Fréttatíminn - 23.10.2015, Blaðsíða 36
Ég var farinn
að spila með
Björgvini
Halldórs 17
ára gamall.
Þá kannski
áttaði ég
mig á því að
þetta væri
það sem ég
ætlaði að
gera.
E inar gaf út sína fyrstu plötu árið 2007 og nefndist hún Cycles, og árið 2011 kom út platan Land míns föður. Hann segir að á
nýju plötunni sé hann að gera tónlist sem er meira
í líkingu við það sem hann var að gera á fyrstu
plötunni. „Það má eiginlega segja að Land míns
föður hafi verið það sem er kallað „konsept“ plata,
á meðan Cycles og Intervals eru meira það sem ég
er að pæla í tónlist alla jafna,“ segir Einar. „Land
míns föður var eitthvað sem ég þurfti að koma
út úr kerfinu. Hún var hálfgerð sálumessa fyrir
föður minn sem lést árið 2007,“ segir hann en
faðir Einars var tónlistarmaðurinn Árni Schev-
ing. „Nýja platan er sumpart rökrétt framhald af
Cycles, enda sami kvartettinn sem er með mér.
Ég er svo heppinn að þetta eru eintómir snillingar,
en kvartettinn skipa Eyþór Gunnarsson píanó-
leikari, Óskar Guðjónsson saxófónleikari og Skúli
Sverrisson bassaleikari.“
Tromman ekki nauðsynleg í tónlist
Einar hefur um árabil verið einn atkvæðamesti
trommuleikari þjóðarinnar en ekki margir tromm-
arar hafa brotist fram með sínar eigin tónsmíðar.
Einar hefur þó alltaf verið að semja tónlist að ein-
hverju leyti. „Ég lærði á píanó þegar ég var tíu og
ellefu ára en nennti því varla þá, eins og gengur,“
segir hann. „Ég vildi alltaf spila á trommur. Ég
bý samt alltaf að því að geta sest niður við píanóið
og komið frá mér því sem ég hef í kollinum, hvort
sem það eru melódíur, hljómar eða rytmi eða allt
í bland. Stundum er þetta eins og að drekka vatn,
og stundum ekki, en ég hef það þó fyrir reglu að
vera ekki að flýta mér þegar ég er að semja. Ég
get verið lengi að vesenast með sama lagið, því ég
veit að á endanum þá finnur það sér farveg,“ segir
hann.
„Það má líkja tónsmíðum við það að fletta lögum
af lauk. Maður þarf að fletta lögunum af til þess að
ná til kjarnans. Ég hef aldrei samið tónlist út frá
trommuleik. Ég vildi oft að ég gerði meira af því,
enda lendi ég stundum í því að finna sjálfum mér
varla stað í tónlistinni. Ég væri fyllilega sáttur við
Á endanum er þetta bara tónlist
Tónlistarmaðurinn
Einar Scheving
sendi frá sér
sína þriðju plötu
í vikunni, sem
nefnist Intervals.
Hann segir tón-
listarsköpun sína
ekki einkennast af
trommuleik þrátt
fyrir að starfa sem
slíkur, og hugsar
tónlist sjaldnast
út frá sínu eigin
hljóðfæri. Einar
er í fyrsta sinn að
starfa í leikhúsi
sem höfundur
og semur og
flytur tónlistina
í Heimkomunni
eftir Harold Pinter
sem sýnt er í Þjóð-
leikhúsinu. Hann
hefur þó spilað í
ótal uppfærslum
í gegnum tíðina
en segir þetta
hlutverk góða
áskorun.
„Ég pæli ekkert
í þessu út frá
trommuleik. Ég vildi
oft að ég gerði það,
því ég lendi oft í því
að ég reyni að finna
mér einhvern stað
sem ég heyri ekkert
endilega. Ég væri
fyllilega sáttur að
heyra mína músík
án trommuleiks.“
Ljósmynd/Hari
að heyra mína músík án trommuleiks. Maður reynir
bara að þjóna hverju lagi fyrir sig. Þegar maður var
að alast upp voru það ekkert endilega hljómsveitirnar
með bestu trommurunum sem voru að heilla mann.
Á endanum snýst þetta bara um að þjóna tónlistinni,“
segir Einar. „Oft á tíðum kallar hún ekkert á einhverja
uppfinningasemi í trommuleik. Maður passar sig bara
á að vera ekki fyrir. Djass í gegnum tíðina hefur snúist
mikið um sólista og að menn fái að láta ljós sitt skína,“
segir Einar. „Þó vissulega taki menn sóló í þessu bandi,
hugsa ég þennan kvartett sem einhverskonar sam-
eiginlegt verkfæri til að koma tónlist frá okkur á eins
heiðarlegan hátt og við getum. Sýna hógværð í tónlist-
inni. Það heillar mig,“ segir hann.
