Dagblaðið Vísir - DV - 14.10.2011, Page 12

12 | Fréttir 14.–16. október 2011 Helgarblað
Opið virka daga 11-18
laugardag 11-16
Góðir skór á börnin
www.xena.is
St. 20-27
kr. 6.495.-
St. 28-35
kr. 6.995.-
St. 20-27
kr. 6.495.-
St. 28-35
kr. 6.995.-
SKÓ
MARKAÐUR
Grensásvegur 8
Nýbýlavegur 12
Sími 517 2040
F
imm þingmenn stjórnarand-
stöðunnar leggja til breytingar
á lögum um ráðherraábyrgð.
Frumvarpið er nú lagt fram
annað þingið í röð en mál-
ið fékk ekki meðferð á síðasta þingi,
sem lauk í september. Málið var eitt
þeirra fjölda mála sem ekki voru af-
greidd sem þarf að leggja aftur fyr-
ir þingið til að þau eigi möguleika á
að fá meðferð í þinginu. Þingmenn-
irnir Eygló Harðardóttir, Sigurður
Ingi Jóhannsson, Guðmundur Stein-
grímsson, Siv Friðleifsdóttir og Mar-
grét Tryggvadóttir standa á bak við
frumvarpið.
Viðbótin sem þingmennirnir
leggja til er að „ef hann [ráðherrann
innsk. blaðamanns:] af ásetningi gef-
ur Alþingi rangar upplýsingar eða
við meðferð máls á Alþingi leynir
upplýsingum“ verði bætt við grein
laganna sem fjallar um hvenær ráð-
herra gerist brotlegur við lög um ráð-
herraábyrgð. Þetta ákvæði var sem
sagt ekki partur af lögunum en fyrir
var undir þessari grein í lögunum
kveðið á um að ráðherra gerðist brot-
legur við lög ef hann misbeitti valdi
sínu stórlega án þess að fara endilega
út fyrir embættismörk sín eða hann
stofni heill ríkisins í hættu þó sú
framkvæmd sé ekki endilega bönn-
uð með öðrum lögum.
Meint brot á umræddum lögum
er ástæða þess að Geir Hilmar Ha-
arde er nú fyrir landsdómi. Alþingi
ákærði Geir vegna brots á lögunum
en lögin hafa verið gagnrýnd sem
úrelt og gamaldags. Lögin um ráð-
herraábyrgð voru samþykkt af Al-
þingi árið 1963. Þeim hefur tvívegis
verið breytt, árið 1982 og árið 1998.
Það eru þó ekki einu skiptin sem lögð
hafa verið frumvörp eða þingsálykt-
unartillögur er snúa að breytingum
á lögunum. Sambærileg tillaga og
þingmennirnir fimm hafa lagt fram
á núverandi þingi var fyrst lögð fram
af Páli Péturssyni á 116. löggjafar-
þinginu árið 1992–1993.
adalsteinn@dv.is
n Ráðherrum verði bannað að leyna upplýsingum
Vilja skerpa á ráðherraábyrgð
Landsdómur dæmir Landsdómur dæmir um það hvort ráðherrar hafi brotið lög um
ráðherraábyrgð, en þingmenn vilja skerpa á lögunum. Mynd SigtRygguR ARi
tvær handtökur á Akureyri:
Þefvís hundur
fann fíkniefni
Fíkniefnahundurinn Jökull hjá lög-
reglunni á Akureyri var í lykilhlut-
verki í tveimur fíkniefnamálum
sem komu upp á Akureyri í vikunni.
Hundurinn þefvísi var í toppformi
og fann efni sem eigendur höfðu
falið vandlega.
Á miðvikudag framkvæmdi lög-
reglan á Akureyri húsleit í íbúð
manns á fertugsaldri vegna gruns
um fíkniefnamisferli. Var lagt hald á
um 30 grömm af amfetamíni, nokk-
ur grömm af kannabisefnum og 40
grömm af e-töflum sem búið var að
mylja niður. Þá fannst einnig mikið
magn lyfseðilsskyldra lyfja sem ekki
voruð stíluð á húsráðanda.
Hann var handtekinn en látinn
laus eftir yfirheyrslu og er málið í
rannsókn. Samkvæmt upplýsing-
um frá lögreglunni á Akureyri hefur
maðurinn margoft komið við sögu
lögreglu áður, meðal annars vegna
fíkniefnamála. Í kjölfar húsleitar-
innar var annar maður á fertugs-
aldri handtekinn og var hann með
lítilræði af kannabisefnum í fórum
sínum.
Á mánudaginn stöðvaði lög-
reglan mann á fertugsaldri sem
grunaður var um akstur undir
áhrifum fíkniefna. Í framhaldinu
var gerð húsleit heima hjá honum
þar sem hald var lagt á um 7 grömm
af kannabisefnum og lítilræði af
amfetamíni. 
E
kki er gert ráð fyrir aðstöðu
fyrir geðsvið í þeim 85 þús-
und fermetrum af nýbygg-
ingum sem stefnir í að rísi
á lóð Landspítalans og Há-
skóla íslands á næstu sjö árum.
Bráðamóttaka geðdeildarinnar mun
þó færast í nýtt húsnæði líkt og önn-
ur bráðamóttaka. En stefnt er að því
að öll bráðamóttaka verði sameinuð
á Hringbraut og ekki verði aðgrein-
ing á milli sjúklingahópa.
