Dagblaðið Vísir - DV - 19.07.2013, Blaðsíða 6

6 Fréttir 19.–21. júlí 2013 Helgarblað
Fleiri flytja heim en í burtu
n Alls bjuggu 323.810 á Íslandi í júní
A
lls bjuggu 323.810 á Íslandi,
162.400 karlar og 161.410
konur, í lok júní á þessu
ári, en landsmönnum fjölg­
aði um 880 á síðasta ársfjórðungi.
Á öðrum ársfjórðungi 2013 fædd­
ust 1.100 börn, en 500 einstakl­
ingar létust. Á höfuðborgarsvæð­
inu bjuggu 207.120 manns. Þessar
tölulegu upplýsingar koma frá
Hagstofu Íslands, en áhugavert
er að 270 einstaklingar fluttust
til landsins umfram brottflutta á
sama tímabili. Það vekur athygli,
sérstaklega í ljósi umfjöllunar um
brottflutning Íslendinga á undan­
förnum árum.
Aðfluttir einstaklingar með ís­
lenskt ríkisfang voru 120 umfram
brottflutta, en aðfluttir erlendir
ríkisborgarar voru 150 fleiri en þeir
sem fluttust frá landinu. Fleiri karl­
ar en konur fluttust frá landinu.
Flestir aðfluttir íslenskir ríkis­
borgarar komu frá Danmörku, eða
220. 190 komu frá Noregi og 130 frá
Svíþjóð, eða alls 540 einstaklingar af
740. Pólland var upprunaland flestra
erlendra ríkisborgara en þaðan flutt­
ust 300 til landsins af alls 840 er­
lendum innflytjendum. Spánn kom
næstur, en þaðan fluttust 45 erlendir
ríkisborgarar til landsins.
Noregur var helsti áfangastað­
ur brottfluttra íslenskra ríkisborgara
en þangað fluttust 240 manns á öðr­
um ársfjórðungi af 620 alls. Til Dan­
merkur og Svíþjóðar fluttust 170 ís­
lenskir ríkisborgarar. Af þeim 690
erlendu ríkisborgurum sem fluttust
frá landinu fóru flestir til Póllands,
160 manns. n
Í
slandsbanki hefur lýst nærri sjö
milljarða króna kröfu í þrotabú
Byrs sem stýrt er af slitastjórn.
Frá þessari kröfu er greint á
heimasíðu slitastjórnar Byrs og
er tilkynningin dagsett 15. júlí síðast
liðinn. Orðrétt segir þar: „Íslands­
banki hefur lýst kröfu í bú Byrs, sem
stýrt er af slitastjórn, þar sem farið er
fram á endurgreiðslu á hlutabréfun­
um í Byr.“
Slitastjórnin seldi helstu eignir
Byrs til Íslandsbanka í nóvember
2011 og rann sparisjóðurinn þá inn
í Íslandsbanka. 88,2 prósenta hlutur
var í eigu slitastjórnar Byrs og 11,8
prósenta hlutur var í eigu íslenska
ríkisins sem einnig seldi sinn hlut.
Kaupverðið var 6,6 milljarðar króna.
Forsenda kröfu Íslandsbanka nú er sú
að eignir Byrs hafi verið verulega of­
metnar í bókhaldi sparisjóðsins.
