Dagblaðið Vísir - DV - 19.07.2013, Blaðsíða 12

12 Fréttir 19.–21. júlí 2013 Helgarblað
Meintur níðingur í farbanni
n Til rannsóknar og sakaður um að nauðga systrum á barnsaldri
H
æstiréttur úrskurðaði á
fimmtudag erlendan karl­
mann í áframhaldandi far­
bann vegna rannsóknar á
meintum brotum hans gegn tveim­
ur stúlkum.
Farbannið var staðfest af Hæsta­
rétti á þeim forsendum að maður­
inn er erlendur ríkisborgari sem á
enga fjölskyldu hérlendis og sætir
hann rannsókn vegna meintra kyn­
ferðisbrota. Hann er með takmörkuð
tengsl við landið og því telur sýslu­
maðurinn á Akranesi að maðurinn
muni flýja land.
Honum er meinað að fara frá Ís­
landi á meðan á rannsókn málsins
stendur, en þó ekki lengur en til 9.
september næstkomandi. Mannin­
um er gert að sök að hafa misnotað
tvær stúlkur sem eru systur. Hann
var samkvæmt dómsorði „heimilis­
vinur“ sem gisti á heimilinu og vinur
móður stúlknanna.
Meint brot hans gegn yngri
systurinni áttu sér stað frá upphafi
árs 2008, þegar hún var 7–8 ára, og
fram á mitt sumar 2012. Stúlkan
sagði í viðtölum að misnotkunin hafi
varað í um fimm ár, og er hann sagð­
ur hafa nauðgað henni um 27 sinn­
um á því tímabili.
Brotunum lýsir stúlkan þannig að
hann hafi margoft kysst hana tungu­
kossi, káfað á henni og reynt að fá
hana til þess að snerta á sér kynfær­
in. Hún hafi þó alltaf komist hjá því.
Oftast gerðist það þegar hún var ein
heima með honum eða þegar heim­
ilisfólk var sofandi. Hún lýsir fyrsta
skiptinu sem hann mun hafa nauðg­
að henni en þá var það uppi í rúmi
móður hennar, sem var sofandi. Þá
hafði maðurinn í fyrsta sinn samræði
við stúlkuna og sagði hún að sér hafi
þótt það mjög sárt, og að henni hafi
blætt í marga daga á eftir.
Maðurinn er einnig til rannsókn­
ar fyrir meint brot gegn systur stúlk­
unnar, sem er á táningsaldri. Það var
faðir stúlknanna sem kærði mann­
inn til lögreglu. n
F
élagið er bara á keyrslu,
endurskipulagningin hef­
ur gengið vel,“ segir Sigl­
firðingurinn Róbert Guð­
finnsson, eigandi Rauðku
ehf. og fyrrverandi stjórnarformað­
ur útgerðarfyrirtækisins Þormóðs
Ramma, um stöðuna á túnfiskeld­
isfyrirtækinu Umami Sustainable
Seafood sem nokkuð hefur verið
rætt um í fjölmiðlum síðustu daga
í kjölfarið á umfjöllun norsks miðils
um fyrirtækið. Stærsti hluthafi Um­
ami, Óli Valur Steindórsson, hefur
misst eignarhlut sinn í fyrirtækinu
vegna gjaldþrots fyrirtækis hans,
Atlantis, fyrir nokkrum mánuð­
um. Óli Valur var einnig fram­
kvæmdastjóri fyrirtækisins en lét af
störfum í lok síðasta árs.
Umami rekur túnfiskeldi í
Mexíkó og Króatíu og er um að
ræða stærstu slíku starfsemi í heimi.
Um 300 starfsmenn vinna hjá Um­
ami og er hlutdeild þess á bláugga­
túnfiskmarkaðnum um 20 prósent
á heimsvísu. Fyrirtækið er skráð
á markað í Bandaríkjunum og er
heildarvelta þess um 80 milljónir
dollara, nærri tíu milljarðar króna.
Lánardrottnar fóru á taugum
Róbert Guðfinnsson á hins vegar
ennþá 15 prósenta hlut í Umami og
segir að hann stýri nú fjárhagslegri
endurskipulagningu Umami ásamt
öðrum. „Stjórnin fékk mig til að
halda utan um endurskipulagn­
inguna og ég er búinn að vera að því
síðan í desember. Sá sem hefur leitt
þetta heitir Tim Fitzpatrcik og er
fjármálastjóri félagsins. Við höfum
verið honum til halds og trausts. Nú
er bara búið að endurfjármagna fyr­
irtækið upp á 65 milljónir dollara,“
segir Róbert. Hann segir að lánar­
drottnar Umami hafi farið á „taug­
um“ í lok síðasta árs og því hafi
orðið að endurfjármagna fyrirtæk­
ið. Kröfuhafar Atlantis leystu til sín
hlutabréf Atlantis í Umami, 62 pró­
senta hlut, vegna rekstrarerfiðleika
félags Óla Vals og hann hvarf frá fyr­
irtækinu.
Fall jensins
Róbert segir að fall japanska jens­
ins á síðasta ári hafi komið sér mjög
illa fyrir Umami þar sem allur tún­
fiskurinn sem fyrirtækið framleið­
ir sé seldur á Japansmarkað. „All­
ur túnfiskurinn er seldur til Japan
þar sem hann er að mestu notaður
í sashimi,“ segir Róbert sem eignað­
ist 15 prósenta hlut í Umami þegar
annað túnfiskeldi í hans eigu, Baja
Aqua Farms, rann inn í Umami
árið 2010. Hann segir að Óli Val­
ur hafi farið of hratt í uppbyggingu
félagsins. „Fyrirtækið fór bara of
hratt í þessari uppbyggingu. Þegar
þú byggir svona hratt upp og nærð
ekki að keyra fjármögnunina upp á
sama hraða þá mun eitthvað gefa
sig,“ segir Róbert og bætir því við að
tekjur fyrirtækisins hafi lækkað um
30 prósent út af falli jensins.
