Dagblaðið Vísir - DV - 21.03.2014, Blaðsíða 42

Helgarblað 21.–24. mars 201442 Sport
Chelsea verður meistari
n mourinho og félagar eiga auðveldustu andstæðingana eftir n meistaradeildin gæti hins vegar komið í bakið á þeim n City hefur tapað fæstum stigum
C
helsea á áberandi léttari and­
stæðinga eftir en hin þrjú
liðin sem bítast um Englands­
meistaratitilinn í knattspyrnu.
Manchester City, sem á þrjá
leiki til góða og vinnur titilinn ef það
vinnur síðustu 11 leikina, á mjög
erfiða leiki eftir, rétt eins og Arsenal.
Liverpool á einnig frekar erfiða
leiki eftir í samanburði við Chelsea.
Verði úrslitin samkvæmt bókinni er
því líklegast að Chelsea verði Eng­
landsmeistari í vor. Liðið hefur núna
fjögurra stiga forystu á næsta lið.
Liðið á aðeins eftir einn leik
gegn liði sem fær tvö stig eða fleiri
að meðaltali út úr viðureignum sín­
um. Samkvæmt úttekt DV á liðið
eftir þrjá heimaleiki eftir gegn liðum
sem fá eitt stig eða ekkert á útivöll­
um að jafnaði. Liðið á eftir fjóra
miðlungs erfiða leiki (þeirra erfið­
astur er leikurinn um næstu helgi á
móti Arsenal).
Auðveldur, miðlungs
eða erfiður andstæðingur
Þessar skilgreiningar miðast við að
andstæðingur sem hefur fengið eitt
stig eða minna að meðaltali í leik,
ýmist á heimavelli eða útivelli eftir
því hvað við á, flokkast sem auðveld­
ur. Miðlungs erfiður andstæðingur
er lið sem hefur fengið á bilinu eitt
til tvö stig að meðaltali í leik. Erfið­
ur leikur er gegn liði sem hefur feng­
ið tvö stig eða meira að jafnaði. Það
gildir til dæmis um útileiki Arsenal
og City gegn Everton. Everton hefur
fengið 2,36 stig að meðaltali á sínum
Baldur Guðmundsson
Einar Þór Sigurðsson
baldur@dv.is/ einar@dv.is
Chelsea
– 66 stig
n spilaðir leikir: 30
n sigrar: 20
n Jafntefli: 6
n töp: 4
n titlar: 4
n síðast meistarar: 2010
Leikir sem eru eftir: Fjórir heimaleikir, fjórir útileikir
Leikir gegn topp fimm: Tveir
Chelsea þarf á sigri að halda gegn Arsenal á laugardag eftir vonbrigðin gegn Aston Villa
um liðna helgi. Eftir Arsenal-leikinn tekur við tímabil þar sem liðið mætir tiltölulega
þægilegum andstæðingum; Crystal Palace (17. sæti), Stoke (11. sæti) og Sunderland (18.
sæti). Liðið verður að fá níu stig úr þeim leikjum ætli það sér að hampa Englandsmeist-
aratitlinum. Eftir þessa leiki tekur við stórleikur gegn Liverpool á Anfield. Vel gæti farið
að sá leikur skeri úr um hvaða lið stendur uppi sem sigurvegari. Lokaleikir Chelsea í
deildinni eru svo gegn Norwich (15. sæti) áður en liðið heimsækir Cardiff (19. sæti) á
útivelli í lokaumferðinni.
Ályktun: Chelsea mætir fjórum af sex neðstu liðunum í síðustu átta leikjunum sem
þýðir að liðið á eitt auðveldasta prógrammið eftir af toppliðunum fjórum.
Chelsea er þó eina liðið sem enn er eftir í Meistaradeild Evrópu og komist liðið
lengra en í 8-liða úrslit gæti það haft áhrif á lokasprettinum
þegar þreyta fer að sækja að leikmönnum.
liverpool
– 62 stig
n spilaðir leikir: 29
n sigrar: 19
n Jafntefli: 5
n töp: 5
n titlar: 18
n síðast meistarar: 1990
Leikir sem eru eftir: Fimm heimaleikir, fjórir útileikir
Leikir gegn topp fimm: Þrír
Liverpool er líklega heitasta lið úrvalsdeildarinnar eins og sakir standa. Liðið hefur
skorað 18 mörk í síðustu 5 leikjum sínum sem allir hafa unnist. Liðið er auk þess eina lið
deildarinnar sem enn hefur ekki tapað leik á árinu 2014. Liverpool mætir Cardiff á útivelli
um helgina áður en liðið tekur á móti Sunderland og Tottenham í lok mánaðarins. Upp
úr miðjum apríl gæti tímabilið ráðist; þann 14. apríl fá þeir Manchester City í heimsókn
áður en þeir taka á móti Chelsea hálfum mánuði síðar. Góðu fréttirnar eru
þær að Liverpool hefur aðeins tapað einum leik á heimavelli í allan vetur.