Samkvæmt upplýsingum frá Ís­
landsbanka er krafan gerð af þeirri
einföldu ástæðu að skort hafi á upp­
lýsingar um virði eigna Byrs í sölu­
ferlinu á sínum tíma. Orðrétt seg­
ir í svari bankans í tölvupósti: „Í ljós
hefur komið, að mati Íslandsbanka,
að verulega hafi skort á að sérstakar
ábyrgðaryfirlýsingar og tilteknar upp­
lýsingar sem gefnar voru af hálfu selj­
enda í kaupsamningi milli aðila og
sem lagðar voru til grundvallar kaup­
um á Byr hf. hafi reynst réttar og full­
nægjandi. Af þeim sökum hefur Ís­
landsbanki lýst kröfu í slitabú Byrs
sparisjóðs.“
Ofmat eignasafnsins
Krafan sem Íslandsbanki hefur lýst í
bú Byrs er hærri en kaupverðið sem
Íslandsbanki greiddi fyrir sparisjóð­
inn á sínum tíma. Enda segir líka í
auglýsingu slitastjórnarinnar að um
sé að ræða kröfu um „endurgreiðslu“
á kaupverðinu. Orðrétt segir í tilkynn­
ingunni: „Krafan er byggð á því að lán
til viðskiptavina hafi verið verulega
ofmetin í ársreikningum sparisjóðs­
ins og að þau hafi ekki verið metin
út frá almennum og viðurkenndum
reglum um endurskoðun. Upphæð
kröfunnar er 6.943 milljónir íslenskra
króna auk vaxta og kostnaðar, og er
henni lýst sem forgangskröfu á móti
skuld Íslandsbanka við Byr sem nem­
ur 5.834 milljónum króna, sem greiða
á í nóvember 2014 og 2015.“
Því er um að ræða kröfu um
endurgreiðslu á öllu kaupverði spari­
sjóðsins, auk vaxta og þess kostnaður
við innheimtu kröfunnar sem fellur á
Íslandsbanka.
Jón Ásgeir Jóhannesson og
tengdir aðilar stærstir
Miðað við kröfugerð Íslandsbanka
voru útlánamál Byrs í miklum ólestri
fyrir hrun og skort hefur á tilhlýðilega
áhættustýringu innan sjóðsins. Líkt og
fjallað hefur verið um ítarlega í DV, þar
sem blaðið hafði lánabók sparisjóðsins
undir höndum, voru eignarhaldsfélög
í eigu Jóns Ásgeirs Jóhannessonar og
viðskiptafélaga hans stærstu skuldar­
ar sparisjóðsins Byrs fyrir íslenska
bankahrunið árið 2008. Fjárfestingar­
félag Jóns Ásgeirs og fjölskyldu hans,
Gaumur, og tengd félög, skulduðu Byr
til dæmis nærri átta milljarða króna í
nóvember 2008.
Skuldir til þessa félagahóps námu
rúmum 18 prósentum af eiginfjár­
grunni Byrs í nóvember 2008. Eigið
fé Byrs nam rúmlega 43 milljörðum
króna í árslok 2007. Samkvæmt reglum
Fjármálaeftirlitsins mega lánveitingar
til einstakra viðskiptavina ekki fara yfir
25 prósent af eiginfjárgrunni fyrirtæk­
isins. Félög Jóns Ásgeirs voru því tals­
vert undir þessu hámarki.
Óráðsía hjá Byr
Samkvæmt úttekt sem unnin var
á störfum lánanefndar Byrs innan
sparisjóðsins árið 2009, og DV hef­
ur greint ítarlega frá, voru umrædd
félög Jóns Ásgeirs og viðskiptafélaga
hans í vanskilum við Byr upp á 4,7
milljarða króna í lok ágúst 2009. Út­
tektin var unnin vegna þess að grun­
ur lék á að starf áhættunefndar Byrs
hefði ekki verið unnið með eðlileg­
um hætti enda kom það á daginn að á
fundum nefndarinnar hafði lítið verið
fjallað um þá skuldara sparisjóðsins
sem líklegt þótti að þyrfti að afskrifa
hjá. Hlutverk áhættunefndarinnar var
hins vegar meðal annars að „fjalla um
skuldbindingar sem eru í tapsáhættu
og vísað hefur verið til sérmeðferð­
ar“ líkt og segir í úttektinni. Miklir
vankantar virðast hafa verið á starfi
þessarar nefndar innan Byrs og virð­
ist ekki hafa verið gætt að hagsmun­
um Byrs í starfi hennar. Þetta sést til
dæmis þegar litið er til þess að lítið
virðist hafa verið gert til að tryggja
stöðu sparisjóðsins vegna lána sem
námu á fimmta milljarð króna.
