Dagblaðið Vísir - DV - 21.03.2014, Blaðsíða 32

Helgarblað 21.–24. mars 201432 Fólk Viðtal
Dreymir
um frægð í
Hollywood
É
g hef ætlað að verða leikkona
frá því ég var tíu ára,“ segir
Ragnheiður Ragnarsdóttir,
afreks kona í sundi, sem mun
nú venda sínu kvæði í kross og
læra leiklist.
Á leið til Los Angeles
Ragga, eins og hún er kölluð, er kom-
in inn í New York Film Acadamy-leik-
listarskólann í Los Angeles og flytur
til Bandaríkjanna í lok sumars. „Ég
bíð eiginlega bara eftir því að tíminn
líði; ég er svo ótrúlega spennt. Nú sit
ég sveitt yfir vegabréfsárituninni um
leið og ég keppist við að koma mér
í form. Maður verður að vera í fínu
formi í Kaliforníu. Annað væri ekki
hægt. Það er endalaust sumar þarna,“
segir hún brosandi.
Ragga þreytti inntökupróf skól-
ans og fékk að vita á staðnum að hún
væri komin inn. „Í rauninni þurfti
ég ekki að fara í prufur en gerði það
samt. Þeim leist svona svakalega vel
á mig og sögðu mér frá styrkjum sem
ég gæti sótt um til að fara í lengra
nám. Ég ætla samt bara að prófa
og sjá hvernig mér líkar áður en ég
ákveð að taka BA-próf eða skoða ann-
an skóla,“ segir Ragga sem fór með
tvær einræður í prufunum. „Ég var
ekkert undirbúin og þurfti að græja
einræðu á staðnum. Ég valdi að taka
„monologue“ Leonardos DiCaprio úr
kvikmyndinni Basketball Diaries og
aðra úr Saving Private Ryan; eitthvað
sem ég hafði lært utan að fyrir löngu.
Einhverra hluta vegna kann ég all-
ar bíómyndir utan að sem ég hef einu
sinni séð og get því lært texta auð-
veldlega. Það var bara skemmtilegt
að hoppa svona ofan í djúpu laugina.
Sérstaklega af því að þetta gekk vel,“
segir hún brosandi en bætir við að
það hefði verið gaman að vera undir-
búin með einræðu fyrir kvenhlutverk.
„En það skiptir engu. Þetta tókst.“
Ekki bara glys og glamúr
Ragga þekkir Los Angeles vel en hún
bjó í borginni þegar hún var 17 ára.
„Ég hef heimsótt þessa borg nokkrum
sinnum og fór í „high-school“ þarna.
Los Angeles er eiginlega mitt ann-
að heimili. Þessi borg er æðisleg.
Margir halda að hún sé ekkert nema
glys og glamúr en þegar maður kynn-
ist henni og hverfunum verður hún
ótrúlega sjarmerandi.
Öll Kalifornía er reyndar æðisleg;
upp og niður strandlengjuna. Los
Angeles er ekki bara Hollywood.
Borgin er mjög margbreytileg og alls
ekki eins og maður fær að sjá í kvik-
myndunum. Að vísu er nauðsynlegt
að vera á bíl þar sem almennings-
samgöngur eru ekkert til að tala um.
Maður getur þurft að eyða stórum
hluta dags undir stýri. En þegar mað-
ur er búinn að læra á traffíkina kemst
maður hjá því að sitja fastur í um-
ferðinni í of langan tíma.“
„All-in“ í móðurhlutverkinu
Þótt námið sé dýrt er Ragga ákveðin í
að láta drauminn rætast. „Ég hef alltaf
gengið með leiklistina í maganum,
en ekki haft tíma vegna sundsins. Svo
eignaðist ég barn og tók mömmu-
hlutverkið af fullum krafti. Nú vil ég
einbeita mér að leiklistinni,“ segir
Ragga og bætir aðspurð við að leik-
listarnám hér heima hafi ekki heillað.
„Mig hefur alltaf langað út að læra.
Svo er þetta nám leiklist í kvikmynd-
um og auglýsingum, ekki leikhúsi og
það finnst mér heillandi.“
Fjölskylda Röggu, eiginmaðurinn
Atli Bjarnason, og sonur þeirra, Breki
13 mánaða, munu fylgja henni út.
„Atli ætlar að vera heima fyrir með
Breka til að byrja með. Hann út-
skrifast úr sínu námi í sumar og er
spenntur að fara í smá frí frá vinnu og
námi. Það róar mömmuhjartað að-
eins; að Breki sé ekki að fara í pöss-
un þarna úti heldur verður hann með
pabba sínum.
Auðvitað er það svolítið mál að
flytja út með barn en þetta verður
bara spennandi ævintýri. Ég er búin
að vera „all-in“ í mömmuhlutverkinu
síðan Breki fæddist en nú er hann
orðinn svo stór að ég get farið að huga
að einhverju fleiru.“
Faldi ekki óléttuna
Ragga hefur lengi verið í sviðsljósinu
vegna sundsins og því kom það mörg-
um á óvart þegar hún hafði eignast
barn án þess að fjölmiðlar hefðu um
það fjallað. Hún segir af og frá að hún
hafi falið meðgönguna en viðurkenn-
ir að hún hafi látið lítið fyrir sér fara.
