Fréttatíminn - 23.10.2015, Blaðsíða 8

www.icewear.is
ALLT AÐ 80% AFSLÁTTUR
VETRAR- OG ÚTIVISTARFATNAÐUR
FÁKAFEN 9 • 108 REYKJAVÍK • SÍMI 555 7412
EMILIA Vatteraður jakki
Verð áður: 22.900
Verð nú: 4.990
Ert þú að flytja?
Leigir bílinn og ekur sjálf/ur
www.cargobilar.is
Í nýrri skýrslu Ríkisendurskoðun-
ar kemur fram að í árslok 2014 hafi
ríkisábyrgðir numið samtals 1.213
milljörðum króna. Stærstur hluti
þeirra, eða 73%, var vegna lána til
Íbúðalánasjóðs en um fjórðungur
var vegna lána til Landsvirkjunar.
Einungis tveir aðilar hafa fengið
endurlán frá ríkissjóði frá árinu
2012: Lánasjóður íslenskra náms-
manna og Vaðlaheiðargöng hf.
Í skýrslunni kemur fram að
dæmi séu um að lögbundið
umsagnarhlutverk Ríkisábyrgða-
sjóðs hafi verið skert í sérlögum.
Þetta hafi t.d. verið gert þegar
Alþingi veitti ráðherra heimild til
að ábyrgjast skuldabréf Íslenskrar
erfðagreiningar árið 2002. Þá hafi
lögum um ríkisábyrgðir verið vikið
til hliðar nánast í heild sinni. Þegar
Alþingi veitti ráðherra heimild til
að fjármagna Vaðlaheiðargöng
árið 2012 hafi tilteknum ákvæðum
laganna verið vikið til hliðar, þ. á
m. ákvæðum sem eiga að tak-
marka áhættu ríkissjóðs. Ríkis-
endurskoðun geldur varhug við
slíku verklagi. Stofnunin hvetur
fjármála- og efnahagsráðuneytið
til að hafa tilgang og markmið
laganna ávallt að leiðarljósi þegar
það leggur fram tillögur um ríkis-
ábyrgðir eða endurlán ríkissjóðs.
 RíkisábyRgðiR Ný skýRsla RíkiseNduRskoðuNaR
Hvetur ráðuneyti til að fara að lögum
Fjórðungur ríkisábyrgða var vegna lána
til Landsvirkjunar.
í borgarstjórn sitja nú 15 borgar-fulltrúar en samkvæmt gildandi sveitarstjórnarlögum ber borg-
inni skylda til að fjölga þeim í 23-31
við næstu kosningar. Ástæðan er
breyting á sveitarstjórnarlögum frá
því árið 2012 þar sem er kveðið er á
um að fjöldi aðalmanna í sveitarstjórn
skuli vera 23-31 í sveitarfélagi með
fleiri en 100.000 íbúa. Sjálfstæðis-
flokkurinn hefur mótmælt þessum
lögum og lagt fram tillögu þar sem
skorað er á Alþingi að endurskoða
umrætt lagaákvæði.
107% fjölgun
„Þetta er tvíbent,“ segir Kjartan
Magnússon, borgarfulltrúi Sjálf-
stæðisflokks. „Ég tel það algjöran
óþarfa að fjölga borgarfulltrúum því
ég held að fimmtán manns ráði alveg
við að stjórna borginni. Og eins finnst
mér eðlilegt að borgin hafi sjálfdæmi
um það hvort borgarfulltrúum verði
fjölgað eða ekki. Síðast var borgar-
fulltrúum fjölgað árið 1982 og borgar-
stjórn réði því algjörlega sjálf og hún
réð því líka sjálf þegar borgarfulltrú-
um var svo fækkað aftur. En svo voru
sveitarstjórnarlögin endurskoðuð á
síðasta kjörtímabili, sumt var til góða
og annað ekki, en þetta var sú breyt-
ing sem ég taldi og tel enn algjörlega
óþarfa. Við erum alltaf að krefjast
þess að fólk vinni meira og það er
ekki endurráðið í störf sem losna, en
svo kemur það eins og skrattinn úr
sauðarleggnum að við erum að fara
að fjölga sjálfum okkur um allt að
107%. Ég tel það ekki vera rétt skila-
boð á tímum hagræðingar.“
Ættum að miða okkur við
Norðurlöndin
Kjartan segir borgarstjórnarmeiri-
hlutann hingað til ekki hafa viljað
taka afstöðu til málsins og því líti
hann sem svo á að meirihlutinn líti
til fjölgunar með velþóknun. „Við
lögðum þessa tillögu fram á síðasta
kjörtímabili en þá vildi meirihlutinn
ekki taka afstöðu til málsins. En orð-
ræða meirihlutans þá var öll á þann
veg að fjölgun væri réttlætanleg. Ein
af röksemdarfærslunum fyrir fjölgun
fulltrúa er að bera okkur saman við
önnur íslensk sveitarfélög, sem ég tel
fráleitt því eins og margir hafa bent á
þá búum við Íslendingar við einstak-
lega óhagkvæmt stjórnkerfi á sveitar-
stjórnarstiginu. Við ættum miklu
frekar að miða okkur við aðrar borgir
á Norðurlöndin í þessu eins og svo
mörgu öðru, en þar er svipaður fjöldi
kjósenda á bak við hvern borgarfull-
trúa og hér.“
Þrátt fyrir ítrekaðar tilraunir náðist
ekki í neinn borgarfulltrúa meirihlut-
ans í gær.
Halla Harðardóttir
halla@frettatiminn.is
 boRgaRstjóRN sjálfstæðisflokkuRiNN gegN fjölguN boRgaRfulltRúa
Við erum alltaf að krefj-
ast þess að fólk vinni
meira og það er ekki
endurráðið í störf sem
losna, en svo kemur
það eins og skrattinn úr
sauðarleggnum að við
erum að fara að fjölga
sjálfum okkur um allt
að 107%.
Fimmtán manns ráða
við að stjórna borginni
Samkvæmt sveitarstjórnarlögum ber borginni skylda til að fjölga borgarfulltrúum úr 15 í 23-31
við næstu kosningar. Sjálfstæðisflokkurinn mótmælir þessu og hefur lagt fram tillögu þar sem
skorað er á Alþingi að endurskoða umrætt lagaákvæði. Kjartan Magnússon, borgarfulltrúi Sjálf-
stæðisflokks, segir 15 menn valda borginni og gagnrýnir meirihlutann fyrir að taka ekki afstöðu
til málsins.
Borgarfulltrúar eru 15 en þeim ber, samkvæmt lögum, að fjölga í 23-31 við næstu kosningar. Sjálfstæðisflokkurinn telur
fjölgunina algjöran óþarfa.
Kjartan Magnússon borgarfulltrúi.
8 fréttir Helgin 23.-25. október 2015