Dagblaðið Vísir - DV - 14.10.2011, Page 46

46 | Sport 14.–16. október 2011 Helgarblað
Þ
að virðist fátt geta kom-
ið í veg fyrir að Svíinn
Lars Lagerbäck verði
næsti landsliðsþjálfari
Íslands í fótbolta. Geir
Þorsteinsson, formaður KSÍ,
hefur sagst vera í viðræðum
við Svíann, þeim miði vel og
einungis eigi eftir að ganga frá
lausum endum. Lars Lager bäck
er margreyndur þjálfari sem
stýrði sænska landsliðinu í níu
ár, þó um tíma ásamt félaga sín-
um Tommy Söderberg. Undir
þeirra stjórn komst Svíþjóð á
EM 2000 og HM 2002. Lager-
bäck tók svo einn við liðinu og
stýrði því inn á EM 2004 og 2008
ásamt því að koma liðinu á HM
2006. Hann tók svo við liði Níg-
eríu á síðasta ári og stýrði því á
HM 2010 en komst ekki upp úr
riðlunum. Lagerbäck hefur ver-
ið í landsliðsþjálfun frá árinu
1990 er hann tók við U21 árs
liði Svía og þekkir því alþjóða-
boltann vel. Hann hefur þó sína
kosti og galla eins og DV komst
að þegar blaðið hafði samband
við mann sem hefur lengi fylgst
með Lagerbäck og sænska
landsliðinu.
Taktískur þjálfari
Simon Bank, pistlahöfundur
hjá íþróttablaði Aftonbladet í
Svíþjóð, hefur fylgst náið með
sænska landsliðinu undanfarin
ár og fylgt því hvert fótmál.
Hann þekkir vel til Lars Lag-
erbäck, bæði sem þjálfara og
persónu. „Lagerbäck er mikill
nákvæmnismaður með mikla
reynslu og hugsar mjög mik-
ið um smáatriðin. Ég myndi
segja að hann væri góður, takt-
ískur þjálfari. Hann leggur upp
með það að ná úrslitum og
spilar fótbolta í anda sænska
og enska landsliðsins á níunda
áratugnum. Það er 4-4-2 og
pressa. Hann er án efa mjög
hæfur þjálfari en á það til að
taka ákvarðanir frekar byggðar
á regluverki en tilfinningu fyr-
ir leiknum,“ segir Bank í viðtali
við DV.
Stóran hluta þjálfaraferils-
ins hjá Svíþjóð stýrði Lager-
bäck liðinu ásamt Tommy Sö-
derberg og aðspurður hversu
mikinn þátt Lagerbäck hafi átt
í velgengni Svía þegar þeir voru
tveir segir Bank: „Mjög mikinn,
að sjálfsögðu. Það sem Söder-
berg hafði var töluvert meiri
hæfni í mannlegum samskipt-
um.“
Tekur enga áhættu
Það er ekkert launungarmál
að sænska landsliðið er tölu-
vert betra en það íslenska og
hefur Lagerbäck sjálfur unnið
nokkra afar góða og auðvelda
sigra á Íslandi. Bank er þó á því
að hann geti staðið sig vel með
Ísland því styrkleiki hans sem
þjálfara liggi samhliða því sem
Ísland þurfi að gera í fótbolta-
leikjum. Að verjast. „Sterkasta
hlið Lagerbäcks er varnarleik-
urinn myndi ég segja. Gengi
hans varnarlega yfir mestallan
ferilinn hjá sænska landsliðinu
hefur verið hreint frábært,“ seg-
ir Bank. „Ég er nokkuð viss um
að hann muni standa sig vel
með Ísland, taki hann við lið-
inu. Hann mun gera liðið mun
betra varnarlega og tryggja að
það geri færri mistök en and-
stæðingurinn. Vanalega er
nefnilega enn mikilvægara að
vera rétt skipulagður við þjálf-
un á slakara liði.“
Bank segir að hugmynda-
fræði Lagerbäcks sem þjálf-
ara sé að loka á andstæðing-
inn frekar en að spila einhvern
gullfallegan fótbolta. „Ég hef
túlkað hugmyndafræði hans
þannig að hann taki sjaldan
áhættu. Því eins og ég segi legg-
ur hann ríka áherslu á varnar-
leikinn og vill loka fyrir allar
leiðir andstæðingsins að mark-
inu og koma í veg fyrir sóknar-
bolta hjá honum. Þetta leiðir til
mun betri árangurs en vissu-
lega voru þeir Söderberg á sín-
um tíma gagnrýndir fyrir þessa
hugmyndafræði,“ segir Bank en
minnir þó á að hann kom liðinu
á fimm stórmót.