Sést ekki út um glugga
Sú bygging sem hýsir þær geðdeildir
Landspítalans sem staðsettar eru á
Hringbraut var byggð árið 1979 og
er farin að láta töluvert á sjá. Páll
Matthíasson, framkvæmdastjóri
geðsvis Landspítalans, segir að tími
sé kominn á að mála bygginguna og
skipta um rúður, en ekki sést lengur
út um þær vegna móðu. Ísland í dag
fjallaði um slæman aðbúnað á geð-
deildunum í vikunni og mátti þar
sjá sláandi myndbrot af vægast sagt
óaðlaðandi vistherbergjum og eld-
gömlum sjúkrarúmum. Færa má rök
fyrir því að umhverfið sé ekki bein-
línis upplífgandi fyrir veika einstak-
linga sem þar dvelja.
Vinna samkvæmt lögum
„Miðað við lögin sem við erum að
vinna eftir höfum við aðeins heim-
ild til að vinna að meðferðarkjarna
og rannsóknarhúsi,“ segir Gunnar
Svavarsson, formaður byggingar-
nefndar Nýs Landspítala, aðspurður
hvers vegna ekki sé gert ráð fyrir að-
stöðu fyrir geðsviðið í nýju húsnæði.
Gunnar getur ekki sagt til um hvort
gert verði ráð fyrir geðdeildum á síð-
ari stigum framkvæmdarinnar, en
framtíðarsýn Nýs Landspítala nær
fram til ársins 2027. „Ég hef fulla trú
á því að eftir fyrsta áfangann haldi
menn áfram og geri þá góðan spítala
enn betri,“ segir hann.
Eitthvað þurfti að gera
Vegna þess hve naumt hefur verið
skammtað í fjárveitingum hefur
ekki verið hægt að setja fjármagn í
að endurnýja innréttingar, húsgögn
eða aðra hluti til að gera húsnæðið
vistlegra. „Þó við séum óánægð að
vissu leyti með húsnæðið og teljum
það óhentugt fyrir þá starfsemi sem
nú er, þá er það ekkert á við hvað
ýmsar aðrar deildir hafa þurft að
þola,“ segir Páll. Hann segir það þó
hafa blasað við starfsfólki geðdeild-
arinnar að eitthvað þyrfti að gera
og því hafi verið sett á fót grasrótar-
hreyfing til að safna fyrir nýjum inn-
anstokksmunum. Brospinnafélagið
– áhugahópur um bættan aðbúnað
á geðdeildum, var stofnað í fyrra og
sala á brospinnum fór fram í annað
skipti nú í ár.
Starfsfólkið safnar fé
Það er því í raun starfsfólkið sjálft
sem vinnur í sjálfboðavinnu
við að safna fé til að bæta um-
hverfi og aðbúnað sjúklinganna á
geðdeildunum. Páll vill þó meina
að það sé hið besta mál. Hann segir
ákveðna hefð fyrir slíkum söfnunum
á Íslandi og telur hann að opinská
umræða sem skapist í kringum þær
geti dregið úr fordómum.
Þá hafa ýmis fyrirtæki einnig látið
fé af hendi rakna til að bæta aðstöðu
sjúklinganna. Páll segir Ikea til að
mynda hafa gefið deildunum um 20
sófasett. Þá hafi Actavis kostað bygg-
ingu íþróttasals, sem Páll segir mjög
mikilvæga aðstöðu til að fólk haldi
virkni og stundi heilbrigt líferni með-
an á dvölinni stendur. Hann bendir
þó jafnframt á að það sé kostur að
legutími á deildunum á Hringbraut
sé ekki langur, eða að meðaltali 11
dagar í senn.
Svara niðurskurðarkröfu
Hluti geðdeilda Landspítalans er til
húsa á Kleppi og til stendur að öll
starfsemi réttargeðdeildarinnar á
Sogni færist þangað 1. mars næst-
komandi. Húsnæðið að Kleppi var
byggt á árunum 1907 fram til rúm-
lega 1950 og er því komið til ára sinna.
Páll segir þó að um ágætis húsnæði
sé að ræða. „Með því að flytja Sogn til
Reykjavíkur á Klepp getum við sleg-
ið tvær flugur í einu höggi sem væri
ekki hægt annars. Við bætum öryggi
og þjónustu og spörum og sá sparn-
aður er upp á 45 milljónir króna á ári,
sem eru umtalsverðir peningar.“ Páll
segir þá hagræðingu þó aðeins fara
í að svara þeirri niðurskurðarkröfu
sem fyrirliggjandi er á spítalann.
Lóðin sem Kleppur stendur á er
í eigu Faxaflóahafna en Páll segir að
í öllum viðræðum þeirra á milli sé
gert ráð fyrir að sú starfsemi sem er
á Kleppi og svæðinu þar í kring haldi
sér sem spítalasvæði. „Við teljum því
ekki hættu á því að geðdeildir missi
aðstöðu sína þarna,“ segir Páll.
n Starfsfólk geðdeilda Landspítalans safnar sjálft fé til að bæta umhverfi sjúklinga
n Húsnæði geðdeilda á Hrinbraut í niðurníðslu n Fyrirtæki gefa húsgögn og peninga
Engin geðdeild
á nýjum spítala
„Miðað við lögin
sem við erum að
vinna eftir höfum við að-
eins heimild til að vinna
að meðferðarkjarna og
rannsóknarhúsi.
Sólrún Lilja Ragnarsdóttir
blaðamaður skrifar solrun@dv.is
Farið að láta á sjá Húsnæði geðdeilda
Landspítalans við Hringbraut er farið að láta
á sjá innan dyra sem utan. Ekki er gert ráð fyrir
aðstöðu fyrir geðsvið á nýjum Landspítala.