Dagblaðið Vísir - DV - 14.10.2011, Blaðsíða 36

36 | Menning 14.–16. október 2011 Helgarblað
Menningarrýni
Hvað ertu
að gera?
Ætlar að
sjá Jón og
séra Jón
Hvaða bók ertu að lesa?
„Ég er haldinn þeirri ónáttúru að
lesa mjög margar bækur á sama
tíma sem verður til þess að það er
hending ef ég næ að klára nokkra.
Þessa stundina er ég meðal annars
að lesa Miss Peregrine’s Home
for Peculiar Children og Lords of
Chaos: The Bloody Rise of the
Satanic Metal Underground. Þess
á milli gríp ég í leikrit Tennessee
Williams.“
Hvaða bíómynd sástu síðast og
hvernig líkaði þér hún?
„Ég sá Borgríki síðast á frum-
sýningu. Ég hafði mjög gaman af
henni, hún kom mjög á óvart, ný
fersk tegund í íslenskri kvikmynda-
gerð.“
Hvað ætlarðu að gera um
helgina?
„Helgarnar eru oft svo pakkaðar
af áhugaverðum hlutum að maður
á í stökustu vandræðum með að
velja og hafna. Ég ætla að reyna
að sjá John Grant á Airwaves. Sá
hann í Berlín í vor og hann var alveg
frábær. Svo eru tvær mjög spenn-
andi heimildarmyndir í Bíó Paradís
sem ég ætla að sjá, Paradox og Jón
og séra Jón.“
DV mælir með...
DV mælir ekki með...
Ragnar Bragason
TÖLVULEIKUR
FIFA 12
„Þú mátt ekki missa af FIFA 12. Það
er bara þannig.“ – Sigurður Mikael
Jónsson
GEISLADISKUR
Haglél
Mugison
„Mugison hefur síðustu
5–6 ár sýnt hvað eftir ann-
að að hann getur verið frábær, en aldrei
eins greinilega og á nýjustu plötunni,
Hagléli.“ – Valgeir Örn Ragnarsson
BÓK
Meðan enn er glóð
Gaute Heivoll
„Óhætt er að mæla
með þessari bók.
Hún er óvenjuleg og
óhugnanleg en á sama
tíma falleg og nær-
gætin.“ – Kristjana Guðbrandsdóttir
BÓK
Paganinisamningurinn
Lars Kepler
„Paganinisamningurinn
er ágætis afþreying. Þeir
sem lesa oft glæpasög-
ur verða líklegast ekki
fyrir stórfelldum von-
brigðum.“ – Kristjana
Guðbrandsdóttir
V
innustofa Munda er í
Pósthússtræti 13. Þar
er móðir hans, Sigyn,
og lætur hendur
standa fram úr erm-
um. „Það er allt í drasli,“ segir
hún, ranghvolfir augunum og
býður upp á kaffi. Hún hellir
upp á með annarri og hringir
í Munda með hinni. „Mundi.
Hvar ertu? Þú átt að vera í við-
tali.“
Chained and dumped
in the Ocean er heiti vor-
og sumarlínu Munda árið
2012. Blaðamaður fær að líta
á nokkrar flíkur sem verða á
sýningunni meðan hann bíð-
ur eftir Munda. Keðjur, brim-
brettakappar, flóðbylgjur, haf-
meyjar og akkeri. Hann hefur
valið sér silki, þykkt og þægilegt
bambus efni og teygjuefni með
áprentuðu keðjumynstri. Lit-
irnir eru svartir, hvítir, gráir og
heiðbláir. Það er ekki við öðru
að búast en að Mundi finni
upp á einhverju mögnuðu á
tískusýningunni sem verður
haldin í Gamla bíói á laugar-
daginn. Áður hefur hann byggt
fiskabúr á sviði, látið fyrirsæt-
urnar detta á sviðinu, snúið við
kynjahlutverkum og sett karl-
fyrirsætur í nælonsokkabuxur.
