Dagblaðið Vísir - DV - 07.02.2014, Side 49

Helgarblað 7.–10. febrúar 2014 Sport 41
Peningar eru ekki allt
n Byrjunarliðið Atletico Madrid um helgina kostaði 20,8 milljónir punda n Margfalt minna en lið Real Madrid og Barcelona
Svona spilar Atletico
Snýst allt um skipulag og dugnað
Simeone var sannkallaður stríðs-
maður og ákaflega duglegur leik-
maður. Hann krefst þess sama af
lærisveinum sínum hjá Atletico og
sést það berlega á leikstíl liðsins.
Dálkahöfundur Bleacher Report,
Dan Colasimone, skrifaði athyglis-
verða grein fyrir skemmstu þar sem
hann greindi leikstíl Atletico.
Þar kemur fram að Simeo-
ne leggi mikið upp úr dugnaði og
skipulagi. Liðið leikur ýmist 4-1-4-1 eða 4-2-2-2 þó síðarnefnda
leikkerfið sé oftar notað. Simeone reiðir sig á hraða og sterka varnar-
menn sem búa yfir þeim hæfileikum að geta unnið boltann hratt
af andstæðingnum og komið af stað skyndisóknum. Tveir djúpir
miðjumenn sjá til þess að liðið nái strax yfirhöndinni á miðjum vell-
inum og þeir færa boltann hratt milli manna þegar þeir ná honum.
Vængmennirnir þurfa að koma mikið til baka en þeir þurfa einnig
að vera reiðubúnir að leggja á sig hröð hlaup upp vængina þegar
miðjumennirnir fá boltann. Mikilvægasti hluti vallarins í sóknarleik
Atletico er svæðið milli miðjumannanna og fremstu manna. Þegar
liðið sækir þurfa nokkrir leikmenn að vera tilbúnir að fara í svæðið;
hvort heldur sem er annar hvor vængmaðurinn, annar framherjinn
eða annar djúpu miðjumannanna. Hraðir, tæknilega góðir framherj-
ar sem geta opnað varnirnar með eitruðum hlaupum, leikmenn eins
og David Villa og Diego Costa, eru mikilvægir í leikkerfi Simeone.
og líklega eitt mesta afrek undan-
farinna ára í Evrópuboltanum ef
liðinu tækist að landa Spánar-
meistaratitlinum. Enn eru þó eftir
16 umferðir af deildinni og því get-
ur brugðið til beggja vona. Liðið
mætir Real Madrid á heimavelli
þann 2. mars næstkomandi og
gæti það orðið einn af úrslitaleikj-
um deildarinnar. Liðið mætir svo
Barcelona á Nou Camp í loka-
umferð deildarinnar þann 18. maí
næstkomandi og gæti það orðið
hreinn úrslitaleikur um hvaða lið
vinnur deildina. Atletico er einnig
komið í undanúrslit spænska
Konungsbikarsins þar sem Real
Madrid bíður. Þá komst liðið í 16-
liða úrslit Meistaradeildar Evrópu
fyrr í vetur og mætir AC Milan í
tveimur leikjum síðar í þessum
mánuði og í byrjun mars. n
A
rgentínumaðurinn Diego
Simeone tók við stjórnar-
taumunum hjá Atletico
þann 23. desember 2011
af Gregorio Manzano. Félagið
hafði verið í talsverðri lægð, en
þegar þarna var komið sögu var
Atletico í 10. sæti deildarinnar
með 19 stig að loknum 16 um-
ferðum.
Simeone var í miklum metum
hjá stuðningsmönnum félagsins
enda lék hann með félaginu á ár-
unum 2003 til 2005.
Simeone var á þeim tíma að-
eins rúmlega fertugur og hafði
litla reynslu af þjálfun. Hann hóf
þjálfaraferil sinn árið 2006 þegar
hann tók við liði Racing, það-
an lá leiðin til Estudientes þar
sem hann leiddi liðið til fyrsta
deildartitils þess í 23 ár. Árið
2008 tók hann við River Plate þar
sem allt gekk á afturfótunum.