16 ára í Súlnasal
„Ég byrjaði að læra á trommur í kringum ellefu ára
aldurinn. Ég fór að spila á trommur í lúðrasveit Tón-
menntaskólans í Reykjavík þótt ég væri að læra á píanó,
og var svo síðar í léttsveit skólans,“ segir Einar. „Sú
sveit var svo grunnurinn að því sem varð að Stórsveit
Reykjavíkur, enda hélt Sæbjörn Jónsson um stjórnar-
taumana í báðum sveitum. Það var samt engin pressa
að heiman um að fara í tónlist þó pabbi væri tónlistar-
maður,“ segir hann. „Ég var bara úti í fótbolta og það
þurfti oft að draga mig af vellinum til þess að fara í
píanótíma. Ég pældi ekkert í því hvort ég ætlaði að
verða atvinnutónlistarmaður fyrr en það var orðin
raunin á sama tíma og ég var að hefja nám í MH. Þá
var ég farinn að spila í Oliver Tvist í Þjóðleikhúsinu,
sem var sýnt allt að níu sinnum í viku. Var á fullu í FÍH
og að spila á böllum með pabba í Súlnasal um helgar,“
segir hann. „Ég var líka farinn að spila reglulega með
Björgvini Halldórs 17 ára gamall auk þess að spila
töluvert af djasstónlist. Þá kannski áttaði ég mig á því
að þetta væri það sem ég ætlaði að gera. Maður pældi
ekkert í því fyrr en maður var bara kominn á fullt,“
segir Einar.
„Ég kláraði svo FÍH árið 1993 og flutti til Miami í
framhaldsnám árið 1997. Mig langaði að komast í nýtt
umhverfi, þó svo að námið skipti ekki alltaf öllu máli,“
segir hann. „Þetta er svo mikil spurning um upplifun
og félagsskap. Mín reynsla er sú að maður sækir inn-
blástur ekki síður frá skólafélögum en kennurum. Ég
kláraði bachelor- og mastersgráðu og kenndi svo við
skólann, auk þess að spila með hinum og þessum í
Flórída. Ég endaði á að búa úti í 9 ár. Pælingin var alltaf
að vera lengur en aðstæður urðu þannig að ég kom
heim,“ segir Einar.
Mikil orka í leikhúsinu
Einar starfar sem trommuleikari með hinum og
þessum tónlistarmönnum og kennir auk þess í sínum
gamla skóla, Tónlistarskóla FÍH. Um þessar mundir er
hann að spila sína eigin tónlist í leikritinu Heimkom-
unni sem sýnt er í Þjóðleikhúsinu. Djassinn hefur þó
alltaf fylgt Einari en hann segir það bara eitt hólf af
mörgum. „Djassinn er bara eitt form og margir sem
halda að ég sé bara að spila djass,“ segir hann. „Ég
hef verið að spila popp með hinum og þessum alveg
jafn mikið og djass, og það er fátt betra en að spila gott
rokk. Um þessar mundir er ég að vinna að popptónlist
eftir sjálfan mig ásamt öðrum og það er eitthvað sem
mér finnst spennandi. Svo spila ég líka reglulega með
Sinfóníunni. Bransinn hérna heima er nú bara einu
sinni þannig að maður verður að geta stokkið í hvaða
tónlistarstefnu sem er. Sum part er það blessun og
einnig bölvun. Á stærri mörkuðum geta menn ein-
beitt sér að einhverri einni tegund tónlistar, sem væri
auðvit að frábært að geta gert, en um leið er fjölbreytn-
in góð á Íslandi,“ segir Einar.
„Ég byrjaði mjög snemma að vinna í leikhúsunum
og það er alltaf áhugavert og skemmtilegt,“ segir
hann. „Það er mikil orka í leikhúsunum. Ég er hins
vegar í fyrsta sinn að semja fyrir leikhúsið og var svo
heppinn að samstarfsfólkið er allt þungavigtarfólk og
Heimkoman er verulega spennandi leikrit. Ég las ein-
faldlega handritið og einhver tónlist spratt út frá því.
Sumt hélt sér og breyttist, annað datt út og svo er þetta
spurning um að finna rétta taktinn með leikurunum,“
segir hann. „Það er áskorun að passa upp á að styðja
við textann í verkinu, og senurnar. Þetta er mikil sam-
vinna og þetta er eitthvað sem ég gæti hugsað mér að
gera meira af. Það eru eintómir snillingar sem koma að
verkinu og það er frábært að fá að vera með. Eiginlega
algert draumaverkefni,“ segir Einar Scheving tónlistar-
maður.
Útgáfutónleikar plötunnar Intervals, með kvartett Ein-
ars Scheving, verða í Norðurljósasal Hörpu, laugardag-
inn 24. október klukkan 21.
Hannes Friðbjarnarson
hannes@frettatiminn.is
36 viðtal Helgin 23.-25. október 2015
Terminator við þröskuldinn:
Er gervigreind hættuleg?
15.00 Kynning Dr. Hannes H. Vilhjálmsson
- Stjórnandi Gervigreindarseturs HR
15.10 Killer Robots Coming Soon: What Can We Do?
Dr. Noel Sharkey
- Emeritus Professor of AI and Robotics, U. Sheffield
15.55 Why an AI Lab Needs an Ethics Policy
Dr. Kristinn R. Þórisson
- Stjórnandi Vitvélastofnunar Íslands
16.15 Kaffi
16.30 Pallborðsumræða: Ethics of AI, Robotics Neurological Enhancement
Noel Sharkey, Kristinn R. Þórisson, Salvör Nordal
Fundarstóri: Þorbjörn Kristjánsson heimspekingur
17.05 Gervigreindarsýning og hressing
Fyrirlestrar og umræða fara fram á ensku
Gervigreindarhátíðin 2015 verður haldin í HR (V101), fö-
studaginn 23. október.
ICELANDIC INSTITUTE FOR INTELLIGENT MACHINES
V I T V É L A S T O F N U N Í S L A N D S
Gervigreindarhátíðin 2015
Fékkstu Fréttatímann?
Láttu okkur vita í síma 531 33 00 eða dreifing@frettatiminn.is
Hjálpaðu okkur að bæta þjónustuna.
Blaðið á að berast fyrir klukka 7:15 á föstudögum.