Fréttatíminn - 23.10.2015, Blaðsíða 24
Dúfur eru vinsæl nýjung í veislum
Ragnar Sigurjónsson hafði lengi dreymt um að rækta dúfur
þegar hann fékk loks tækifærið fyrir 10 árum síðan. Í dag á
hann um hundrað dúfur sem hann elur af mikilli ástríðu auk
þess að vera fréttaritari Bréfdúfufélags Íslands. Hann segir
bréfdúfuna vera einstaklega gáfaðan og skemmtilegan fugl
sem unun sé að ala og þjálfa. Ragnar rekur veisluþjónustu sem
býður upp á að dúfum sé sleppt við hin hátíðlegustu tækifæri.
Á huginn á dúfum hefur nú bara fylgt mér alla tíð,“ segir Ragnar Sigurjónsson,
fréttaritari Bréfdúfufélags Íslands
og einn af tuttugu meðlimum félags-
ins. „Ég var alltaf með dúfur sem
krakki og unglingur í Vestmanna-
eyjum en þegar maður fór svo að búa
varð þetta aðeins flóknara. Þá var
ekki jafn mikið pláss fyrir dúfurnar,
svona eins og gengur og gerist,“
segir Ragnar sem byrjaði aftur af
fullum krafti í dúfnarækt fyrir 10
árum síðan og á nú eitt hundrað
bréfdúfur. „Ég saknaði þess alltaf
mikið að halda dúfur og svo fékk ég
tækifærið þegar við hjónin ákváðum
að flytja hingað í Gaulverjabæ. Mig
hafði lengi langað til að flytja út fyrir
borgina og loks var komið tækifæri
þegar konan fór að vinna hér sem
kennari.“
Skemmtilegt ástarlíf
„Það er svo gaman að ala dúfur
því þær gefa mjög mikið af sér.
Það er með þær eins og með öll önnur
dýr, maður þjálfar þær með mat og það
er frekar auðvelt að þjálfa þær, það þarf
bara að vita hvert er rétta augnablikið til
að umbuna þeim. Svo er virkilega gaman
að fylgjast með ástarlífi dúfna því þær
verða svo yfir sig ástfangnar. Þær þrífa
hvor aðra voðalega vel og svo mata þær
hvor aðra til skiptis áður en þær hafa
mök,“ segir Ragnar sem hjálpar þeim
með makavalið svo útkoman verði sem
best. „Ég para þær saman yfir pörunar-
tímabilið eftir því sem mér finnst passa,
til að fá sem besta einstaklinga. Það
tekur svona 2 daga og þá eru þær orðnar
par og halda tryggð við hvor aðra. Eftir
10 daga kemur svo egg og 17 dögum
síðar kemur ungi. En svo þarf ég að slíta
pörin í sundur að hausti því annars fyll-
ist hér bara allt af ungum. En þær sem
gefa mér góða og skemmtilega unga,
sem eru fljótir að snúa heim, fá að para
sig aftur.“
Bréfdúfufélagið
Bréfdúfur eru gæddar þeim merkilega
eiginleika að fljúga alltaf þangað sem þær
eru fæddar sé þeim sleppt. Bréfdúfufélag
Íslands stendur fyrir hraðakeppni dúfna
á hverju sumri en þá er nokkur hundruð
merktum dúfum sleppt einhversstaðar á
landinu og þær fyrstu heim verða verð-
launadúfur sumarsins. „Mínar dúfur fengu
nú engin verðlaun þetta árið en unnu aftur
á móti tvö síðustu ár. Besta dúfan mín fór
frá Grímsstöðum á Fjöllum og heim til
mín, 303 kílómetra í beinni loftlínu, 1478
metra á mínútu, það er 90 kílómetra hraði,
sem þýðir að hún var um 3 tíma á leiðinni
sem er frábær tími. Þetta er ofsalega
skemmtilegt sport. Bréfdúfufélagið hafði
legið í dvala um langt skeið þegar við
endurvöktum starfsemina fyrir sex árum
síðan. Flestir eru af Stór-Reykjavíkursvæð-
inu og svo er einn og einn á stangli hér við
Selfoss. Þetta er dálítið karlasport en það
er einn kvenmaður í félaginu og við erum
voðalega ánægðir með það.“
Aðspurður segist Ragnar leggja sér
dúfur til munns því annað væri synd.