Einu sinni valdi hann að hafa
fyrirsæturnar með Downs-
heilkenni. Blaðamaður var á
þeirri sýningu og man vel eft-
ir henni og viðbrögðunum.
Hægra megin við hann sat ís-
lensk kona, pínulítið full, sem
sagði: „Ég held ég æli.“ Hinum
megin var blaðamaður frá The
Guardian sem hvíslaði lágt af
hrifningu: „Genius!“
Stress og rugl
Mundi kemur fljótlega. Var
í næsta nágrenni. Hann af-
þakkar kaffisopann frá móður
sinni. „Ég er svo slæmur í mag-
anum,“ útskýrir hann. „Maginn
í mér er alveg ónýtur af stressi
og rugli. Ég keyri mig oft út og
gleymi að borða. Drekk samt
endalaust af kaffi. Ég fæ mér
bara te.“ Mamma hans færir
honum tebolla og á meðan af-
sakar Mundi draslið rétt eins
og móðir hans. „Það er venju-
lega mjög fínt og snyrtilegt
hérna hjá okkur.“
Mundi situr í rauðum
flauelssófa, við bókahillu. Í
henni eru margar skemmtileg-
ar bækur. Sumar gamlar, aðrar
nýjar. Listasaga Fjölva og fleiri
hnausþykkar listaverkabæk-
ur. Ritverkasafn Shakespeares,
skáldsögur, tímarit. Nokkrar
skissubækur. Honum finnst
gott að sitja í þessum sófa og
blaðar oft í hugmyndum sín-
um á stofuborði fyrir framan
sig. Stundum breytist þetta
horn í eftirpartí. Það er líklegt
að svo verði á laugardaginn.
„Ég ætla ekkert að segja
neitt of mikið um sýn-
inguna. Gestirnir geta kom-
ið í Airwaves- þynnkunni.
Sýningin verður klukkan 3 og
líklegt að margir verði ansi
myglaðir,“ segir hann og glott-
ir. „Steina ætlar að sjá um farð-
ann og Hrafnhildur Hólm-
geirsdóttir er stílisti. Mér finnst
mjög gott að vinna með henni,
hún veit alveg hvað hún vill og
ég efast aldrei. Okkur Steinu
kemur líka vel saman. Hún sá
líka um förðun í stuttmyndinni
minni, Rabbit Hole.“
Óttalegir jólasveinar
Mynd hans Rabbit Hole hefur
farið á kvikmyndahátíðir víða
um heim og fengið góða dóma.
Hún er orðin að nokkurs kon-
ar költ-mynd og Mundi sýndi
hana síðast á Norræna tísku-
tvíæringnum í Seattle í Banda-
ríkjunum. Þar svaraði hann
spurningum gesta um mynd-
ina. Næsta mynd hans verður
ekki síður áhugaverð. Hann
frumsýnir hana um jólin og
segir hana verða jólamyndina
í ár. Glottið gefur til kynna að
myndin sé óhefðbundin.
„Mér fannst ótrúlega fyndið
að gera jólamynd því það er
eitthvað svo kjánalegt. Myndin
fjallar um þennan einkennilega
tíma í borginni og hvernig tveir
síkópatar og algjörir fávitar
eyða honum saman með rétt-
vísina á hælunum. Þeir kom-
ast ávallt undan réttvísinni. Ör-
lögin eru með þeim. Hún mun
heita Santas Night Out, eða á
íslensku Óttalegir jólasveinar.
Það er verið að leggja lokahönd
á myndina núna og fullt af
skemmtilegum leikurum prýð-
ir hana. Snorri Ásmundsson og
Atli Óskars, Jón Júlíusson, Alex-
ander Briem, Tinna Bergs, Vera
Sölvadóttir og Ragnar Kjartans.“
Ætlar að gera alla brjálaða
„Svo býð ég upp á fjársjóðs-
leit,“ segir hann leyndardóms-
fullur. Hann stendur upp og
nær í stóra þykka skissubók. Í
henni eru leyndardómsfullir
textar og völundarhús, þrautir,
listilega teiknaðar, sem flæða
yfir síðurnar. „Þetta er þrauta-
bók sem kemur út snemma á
næsta ári. Ég er að vinna hana
í samstarfi við fleiri listamenn.
