Dagblaðið Vísir - DV - 19.07.2013, Blaðsíða 29
Skrýtið 29Helgarblað 19.–21. júlí 2013
manns voru myrtir af breska lækninum Harold Frederick Shipman. Hann hefur verið
nefndur einn „afkastamesti“ raðmorðingi sögunnar. Hann sprautaði sjúklinga sína
með ofskammti af morfíni. Shipman var gómaður eftir að hann hafði falsað erfðaskrá
sjúklings en hann lét líta svo út að sjúklingurinn hefði gert hann að erfingja auðs síns.
Shipman hengdi sig í fangelsisklefa sínum árið 2004.250
E
inn góðan veðurdag árið
1982 voru tveir veiðimenn
á ferð nálægt Knik-ánni á
túndrusvæði Alaska. Um var
að ræða tvo lögreglumenn á
frívakt. Þeir ráku augun í hálfgrafið
stígvél í sandrifinu og væri það ekki
í frásögur færandi nema fyrir þær
sakir að í stígvélinu voru leifar af
mannsfæti.
Lögreglumennirnir fundu einnig
.223 kalíbera skothylki úr riffli á
svæðinu. Eftir lífsýnatöku kom í ljós
að fóturinn var úr 24 ára nektar-
dansmær að nafni Sherry Mor-
row frá Wild Cherry barnum í
Anchorage, stærstu borg Alaska.
Seinast hafði sést til Morrow tveim-
ur árum áður, stuttu eftir að einhver
hafði boðið henni 300 dali fyrir að
sitja fyrir í myndatöku. Dánarorsök-
in var byssuskot úr .223 kalíbera riffli
og var þetta þriðja rotnandi lík kven-
manns sem fundist hafði á svæðinu.
Nú lá lítill vafi á því að raðmorðingi
væri á ferli í fylkinu.
Kofi í fjöllunum
Ári seinna var trukkabílstjóri stöðv-
aður á veginum af frávita stúlku
með handjárn danglandi á einni
hendinni. Stúlkan var 17 ára vændis-
kona að nafni Cindy Paulson sem
greindi lögreglu frá því að í fyrstu
hefði smávaxinn maður með bólu-
ör boðið henni 200 dali fyrir munn-
mök. Í miðjum klíðum skellti mað-
urinn handjárnum á stúlkuna og
tók upp skammbyssu. Svo fór hann
með hana í hús í grenndinni, nauðg-
aði henni, beit í geirvörtur hennar
og tróð handfanginu á hamri upp í
leggöng hennar. Síðan ók maðurinn
með fórnarlambið til einþekjuflug-
vélar sinnar og sagðist ætla að „fara
með hana í kofann hans í fjöllunum“.
Á meðan maðurinn hlóð vistum í
flugvélina náði stúlkan að hlaupa
öskrandi í burtu. Maðurinn elti hana
en hvarf þegar trukkabílstjóri tók
stúlkuna upp í bíl sinn.
Paulson lýsti heimili manns-
ins, flugvél hans og mundi eftir
skráningarnúmeri flugvélarinnar.
Eigandinn var Robert C. Hansen,
bakaríseigandi, veiðimaður og
fjölskyldumaður sem átti heima á
svæðinu. Hansen neitaði öllu og
sagði að aumingja stúlkan væri lík-
lega að reyna að kúga úr sér pen-
inga. En allt kom fyrir ekki, þar
sem lögreglan náði að staðfesta að
Sherry Morrow hefði verið myrt
með riffli Hansens. Árið 1984 ját-
aði Hansen á sig 21 morð sem kom
jafnvel lögreglunni á óvart þar sem
þeir töldu hann aðeins hafa orðið
fjórum stúlkum að bana.
Stal keðjusög
Hansen fæddist árið 1939 í Iowa
og var ávallt lýst sem þöglum ein-
fara. Samband hans við stjórn-
saman föður sinn var stirt og Han-
sen var lagður í einelti í skólanum
fyrir að stama og vera bólugrafinn.