„Stundum þarf maður að grisja og þá lætur
maður þetta fína kjöt ekki fara til spillis.
Ég er ekki hrifinn af því að sóa mat. En
þetta er líka hið besta kjöt, mjög gott enda
alið á sérfæði, þetta eru engar húsdúfur af
götunni.“
Vinsælt að sleppa dúfum í veislum
Auk þess að eiga fjörugt ástarlíf, keppa á
mótum og vera aldar á sérfæði þá eru dúf-
urnar hans Ragnars líka hluti af veisluþjón-
ustu sem er nokkuð nýstárleg hér á landi.
„Ég er með þjónustu þar sem ég lána
dúfur sem er svo sleppt í veislum á borð
við brúðkaup, skírnir eða jarðarfarir. Þetta
er amerískur siður en hann er að vaxa hér
á landi, enda afskaplega fallegur siður. Ég
kem þá á staðinn í mínu fínasta pússi með
fallegar hvítar bréfdúfur sem fólk sleppir
við fallega athöfn. Til dæmis er orðið vin-
sælt í brúðkaupum að brúðguminn sleppi
karldúfu og brúðurin sleppi kvendúfu
og svo óska brúðhjónin sér. Svo skila
dúfurnar sér auðvitað aftur heim til mín.
Það er nú alltaf jafn merkilegt því líkt og
engin getur útskýrt af hverju krían fer til
Afríku og ratar svo til baka þá getur engin
útskýrt afhverju bréfdúfur snúa alltaf
heim. Það er bara einn af leyndardómum
lífsins.“
Halla Harðardóttir
halla@frettatiminn.is
Ragnar Sigur-
jónsson býr í
Gaulverjabæ
þar sem hann
ræktar bréf-
dúfur af mikilli
ástríðu. Ragnar
lánar dúfurnar
sínar í veislur
því í dag er far-
inn að tíðkast sá
siður hérlendis
að sleppa dúfum
við táknrænar
athafnir á borð
við brúðkaup
eða jarðarfarir.
Mynd/Hari
Auk þess að eiga fjörugt
ástarlíf, keppa á mótum og
vera aldar á sérfæði þá eru
dúfurnar hans Ragnars líka
hluti af veisluþjónustu sem
er nokkuð nýstárleg hér á
landi. Mynd/Úr einkasafni
Staðreyndir um
dúfur:
n Karlkyns dúfur geta
mjólkað rétt eins og
kvenkyns dúfur.
n Dúfur geta orðið
30 ára.
n Bréfdúfur fljúga að
jafnaði á 80 til 100 km
hraða.
n Vitað er um bréf-
dúfur sem flogið hafa
1120 km á einum degi.
n Uppruni bréfdúfu-
sportsins er í Belgíu.
n Dúfur hafa flutt
skilaboð síðan á tímum
Persa.
n Reuters fréttaveitan
hóf störf sín með bréf-
dúfum.
KRINGLUNNI 2. HÆÐ | HAGKAUPSHÚSINU, SKEIFUNNI
| SPÖNGINNI, GRAFARVOGI | SMÁRALIND, 1 HÆÐ.
UMGJARÐADAGAR
Í PROOPTIK
Fullt verð: 19.900,-
TILBOÐSVERÐ Á UMGJÖRÐ:
1 kr. við kaup á glerjum
Bréfdúfur eru gæddar þeim eiginleika að fljúga aftur heim.
24 viðtal Helgin 23.-25. október 2015