Ef þú getur leyst þessar þrautir
færðu staðsetningu á fjársjóð.
Það er alvöru fjársjóður, virki-
lega verðugt að finna hann.“
Þarf ég þá skóflu og allt sam-
an? „Já, það getur vel verið,“
segir Mundi og hlær. „En fyrst
þarftu að finna lausn. Ég er að
vinna verkefnið í hóp með öðr-
um og við höfum lagt mikið á
okkur til þess að þetta verði að
skapandi áráttu.“ Ætlið þið að
gera alla brjálaða? „Já, ég held
það verði allir alveg brjálaðir.“
Teiknaði klukkustundum
saman í æsku
Mundi hefur teiknað linnu-
laust síðan hann var lítill.
Mamma hans hefur haldið vel
utan um teikningarnar, geymt
allar skissubækurnar hans sem
skipta tugum. Hún gaf honum
eitt sinn stóra innbundna bók
með teikningum frá barnæsku.
Hann stendur upp til að ná í
hana og leggur hana á borðið.
Þarna eru myndir frá því hann
var ungi og gat sett saman Óla
prik, þegar hann er um 10 ára
hefur hann teiknað mynd sem
sýnir fjörugt líf í garðinum,
pöddur að ganga með laufblöð
og allt að gerast, þegar hann
verður eldri taka við skrípa-
karlar og skrímsli. Ein myndin
sýnir karl standa með opinn
munninn og horfa upp. Uppi í
himninum er atómsprengja og
alls kyns dauðatól og ógnanir.
Við hliðina á dauðatólunum
stendur snyrtilega skrifað með
blýanti: Hvað myndir þú gera?
Þessa mynd teiknaði hann
þegar hann var í áttunda bekk.
„Ég teiknaði klukkustund-
um saman,“ segir Mundi. „Og
mér þykir vænt um þessar
teikningar og allt það sem ég
var að gera þegar ég var lít-
ill.“ Aftarlega í möppunni er
sjálfsmynd. Hana teiknaði
hann í Hagaskóla. Myndin
sýnir alvarlegan strák. Hagan-
lega teiknaðan og skyggðan
með falleg möndlulaga augu.
Á myndinni er hann 14 ára. Á
þessum tíma var hann lagður í
gróft einelti í skólanum. Hann
sagði fyrst frá eineltinu í þætti
Ragnhildar Steinunnar Jóns-
dóttur, Ísþjóðinni, og þeim
sem hlýddu á var verulega
brugðið. Hann sagði frá því að
hann hefði verið lú barinn upp
á hvern einasta dag.
n Fatahönnuðurinn Mundi sýnir nýjustu fatalínu sína á laugardaginn
n Lagður í einelti í æsku en sigrar nú heiminn með hönnun sinni n Kvelst af ást
Barði aldrei
frá sér í æsku
Kristjana
Guðbrandsdóttir
kristjana@dv.is
Viðtal
Mundi í rauða sófanum Þarna situr hann oft og blaðar í skissum og
bókum. Stundum breytist þetta horn í eftirpartí.
Barneignir ekki á dagskrá Mundi er í sambandi við TInnu Bergs fyrir-
sætu. Mamma hans segir hann ekki hafa neinn tíma til að annast börn.
„Ég sé ekki
eftir neinu og
skammast mín ekki
fyrir það hver ég var
eða hvernig ég var.
M
y
n
D
IR
E
y
þ
Ó
R
á
R
n
A
S
o
n
Fatahönnuðurinn Mundi sýnir nýjustu
fatalínu sína á laugardaginn. Hann var lagð-
ur í einelti í æsku en sigrar nú heiminn með
hönnun sinni. Kristjana Guðbrandsdóttir
hitti Munda á vinnustofu hans og ræddi við
hann um listina og lífið og hvernig má búa
krakka undir þann dýragarð og fangelsi sem
gagnfræðaskólinn getur verið.