„Loksins var ég komin í pásu frá sund-
inu og ákvað að taka mér pásu frá
sviðsljósinu í leiðinni.
Mér fannst meðgangan
vera fyrir mig og Atla
og það var gott að fá að
njóta hennar í friði með
fjölskyldunni.
Margir furðuðu sig á
því af hverju ég setti ekki
status á Facebook en
mér fannst ágætt að hafa
þetta bara fyrir mig og
mína. Ég var því ekkert að
fela þetta en fannst þetta
eitthvað sem við ættum
að njóta tvö ein.“
Þótt meðgangan hafi
gengið vel fór hún illa í
Röggu. Hún var þreytt
og safnaði miklum bjúg
og þyngdist um 45 kíló.
„Meðgangan var erfið og
það af mörgum ástæð-
um. Ég hætti að synda
þegar ég var komin 14 vikur á
leið og þá þyngdist ég náttúrlega. Ég
er vön að vera mjög grönn og í flottu
formi og það var erfitt að geta ekki
lengur hlaupið upp stigana. Ég er
mjög óheppin með það hvernig lík-
ami minn bætir á sig bjúg og var eins
og blaðra síðasta mánuðinn. Það var
ekkert sérstaklega skemmtilegt.
Ég var samt snögg að losa mig við
mesta bjúginn eftir fæðingu og þetta
er allt að koma. Ég ákvað samt að gera
þetta á heilbrigðan hátt, hægt og ró-
lega, í stað þess að drífa mig að léttast.
Ég á nokkur kíló eftir, þau síðustu eru
alltaf erfiðust.
Ég hef alveg bætt á mig áður en
aldrei svona miklu. Ég þyngdist um
fermingardreng! En að þyngjast
vegna óléttu er ekki það sama
og þyngdaraukning á öðrum
forsendum. Líkaminn tók á þessu
verkefni svona.“
Yfir 100 kíló
Hún segist ekki vilja koma sér í form
útlitsins vegna. „Ég vil bara lifa heil-
brigðu lífi og þótt þessi 45 kíló hafi
verið erfið viðfangsefni voru þau
skemmtileg áskorun,“ segir Ragga
og bætir við að það hafi ekki verið
skemmtilegt að sjá vigtina fara yfir
þriggja stafa töluna. „Ég viðurkenni
að mér fannst ömurlegt að fara yfir
100 kílóin enda var ég fljót niður fyrir
100 eftir eftir fæðingu. Annars finnst
mér kílóafjöldi ekkert feimnismál.
Kílóin segja svo lítið. Þú getur verið
með þung bein og mikið af vöðvum.
Þetta snýst ekki allt um fitu eða
hversu feitur eða grannur maður er.“
Ragga starfaði sem fyrirsæta sam-
hliða sundinu og er byrjuð að sitja
fyrir aftur. „Ég er nýtt andlit New CID-
förðunarvara og er að hefja sam-
starf við Wellwoman Sport-vítamín
frá Vitabiotics-vítamínkeðjunni. Mér
finnst rosalega gaman að sitja fyrir og
ennþá skemmtilegra að geta það án
þess að þurfa að vera brjálæðislega
mjó.
Annars elska ég að dekra við sjálfa
mig og sérstaklega eftir að ég varð
mamma. Þá fer ég í Bláa lónið eða
djúpslökunarpottinn í Hreyfingu.
Glöð mamma er góð mamma.“
Náði ekki inn á ÓL
Það vakti athygli að Ragga tók ekki
þátt í Ólympíuleikunum 2012 þrátt
fyrir stífan undirbúning. „Ég náði
ekki takmarkinu og hef enga afsök-
un fyrir því. Ég hafði náð „invitation“-
lágmarkinu en svo var reglunum
breytt. Tveimur mánuðum fyrir leik-
ana komst ég að því að ég var ófrísk
og það setti líka strik í reikninginn.
Ég var þreytt og fann fyrir morgunó-
gleði en ég hefði keppt ef ég hefði
náð lágmarkinu. Læknar og aðrir
sérfræðingar höfðu gefið grænt ljós,“
Lífið hefur tekið stakkaskiptum hjá sundkonunni
Ragnheiði Ragnarsdóttur. Ragga er að
flytja til Los Angeles þar sem hún ætlar að láta
leiklistardrauma sína rætast. Ragga ræðir um
ástina, vonbrigðin að komast ekki á Ólympíuleikana,
draumana um frama í Hollywood og meðgönguna
sem henni tókst að halda utan sviðsljóssins og kílóin
45 sem hún bætti á sig í kjölfarið.
Indíana Ása Hreinsdóttir
indiana@dv.is
Elskar móðurhlutverkið Ragga segist ekki h
afa falið meðgönguna
en viðurkennir að hafa ekki verið að trana s
ér fram þegar hún var ófrísk.
Ástfangin
Ragga og Atli
höfðu aðeins
verið saman í
háft ár þegar
hún varð
barnshafandi.
MYNd Úr EINkAsAFNI