Eftir ellefu leiki í röð án sigurs
sagði hann starfi sínu lausu. Si-
meone fór í kjölfarið til San Lor-
enzo áður en hann var ráðinn til
Catania á Ítalíu árið 2011 og tókst
honum að forða liðinu frá falli.
Hann hætti eftir tímabilið og fór
aftur til Racing í Argentínu áður
en hann tók við Atletico.
Simeone virðist hafa fundið
fjöl sína á Spáni. Liðið klifraði
upp töfluna eftir áramót 2012 og
endaði í sjöunda sæti. Um vor-
ið sigraði liðið Athletic Bilbao í
úrslitaleik Evrópudeildarinnar
og má segja að eftir það hafi
allt legið upp á við hjá Simeone
og Atletico Madrid. Á síðasta
tímabili var liðið framan af í bar-
áttu um spænska titilinn við
Barcelona og Real Madrid en
endaði í 3. sæti deildarinnar með
76 stig.
Simeone hefur það orð á
sér að vera feikilega skipulagð-
ur knattspyrnustjóri. Þegar
hann var upp á sitt besta sem
varnarsinnaður miðjumaður
var hann harður í horn að taka,
duglegur, en umfram allt frá-
bær knattspyrnumaður. Margir
bjuggust við því að liðið myndi
fara í sama miðjumoðið eftir
brotthvarf markahróksins Rada-
mel Falcao í sumar. Simeone
virðist vera snillingur í að ná því
besta út úr sínum mönnum og
hefur Diego Costa blómstrað í
vetur undir stjórn hans.
Simeone breytti öllu
Sjöunda liðið sem Argentínumaðurinn stjórnar Þau keppa í Sochi
Framkvæmdastjóri SKÍ rýnir í kosti íslensku keppendanna
V
etrarólympíuleikarnir í
Sochi verða settir við hátíð-
lega athöfn í kvöld, föstudag,
og verður þeim slitið þann
23. febrúar. Fimm íslenskir
keppendur taka þátt á leikunum sem
eru þeir dýrustu í sögunni. Þetta eru
þau Brynjar Jökull Guðmundsson,
Einar Kristinn Kristgeirsson, Erla Ás-
geirsdóttir, Helga María Vilhjálms-
dóttir og Sævar Birgisson. María Guð-
mundsdóttir þurfti að draga sig út úr
hópnum í vikunni en sæti hennar
tók Erla. DV ræddi við Jón Viðar Þor-
valdsson, framkvæmdastjóra Skíða-
sambands Íslands, og fékk hann til að
greina frá kostum íslensku keppend-
anna.
„María er einstakur karakter“
„Það er aldrei gaman að meiðast og
sérstaklega þegar mikið er í húfi,“
segir Jón Viðar Þorvaldsson, fram-
kvæmdarstjóri SKÍ, um Maríu Guð-
mundsdóttur sem dró sig úr hópnum
vegna meiðsla sem hún hlaut á móti
Brynjar Jökull
Guðmundsson
Félag: Skíðaráð Reykjavíkur
Fæðingardagur: 10. mars 1989
Greinar: Svig og stórsvig
n „Brynjar er tæknilega góður en líka stór og
sterkur. Hann fer mikið á kraftinum og hefur
verið að ná mjög góðum árangri í sviginu.“
Einar Kristinn
Kristgeirsson
Félag: Skíðafélag Akureyrar
Fæðingardagur: 3. janúar 1994
Greinar: Svig og stórsvig
n „Einar er gríðarlega tæknilega góður í sín-
um greinum og þá sérstaklega í svigi. Hann
hefur sýnt miklar framfarir á undanförnum
tveimur árum.“
Erla Ásgeirsdóttir
Félag: BBL
Fæðingardagur: 27. janúar 1994
Greinar: Svig og stórsvig
n „Erla er tæknilega góð í svigi og hefur
staðið sig vel þar að undanförnu. Hjá Erlu
hefur kannski verið aðeins minni undirbún-
