Dagblaðið Vísir - DV - 21.03.2014, Blaðsíða 6

Helgarblað 21.–24. mars 20146 Fréttir
Sambandið við ESB snýst um EES
Utanríkisráðherra skilar skýrslu til þingsins
Í
sland er í öfundsverðri stöðu
varðandi utanríkisviðskipti
vegna aðgengis landsins að innri
markaði Evrópu í gegnum EES-
samninginn. Þetta segir Gunnar
Bragi Sveinsson utanríkisráðherra
í nýrri skýrslu um utanríkis- og al-
þjóðamál sem hann lagði fyrir þing-
ið á fimmtudag. Þar fer hann yfir
þann tíma sem hann hefur setið á
stóli utanríkisráðherra.
Í skýrslunni segir Gunnar Bragi
að samband Íslands og Evrópusam-
bandsins snúist um EES-samstarf-
ið. „Ný Evrópustefna stjórnvalda
byggist á efldri hagsmunagæslu
á vettvangi EES-samningsins og
annarra gildandi samninga Íslands
og ESB. Í stefnunni er lögð áhersla
á skilvirka framkvæmd EES-samn-
ingsins, m.a. með því að efla sam-
ráð innan stjórnsýslunnar og við Al-
þingi,“ segir hann í skýrslunni.
Gunnar Bragi segir að auk góðra
viðskiptatengsla við Evrópu sé
margt sem bendi til þess að ný tæki-
færi séu í sjónmáli í viðskiptum við
Bandaríkin, sem standi á grónum
merg, eins og það er orðað. Þá sé Ís-
land hluti að víðfeðmu neti fríversl-
unarsamninga með aðild sinni að
EFTA. „Með samstarfi innan EFTA
er Ísland hluti af víðfeðmu neti frí-
verslunarsamninga sem ná til stórs
hluta heimsins. Þá eru tækifæri
til að sækja á nýjar lendur á eigin
forsendum, t.d. með fríverslunar-
samningi við fjölmennustu þjóð
heims, Kínverja, sem og eina þá fá-
mennustu, Færeyinga,“ segir hann í
skýrslunni. n
adalsteinn@dv.is
Stjórnin fundaði ekki
í fjarveru Sigmundar
Forsætisráðherrann vill ekki að Bjarni Benediktsson stýri fundum sem varaforsætisráðherra
R
íkisstjórnin sleppti því
að funda tvívegis í þess-
um mánuði út af fjarveru
Sigmundar Davíðs Gunn-
laugssonar forsætisráð-
herra. Í þessari viku var engin
ríkis stjórnarfundur á þriðju-
daginn vegna fjarveru Sigmundar
Davíðs en hann er staddur erlend-
is í ótilgreindum „einkaerindum“
að sögn aðstoðarmanns hans, Jó-
hannesar Þórs Skúlasonar. DV hef-
ur heimildir fyrir því að Sigmund-
ur Davíð sé á Flórída. Sömuleiðis
var enginn ríkisstjórnarfundur á
milli daganna 4. og 11. mars síð-
astliðinn en þá var Sigmundur
Davíð staddur í Kanada í boðsferð
á vegum flugfélagsins Icelandair.
DV hefur heimildir fyrir því að
ráðamenn í þingliði Sjálfstæðis-
flokksins séu orðnir langþreyttir að
þessu leyti á samvinnunni við Sig-
mund Davíð. Lögum samkvæmt á
ríkisstjórnin að halda tvö fundi í
hverri viku en samkvæmt reglum
um starfshætti ríkisstjórnarinn-
ar segir um þetta: „Ríkisstjórnar-
fundir skulu að jafnaði haldnir
tvisvar í viku meðan Alþingi situr,
á þriðjudögum og föstudögum,
en annars einu sinni í viku og þá
að jafnaði á þriðjudögum. Fund-
ir hefjast stundvíslega kl. 9, nema
annað sé ákveðið.“
„Ein af ástæðunum“
Sigurður Már Jónsson, upplýs-
ingafulltrúi ríkisstjórnarinnar,
segir að ekki séu gefnar út ástæður
þess af hverju ríkisstjórnarfund-
urinn á þriðjudag féll niður. Hann
segir að það hafi gerst í fortíðinni
að fundir hafi fallið niður og að
fyrir því geti verið ýmsar ástæður,
meðal annars að ekkert aðkallandi
sé á dagskrá sem þurfi að fjalla um.
Aðspurður segir Sigurður Már
hvort hugsanlegt sé að fjarvera
Sigmundar Davíðs sé ein af ástæð-
unum fyrir því af hverju ekki hafi
verið haldinn fundur hjá ríkis-
stjórninni á þriðjudaginn. „Já, það
getur verið ein af ástæðunum.
Menn raða þá bara málum á milli
funda og skipuleggja sig þannig.“
Í orðum Sigurðar Más felst því að
ríkisstjórnin hliðri því til í ljósi fjar-
veru forsætisráðherra.
Sigurður Már nefnir hins vegar
ekki aðrar sértækar ástæður fyrir
því af hverju ríkisstjórnarfund-
urinn var ekki haldinn á þriðju-
daginn þrátt fyrir að hafa verið
ítrekað spurður um þær.
Vill ekki að Bjarni stjórni
Ein af ástæðunum fyrir því af
hverju ríkisstjórnarfundir eru
ekki haldnir í fjarveru Sigmund-
ar Davíðs er sú að forsætisráð-
herrann mun ekki kæra sig um
að Bjarni Benediktsson, formað-
ur Sjálfstæðis flokksins og fjár-
málaráðherra, stýri fundum sem
forsætisráðherra í fjarveru hans.
