sé í raun hálfóhugnanlegt að vita
að fylgst hafi verið með leikskólan-
um eins og greinilega hafi verið gert
en fagmannlega var að innbrotinu
staðið. Glugginn var fjarlægður og
farið inn í herbergið þar sem verð-
mætin voru geymd og því stolið sem
var einhvers virði. Af ótta við að inn-
brotsþjófarnir komi aftur vill hún því
ítreka að engin verðmæti séu eftir í
Sælukoti og að eftirlit verði eflt héðan
í frá. Þess má geta að hagsýni er höfð
að leiðarljósi við rekstur skólans,
börnin leggja til dæmis til gamlar
bækur að heiman og árlega gefa for-
eldrar vinnu sína við viðhald og upp-
byggingu á leikskólanum og skóla-
lóðinni. „Þrátt fyrir allt er góður andi
í leikskólanum og ég veit að það mun
ekki breytast. Ég veit líka að ég mun
komast yfir óttann á næstu dögum.
Þetta verður allt í lagi. Það er bara svo
sárt að sjá að fólki virðist ekkert vera
heilagt lengur.“
n Leikskóli sem leggur höfuðáherslu á kærleika n Þorði ekki inn af ótta við þjófana n „Allt í rúst og búið
að stela öllu steini léttara“ n Telur að fylgst hafi verið með leikskólanum n Biður um harða diskinn aftur
Didi Ananda Kaostubha
Kom hingað til að reka leik-
skóla á vegum Ananda Marga
og brá heldur betur í brún þegar
brotist var inn í Sælukot. Brotist inn
í leikskóla
rekinn af
nunnum
Ingibjörg Dögg Kjartansdóttir
blaðamaður skrifar ingibjorg@dv.is
„Börnin skildu ekki
hvað var að ger-
ast, fannst bara spenn-
andi að sjá lögregluna og
tökuliðið frá RÚV.