Liverpool endar tímabilið á leikjum gegn Crystal Palace á útivelli (17.
sæti) og Newcastle (8. sæti) á heimavelli.
Ályktun: Úrvalsdeildin er eina verkefni Liverpool til vors; engin
Evrópukeppni eða bikarkeppni er til að trufla liðið. Ef liðið nær í sex stig
úr heimaleikjunum gegn Chelsea og City ætti titillinn að verða þeirra.
Liðið er á ótrúlegu skriði og fátt sem bendir til þess að
það breytist.
Staðan
1 Chelsea 30 20 6 4 56:23 66
2 Liverpool 29 19 5 5 76:35 62
3 Arsenal 29 19 5 5 53:28 62
4 Man.City 27 19 3 5 71:27 60
5 Tottenham 30 16 5 9 37:38 53
6 Everton 28 14 9 5 40:28 51
7 Man.Utd 29 14 6 9 46:34 48
8 Southampton 30 12 9 9 43:37 45
9 Newcastle 29 13 4 12 37:40 43
10 Aston Villa 29 9 7 13 32:38 34
11 Stoke 30 8 10 12 32:44 34
12 West Ham 29 8 7 14 32:38 31
13 Hull 29 8 6 15 30:37 30
14 Swansea 29 7 8 14 38:43 29
15 Norwich 30 7 8 15 24:48 29
16 WBA 29 5 13 11 33:43 28
17 Cr.Palace 29 8 4 17 19:38 28
18 Sunderland 27 6 7 14 26:42 25
19 Cardiff 30 6 7 17 23:52 25
20 Fulham 30 7 3 20 30:65 24

Næstu leikir
22.3.14 Chelsea - Arsenal
22.3.14 Everton - Swansea
22.3.14 Cardiff - Liverpool
22.3.14 Norwich - Sunderland
22.3.14 Newcastle - Cr. Palace
22.3.14 Man. City - Fulham
22.3.14 Hull - WBA
22.3.14 West Ham - Man. Utd
23.3.14 Tottenham - S'ton
23.3.14 Aston Villa - Stoke
Aron fær
samkeppni
Aron Jóhannsson, leikmaður AZ
Alkmaar í Hollandi og bandaríska
landsliðsins, fær meiri samkeppni
um framherjastöðuna í lands­
liðinu á næstunni. Julian Green,
einn efnilegasti leikmaður Bayern
München, tilkynnti í vikunni að
hann hygðist leika fyrir lands­
lið Bandaríkjanna í framtíðinni.
Green, sem er 18 ára, er fæddur í
Bandaríkjunum en alinn upp að
mestu í Þýskalandi. Hann hefur
leikið vel fyrir varalið Bayern
München að undanförnu, en í
heildina hefur hann skorað 15
mörk í 20 leikjum. Jürgen Klins­
mann, landsliðsþjálfari Bandaríkj­
anna, sagði að hann væri himin­
lifandi með ákvörðun Greens.
Coleman ekki
til United
Roberto Martinez, stjóri Everton,
gefur lítið fyrir þann orðróm að
Seamus Coleman, hægri bak­
vörður félagsins, sé á leið til Man­
chester United. Colemen er einn
allra besti bakvörður deildarinn­
ar, en þessi 25 ára Íri hefur átt frá­
bært tímabil með Everton. „Þeir
hljóta að vera í viðræðum við
annan Coleman því við höfum
aldrei átt í viðræðum við neinn
um hann,“ sagði Martinez við
breska fjölmiðla og bætti við að
Coleman væri orðinn mjög mik­
ilvægur hluti af Everton­liðinu.
Þrátt fyrir að leika sem bakvörður
er Coleman næstmarkahæsti
leikmaður Everton í deildinni á
tímabilinu með sex mörk, fjórum
færri en Romaleu Lukaku og jafn­
mörg mörk og Kevin Mirallas.
spurs á
toppnum
San Antonio Spurs er með hæsta
vinningshlutfall allra liða í banda­
rísku NBA­deildinni í köfubolta.
Aðfaranótt fimmtudags vann liðið
sinn ellefta leik í röð og er vinn­
ingshlutfallið nú 76,1 prósent.
Oklahoma City Thunder er í öðru
sæti Vesturdeildarinnar með 73,1
prósents vinningshlutfall en Los
Angeles Clippers og Houston
Rockets koma þar á eftir.
Meistari síðustu tveggja ára,
Miami Heat, er með næstbesta
vinningshlutfallið í Austur­
deildinni, eða 69,7 prósent. Indi­
ana Pacers virðist ætla að vinna
Austurdeildina, en liðið er með
73,5 prósenta vinningshlutfall.
Flest lið deildarinnar eiga eftir að
leika um 20 leiki áður en úrslita­
keppnin hefst.