Bjarni er varaforsætisráðherra og
fer með vald forsætisráðherra í
fjarveru Sigmundar Davíðs.
Af hverju Sigmundur Davíð er
á þessari skoðun liggur ekki fyr-
ir en ljóst er að í tvö síðustu skipti
sem hann hefur farið af landi
brott þá hafa engir ríkisstjórn-
arfundir verið haldnir. Pirringur
sjálfstæðis manna mun að hluta til
vera tilkominn út af þessum tikt-
úrum Sigmundar Davíðs og eins
vegna þeirrar staðreyndar að hann
þykir ekki vera mjög virkur stjórn-
andi í ríkisstjórnarsamstarfinu.
Einkaerindi forsætisráðherra
DV hefur gert tilraunir til að fá
upplýsingar frá Jóhannesi Þór, að-
stoðarmanni Sigmundar Davíðs,
um hvert hann fór. Jóhannes Þór
hefur ekki viljað veita DV upplýs-
ingarnar í ljósi þess að það komi
blaðamönnum, og þar af leiðandi
almenningi, ekki við hvert Sig-
mundur Davíð fer í einkaerindum
sínum.
Um þetta segir Jóhannes að-
spurður um utanlandsferðina sem
Sigmundur Davíð fór í á föstu-
daginn og sneri aftur til landsins
úr á miðvikudaginn „Varðandi það
hvar hann er staddur og hvað hann
er að gera þá lít ég einfaldlega svo
á að stjórnmálamenn þurfi ekki að
standa blaðamönnum skil á því ná-
kvæmlega hvert þeir fara eða hvað
þeir gera þegar þeir fara erlendis í
einkaerindum, eins og fram hefur
komið áður. Einhvers staðar hljóta
menn að draga strikið milli opin-
bers lífs og einkalífs, jafnvel hjá
forsætisráðherra. Ég mun því ekki
gefa upplýsingar um það hvert
hann fór. Ég bendi á að þetta er
ekkert sérstakt tilfelli. Ég hef aldrei
gefið fjölmiðlum upplýsingar um
það hvert forsætisráðherra fer í
einkaerindum erlendis eða hvað
hann gerir. Ég lít svo á að það til-
heyri hans einkalífi og sé ekki mitt
að greina frá í fjölmiðlum.“
Nú liggur hins vegar fyrir að
fjarvera Sigmundar Davíðs í einka-
erindum, hvort sem það er í boðs-
ferð til Kanada með Icelandair eða
utanlandsferð í Flórída, hefur bein
áhrif á störf ríkisstjórnarinnar þar
sem fundir eru oft ekki haldnir
þegar hann bregður sér af bæ. Þá
liggur líka fyrir að hann vill ekki
að aðrir fari með vald forsætisráð-
herra þegar hann er staddur er-
lendis. Fyrir vikið eru engir fundir
í ríkisstjórninni. n
Ingi Freyr Vilhjálmsson
ingi@dv.is
Vill ekki að Bjarni stjórni
Sigmundur Davíð vill ekki
að Bjarni Benediktsson stýri
fundum ríkisstjórnarinnar
þegar hann er fjarverandi.
Mynd ÞorrI
„Já, það
getur verið
ein af ástæðunum.
Fundu eitt
og hálft kíló
af dópi
Tollverðir haldlögðu um eitt og
hálft kíló af fíkniefnum sem fund-
ust hjá íslenskum sjómanni fyrr í
þessum mánuði. Um var að ræða
1,33 kíló af marijúana og um 200
grömm af hassi. Í tilkynningu frá
tollinum kemur fram að tollverð-
ir hafi haft afskipti af manninum,
sem var skipverji á dönskum
rækjutogara, er átti að sigla á
næstu dögum til Grænlands.
Skipið hafði verið tollafgreitt við
komuna til landsins nokkrum
dögum áður. Grunur leikur á að
efnin hafi verið ætluð til útflutn-
ings frá Íslandi til Grænlands.
Lögreglan á höfuðborgarsvæðinu
fer með rannsókn málsins, sem
er á lokastigi.
Tollstjóri minnir á fíkniefna-
símann 800-5005. Í hann má
hringja nafnlaust til að koma á
framfæri upplýsingum um fíkni-
efnamál. Fíkniefnasíminn er
samvinnuverkefni lögreglu og
tollyfirvalda og er liður í barátt-
unni við fíkniefnavandann.
Ferðaþjón-
ustan stærst
Tekjur af erlendum ferðamönnum
var stærsta útflutningsafurðin fyrir
árið 2013 samkvæmt nýjum gögn-
um frá Hagstofu Íslands. Þetta er
í fyrsta skipti sem ferðaþjónust-
an er efst á blaði. Alls námu tekjur
af erlendum ferðamönnum tæp-
lega 275 milljörðum króna. Fjór-
um árum áður, árið 2009, námu
tekjurnar 156 milljörðum og því er
um gífurlegan vöxt að ræða. Spáð
er áframhaldandi vexti á þessu ári
og fjölgun ferðamanna, en á síð-
asta ári komu 781 þúsund erlendir
ferðamenn til landsins.
Öfundsverð staða Gunnar Bragi segir
að Ísland sé í öfundsverðri stöðu vegna
viðskiptatengsla sinna við Evrópu í gegn-
um EES-samninginn. Mynd SIgtryggUr ArI