Óráðsían sem virðist sannarlega
hafa einkennt útlánamálin hjá Byr
endurspeglast svo aftur í því að nú
virðist sem Íslandsbanki hafi áttað
sig á því að verulegur vafi leikur á því
að hægt sé að endurheimta mikið af
þeim fjármunum sem voru lánaðir út
til viðskiptavina bankans. n
n Íslandsbanki lýsir nærri sjö milljarða króna kröfu í bú Byrs
Vill endurgreiðslu út
af ofmetnum eignum
Ingi Freyr Vilhjálmsson
ritstjórnarfulltrúi skrifar ingi@dv.is
Stærstur Félög tengd Jóni Ásgeiri Jóhann-
essyni voru stærstu skuldarar Byrs fyrir
hrun.
Sparisjóðsstjórarnir Þeir Ragnar Z. Guðjóns-
son og Magnús Ægir Magnússon voru sparisjóðs-
stjórar Byrs – Magnús lét af störfum í nóvember
2008 en Ragnar Z. síðar. Eignasafn sparisjóðsins
er lítils virði ef marka má kröfugerð Íslandsbanka.
Snúa frá Norðurlöndum Flestir koma
heim frá Danmörku samkvæmt Hagstof-
unni.
Leyfa veiðar
á lunda
Lundaveiði verður leyfð í Vest­
mannaeyjum dagana 19.–23.
júlí. Umhverfis­ og skipulags­
ráð Vestmannaeyja lagði þetta til
á fundi sínum á miðvikudag og
bæjarstjórn samþykkti tillöguna
á fimmtudag. Í bókun umhverfis­
og skipulagsráðs kemur fram að
ákvörðunin sé tekin með hliðsjón
af ástandi stofnsins síðast liðin ár
og þeim mikilvæga menningar­
lega þætti sem lundaveiði er í
sögu Vestmannaeyja. Síðast liðin
tvö ár hefur engin lundaveiði ver­
ið heimiluð í Vestmannaeyjum
að frumkvæði bæjaryfirvalda en
árin þar á undan voru verulegar
hömlur settar á veiði eins og gert
er í ár. Kristín Jóhannsdóttir, full­
trúi Vestmannaeyjalistans, er ósátt
með ákvörðunina eins og sést í
bókun sem hún lagði fram á fundi
umhverfis­ og skipulagsráðs á
miðvikudag. „Undirrituð harmar
áætlanir um að hefja lundaveið­
ar að nýju. Ég treysti mati sér­
fræðinga sem og einstaka fulltrúa
bjargveiðimanna, sem segja stöðu
lundastofnsins ekki bjóða upp á
lundaveiðar í bráð.“
Ökumenn til
fyrirmyndar
Nær allir ökumenn voru til fyrir­
myndar þegar lögreglan var við
hraðamælingar í Auðbrekku í
Kópavogi á föstudag og á Hjalla­
braut í Hafnarfirði á fimmtudag
í síðustu viku. í Auðbrekku var
fylgst með ökutækjum sem var
ekið í vesturátt. Á einni klukku­
stund, um hádegisbil, fóru 99
ökutæki þessa akstursleið og
var þeim öllum nema tveimur
ekið á löglegum hraða, en þarna
er 50 kílómetra hámarkshraði.
Hinir brotlegu mældust á 61 og
62 kílómetra hraða.
Í Hafnarfirði var fylgst með
ökutækjum sem var ekið Hjalla­
braut í vesturátt, að Breiðvangi.
Á einni klukkustund og tuttugu
mínútum, fyrir hádegi, fóru 162
ökutæki þessa akstursleið og
var þeim öllum nema tveim­
ur ekið á löglegum hraða, en
þarna, líkt og í Auðbrekku, er 50
kílómetra hámarkshraði. Hin­
ir brotlegu mældust á 61 og 63
kílómetra hraða. Vöktun lög­
reglunnar á fyrrgreindum stöð­
um eru liður í umferðareftirliti
hennar á höfuðborgarsvæðinu,
en ábendingar höfðu borist um
hraðakstur á þessum stöðum.