ingur þar sem hún var upphaflega ekki í
hópnum. Að sjálfsögðu var hún hins vegar
næst inn.“
Helga María
Vilhjálmsdóttir
Félag: Skíðaráð Reykjavíkur
Fæðingardagur: 25. apríl 1995
Greinar: Svig, stórsvig og risasvig
n „Helga María tekur þátt í flestum greinum
á leikunum og er sú eina í risasvigi. Hún er
rosalega hæfileikarík í mörgum, ólíkum
greinum. Hún staðið sig vel í stórsvigi og
bakgrunnur hennar í hraðagreinum er að
hjálpa henni mikið þar.“
Sævar Birgisson
Félag: Skíðafélag Ólafsfjarðar
Fæðingardagur: 15. febrúar 1988
Greinar: Skíðaganga, sprettganga og 15
kílómetra ganga
n „Sævar hefur verið í sviðsljósinu þar
sem göngumaður er að fara í fyrsta skipti
í tuttugu ár. Hann er rosalega góður í
sprettgöngunni, er kraftmikill og öflugur í
litlu sprettunum. Hann hefur verið að sýna
framfarir í 15 kílómetra göngu undanfarið.“
Ingólfur Sigurðsson
ingolfur@dv.is
í Þýskalandi í vikunni. Skíðasamband
Íslands hafði tilnefnt Erlu Ásgeirs-
dóttur sem varamann á leikana og
kemur hún í stað Maríu. „María var að
komast í sitt gamla form og hefur verið
að standa sig gríðarlega vel að undan-
förnu. Að sjálfsögðu var þetta mikill
missir, en það kemur maður í manns
stað. Ég er búinn að vera í samskiptum
við hana og hún er einstakur karakter.
Hún er bara brosandi og tekur þessu
alveg ótrúlega vel.“ n
Stórleikur á Anfield
E
itthvað mun undan láta
á Anfield í hádeginu á
laugardag þegar Liver-
pool tekur á móti topp-
liði Arsenal í ensku úrvals-
deildinni í knattspyrnu. Bæði
lið hafa átt góðu gengi að fagna
að undanförnu; Arsenal er tap-
laust í síðustu níu deildarleikj-
um en Liverpool í síðustu sex.
Arsenal er með 55 stig á toppn-
um, tveimur fleiri en Man-
chester City og Chelsea og átta
stigum fleiri en Liverpool sem
er í fjórða sæti.
Fleiri athyglisverðir leikir eru á
dagskrá um helgina. Tottenham og
Everton mætast á White Hart Lane á
sunnudag en bæði eru liðin í harðri
baráttu um fjórða sætið. Everton er
sem stendur í 5. sætinu með 45 stig
en Tottenham því sjötta með 44 stig.
Tottenham hefur ekki unnið í síð-
ustu tveimur deildarleikjum sínum
en um liðna helgi vann Everton góð-
an sigur á Aston Villa, 2–1.
Augu margra þessa dagana bein-
ast að Englandsmeisturum
Manchester United sem hafa
átt í miklu basli í vetur. Liðið
tekur á móti botnliði Fulham
síðdegis á sunnudag. United
er í 7. sæti deildarinnar með
40 stig og kemur ekkert ann-
að en sigur til greina hjá læri-
sveinum Davids Moyes. Ful-
ham hefur gengið afleitlega
upp á síðkastið og tapað fjórt-
án af síðustu sautján leikjum
sínum í deildinni.
Manchester City sem
margir búast við að muni vinna
titilinn í vor mætir Norwich á
útivelli á laugardag. Norwich er í 15.
sæti deildarinnar með 24 stig og hef-
ur liðið aðeins unnið einn af síðustu
níu leikjum sínum í deildinni. n
einar@dv.is
Liverpool tekur á móti Arsenal í stórleik helgarinnar á Englandi
Stórslagur
Það er
jafnan hart
tekist á þegar
Liverpool
og Arsenal
mætast.