Ætlar að hætta
Róbert segir að hann ætli sér ekki að
eiga hlutinn í Umami til langframa.
Hann segist hafa verið ákveðinn
að hætta í fiski en að svo hafi hann
verið beðinn að koma að þessari
endurskipulagningu. „Ég er að fara
út úr þessu aftur, selja hlutinn. Ég
var búinn að ákveða að hætta í fiski.“
Róbert sem er búsettur í Phoenix í
Arizona í Bandaríkjunum auk þess
sem hann býr að hluta á Siglufirði
þar sem hann hefur staðið fyrir tals­
verðri uppbyggingu í ferðamanna­
bransanum og meðal annars opn­
að kaffi­ og veitingahús í bænum.
„Þegar maður ætlar að hætta ein­
hverju þá er ekkert verra en að vera
kallaður inn í það aftur af því maður
þarf þess.“
Miðað við orð Róberts er staða
Umami skikkanleg um þessar
mundir þar sem félagið fékk áður­
nefnda endurfjármögnun. Umami
er jafnframt ennþá, að hluta til, stýrt
af Íslendingum sem halda eftir hlut
í fyrirtækinu – að minnsta kosti í
bili. n
Róbert á enn 15%
í túnfiskeldinu
n Fenginn til að koma að endurskipulagningu túnfiskeldisins Umami
„Ég er að
fara út
úr þessu aftur,
selja hlutinn.
Ingi Freyr Vilhjálmsson
fréttastjóri skrifar ingi@dv.is
Stýrir Umami
Róbert Guðfinnsson
stýrir Umami ásamt
öðrum eftir að stærsti
hluthafinn og fram-
kvæmdastjórinn, Óli
Valur Steindórsson,
missti hlut sinn í
félaginu. Umami er
stærsta bláuggatún-
fiskeldi í heimi.
Akranes
Meint brot
áttu sér stað
á Akranesi
á fimm ára
tímabili.
Eingöngu inn-
lendir aðilar
gerðu tilboð
Sex innlendir aðilar lögðu fram um­
sókn um þátttöku í forvali vegna
nýs Landspítala en þær voru opn­
aðar í gær fyrir fjóra mismunandi
hluta spítalans nýja; sjúkrahótel,
bílastæðahús, meðferðarkjarna og
rannsóknarhús.
Aðilarnir sem áhuga hafa eru
verkfræðistofurnar Hnit, Verkís,
Mannvit og VSB auk arkitektastof­
unnar OG auk þriggja annarra
hópa. Niðurstöðurnar verða kynnt­
ar eftir rúman mánuð en þeim sem
komast gegnum nálaraugað gefst
kostur að taka þátt í formlegum lok­
uðum útboðum í framhaldinu.
Gunnar Svavarsson, stjórnarfor­
maður nýs Landspítala, segir við DV
ekki óeðlilegt eða neikvætt að engir
erlendir aðilar hafi séð ástæðu til að
taka þátt. „Raunin er sú að íslenskar
stofur eru almennt ódýrari í útboð­
um en erlendar eins og staðan hef­
ur verið og því kemur það í raun
ekki á óvart. Það þarf ekki að vera
neikvætt heldur því öll nauðsynleg
kunnátta og færni er til staðar hér
heima.“
Stjórnarformaðurinn segir held­
ur ekki neitt athugavert við að bjóða
út fjóra mismunandi þætti spítalans
eins og gert var í stað þess að bjóða
verkið allt í heild sinni. Hann bend­
ir á að sjúkrahótel annars vegar og
bílastæðahús hins vegar sé tvennt
ólíkt. „Það er engin regla sem segir
það að menn fái bestu niðurstöðu
með að hafa hinn háttinn á [og
bjóða verkið út í einu].“ Niðurstaðan
hafi því verið að hafa forval um allar
fjórar byggingarnar.
Fjármögnun verkefnisins er enn
á huldu en stjórnvöld hafa ekki látið
annað í ljós en áhuga að halda verk­
efninu til streitu þrátt fyrir bágari
hag ríkissjóðs en talið hefur verið.
Gunnar segist engu nær sjálfur um
hvernig fjármögnun verður háttað
og bíða verði fjárlagafrumvarpsins
til að fá svör við því hvað ríkið sjái
sér fært að veita til verkefnisins.
Allar niðurstöður forvalsins
munu gilda í níu mánuði eftir að þær
liggja fyrir en skorið verður úr um
það þann 21. ágúst næstkomandi.
Konurnar
fundust fljótt
Erlendu göngukonurnar sem leit­
að var að í Hnappadal í gær, fund­
ust eftir nokkurra klukkustunda leit.
Þær reyndust vera töluvert ofar en
sú staðsetning sem þær gáfu upp
eða því sem næst efst í Sjónarfelli.
Ekkert amaði að konunum þó þær
hafi verið orðnar töluvert kald­
ar. Björgunarsveitir Slysavarnar­
félagsins Landsbjargar á Snæfells­
nesi voru kallaðar út um tvöleytið
í gær. Konurnar tvær voru á gangi í
norðanverðum Hnappadal og höfðu
samband við Neyðarlínu þar sem
þær voru villtar í þoku í fjalllendinu
norðan við Hnappadal. Þær voru í
símasambandi en náðu ekki áttum.
Töluvert hefur verið um að björg­
unarsveitir hafi þurft að aðstoða
erlenda ferðamenn í sumar, líkt og
undanfarin sumur. Í kjölfarið hefur
skapast nokkur umræða um gjald­
töku eða tryggingar vegna þessa.