Á tvítugsaldri fluttist Hansen til
Pocahontas í Iowa og giftist þar
ungri stúlku. Hann var handtek-
inn nokkrum sinnum þar, meðal
annars fyrir íkveikju og þjófnað.
Hann skildi við konuna, giftist aft-
ur og flutti til Anchorage í Alaska,
nyrstu borgar Bandaríkjanna. Í
Anchorage var hann þekktur sem
mikill veiðikappi og var vel liðinn af
nágrönnunum. Árið 1977 fór Han-
sen í eins árs fangelsi fyrir að hafa
stolið keðjusög. Þá hafði hann verið
greindur með geðhvarfasýki. Eftir
að hann kom heim úr fangelsi opn-
aði hann bakarí.
Eins og villt bráð
Eftir vitnisburð Cindy Paulsons
fundust, við húsleit á heimili
Hansens, skartgripir fórnarlamba,
blaðaúrklippur um morðin og fjöldi
skotvopna. Hann byrjaði að myrða
vændiskonur árið 1979. Hann borg-
aði konum fyrir kynlíf, rændi þeim,
pyntaði og nauðgaði. Hann batt
konurnar með reipi og flaug með
þær í einþekju í kofa hjá Knik-ánni.
Þá fann hann hæfilega einangraðan
stað og leyfði fórnarlambinu að
taka sprettinn í skóginum. Þá sat
Hansen um þær og veiddi eins og
þær væru villt bráð.
Hansen var handtekinn og sak-
felldur fyrir líkamsárás, mannrán,
brot á vopnalögum, þjófnað og
tryggingasvindl. Hann var einnig
sakaður um að hafa logið til um að
veiðiminjagripum hans hefði verið
stolið. Hann hafði svo keypt flugvél
sína fyrir tryggingaféð.
Byrjaði snemma
Hansen játaði á sig þau fjögur morð
sem lögreglan vissi um og gaf upp-
lýsingar um hin fórnarlömbin með
því skilyrði að hann fengi að afplána
dóminn sinn í ríkisfangelsi án um-
fjöllunar í fjölmiðlum. Hann stað-
festi kenningu lögreglunnar um það
hvernig konunum hefði verið rænt.
Hann greindi jafnvel frá því að hann
hefði stundum leyft mögulegu fórn-
arlambi að sleppa ef hún náði að
sannfæra hann um að hún myndi
ekki gera lögreglu viðvart. Að eigin
sögn var hann byrjaður að myrða
konur árið 1973.
Hansen sýndi lögreglunni 17
grafir í dal Knik-árinnar en af þeim
morðum hafði lögreglan ekki hug-
mynd um hin tólf. Hansen fékk 461
ára fangelsisdóm.
Þess má til gamans geta að
áður en hann var handtekinn voru
bogaveiðimenn á svæðinu byrjað-
ir að hafa grunsemdir um bogfimi
Hansens. Hann sagðist nefnilega
sjálfur hafa veitt stærsta fjallahrút
heims á þeim tíma með boga en
samkvæmt sögusögnum hafði hann
notað riffil en ekki boga til að skjóta
hrútinn.
Í ár kemur út kvikmyndin The
Frozen Ground þar sem Nicolas
Cage leikur rannsóknarlögreglu-
manninn sem gómaði Hansen en
í hlutverki raðmorðingjans er John
Cusack. n
Veiðimaðurinn
n Hansen var veiðikappi í Alaska n Kom fram við fórnarlömb sín eins og villta bráð
„Hann
borgaði
konum fyrir
kynlíf, rændi
þeim, pyntaði
og nauðgaði
Hansen Með horn
verðlaunahrútsins,
sem hann sagðist
hafa veitt með boga.
John Cusak Leikur
Hansen í nýrri kvikmynd.