Tekur fast á agamálum
Lagerbäck þjálfaði sænska
landsliðið í níu ár og segir Bank
að á þeim tíma hafi það varla
þekkst að leikmenn liðsins
kvörtuðu yfir honum. Heilt yfir
var hópurinn meira og minna
ánægður með hann sem þjálf-
ara. Það kom þó fyrir að ekki var
allt svo rólegt. „Endrum og eins,
sérstaklega til að byrja með og
svo rétt fyrir Heimsmeistara-
keppnina í Þýskalandi 2006
heyrðust óánægjuraddir. Þá
voru leikmennirnir óánægðir
með hvernig hann stýrði lið-
inu. Það var þó ekki fyrr en eftir
að hann hætti að leikmennirn-
ir fóru að gagnrýna hann op-
inberlega og þá nokkuð harð-
lega,“ segir Bank.
Agamálin hafa verið mikið
í brennidepli hjá landsliðinu
síðastliðin misseri undir stjórn
Ólafs Jóhannessonar en nú síð-
ast var Veigar Páll sendur heim
fyrir sitja að sumbli nokkrum
dögum fyrir leik í leyfisleysi. Þá
hefur það borið við að lands-
liðsmenn velji sér leiki til að
spila en þetta mun ekki líð-
ast undir stjórn Lagerbäcks ef
marka má Bank.
„Það er klárt að hann mun
stöðva þetta. Hann var á sínum
tíma með þrjá algjöra lykilleik-
menn í Zlatan, Olof Mellberg
og Christian Wilhelmsson. Þá
rak hann alla úr liðinu eftir að
þeir rufu útivistarbann í Gauta-
borg fyrir landsleik. Þar sem
einn leikmannanna, Zlatan, er
langbesti leikmaður liðsins og
andlit fótboltans í Svíþjóð þurfti
mikinn kjark til að taka þessa
ákvörðun. Hann mun ekki
líða neina óíþróttamannslega
hegðun,“ segir Bank en mun
hann vinna sér inn virðingu
leikmanna fljótt að hans mati?
„Þeir verða auðvitað að átta
sig á öllu því sem hann hefur
gert, sama hvað þeim finnst um
hann. Hann mun ekki vinna
þá á sitt band með sjarmanum
einum því hann er algjörlega
sjarmalaus. Hann mun samt
ekkert þurfa þess.“
Hatar pressuna
Aðspurður um veikleika Lager-
bäcks er Bank fljótur að svara.
„Að hvetja menn, vinna með
leikmenn maður á mann, tala
við pressuna og þá skortir hann
alla hlýju sem per sónu.“ Lager-
bäck er ekki mikill vinur frétta-
manna og hefur í raun engan
áhuga á að díla við þá. „Hann
hatar pressuna,“ segir Bank.
Þá sést hversu þurr á mann-
inn hann er,“ segir Bank en þá
á Lagerbäck einnig afar erfitt
með að taka gagnrýni. „Hann
á mjög erfitt með að sætta sig
við að bæði fjölmiðlamenn og
almenningur hafi skoðun á því
sem hann er að gera. Að því
sögðu verður samt að benda á
að hann hefur alltaf – eða nær
alltaf – hegðað sér mjög fag-
mannlega þegar kemur að
samskiptum við fjölmiðla-
menn. Það er sama hvort hon-
um hefur líkað við blaðamann
sem spyr hann spurningar eða
ekki þolað hann, Lagerbäck
nálgast þá alla eins.“
Aðspurður að lokum hver
arfleifð Lagerbäcks sé í sænskri
knattspyrnu og hvort sænska
þjóðin hampi honum segir
Bank: „Ég myndi segja það. Sem
landsliðsþjálfari var hann ekk-
ert elskaður en sænsku stuðn-
ingsmennirnir kunnu auðvi-
tað að meta það hvernig hann
kom Svíþjóð á stórmót aftur og
aftur. Núna eftir að hann hætti
hefur hann slegið í gegn sem
fótbolta spekúlant í sjónvarpi.
Með því hefur sænska þjóðin
fengið svona nýtt sjónarhorn á
hann.“
Sjarmalaus en
nær úrslitum
n Lars Lagerbäck tekur við íslenska landsliðinu í fótbolta n Virtur sænskur íþróttapenni segir hann góðan
í starfið – spilar öflugan varnarleik og tekur fast á agamálum n Hefur enga persónutöfra og hatar fjölmiðla
Tómas Þór Þórðarson
tomas@dv.is
Fótbolti
Simon Bank Einn virtasti fótbolta-
penni Svíþjóðar.
„Hann mun
ekki líða
neina óíþrótta-
mannslega hegðun
Nær úrslitum
Lagerbäck tekur sjaldan
áhættu en safnar
stigum. myNd ReuTeRS