Dagblaðið Vísir - DV - 21.03.2014, Blaðsíða 56

Helgarblað 21.–24. mars 2014
23. tölublað 104. árgangur Leiðbeinandi verð 659 kr. dv.is/frettaskot askrift@dv.is Sími 512 7000
Mikki refur!
„Best hrun ever“
n Blaðamaðurinn Andrés
Magnússon skýtur fast á Árna
Páll Árnason, formann Sam­
fylkingarinnar, á Facebook­síðu
þess síðarnefnda. Árni Páll
skrifar stöðuuppfærslu þar sem
hann gagnrýnir hve mikið nú­
verandi ríkisstjórn einblíni á
verk fyrri ríkisstjórnar. „Þeir rétt­
læta alla stefnumörkun, allar
sínar gerðir og aðgerðaleysi með
vísan til síðustu ríkisstjórnar,
hvað hún gerði eða gerði ekki,“
skrifar formaðurinn. Andrés er
þó fljótur að svara og skrifar:
„Við megum ekki gleyma því, að
hér varð hrun. Risahrun. Best
hrun ever. Bara ekki prófa sam­
ræðustjórnmálin aftur. OK?“
Netverjar björguðu
Jóhannesi
n Netverjar voru ekki lengi að
koma leikaranum Jóhannesi
Hauki Jóhannessyni til bjargar
á fimmtudag þegar hann spurði
hvort einhver lumaði á tusku­
dýri úr IKEA, svipuðu því sem
dóttir hans hafði átt og týnt.
Dýrsins var sárt saknað og leit­
aði Jóhannes á náðir Facebook
til að leita svipaðan bangsa
uppi. Vinir hans voru fljótir að
taka við sér og ekki leið á löngu
þar til sama tegund hafði fund­
ist á sölusíðunni eBay og er nú
fljótt og örugg­
lega á leið
til landsins.
„Að mér skuli
ekki hafa
dottið þetta
í hug,“ sagði
Jóhannes og
bætti við: „Nú
er bara að
bíða.“
Kattafár á
Facebook
n Ég hef ákveðið að hefja „ham­
ingjusamar kisur,“ viku til að auka
vonandi jákvæðni og gleði ykkar
og annarra fésbókarvina,“ sagði
Eygló Harðardóttir, velferðarráð­
herra á dögunum og skoraði með­
al annars á nokkra aðstoðarmenn
íslenskra ráðherra að taka þátt í að
deila slíkum myndum. Jóhannes
Þór Skúlason, aðstoðarmaður Sig­
mundar Davíðs Gunnlaugssonar,
lætur sitt ekki eftir liggja og birti á
fimmtudag kattarmynd af afskap­
lega hressum ketti. Þar dró til tíð­
inda enda hefur helsta hlutverk
hans á Facebook ver­
ið að deila Eurovi­
son­slögurum,
nýjum og göml­
um með vinum
sínum, enda Jó­
hannes annálað­
ur Eurovison­
aðdáandi.
Spurningin um aðild að Evrópusambandinu
er stærri og mikilvægari en svo að einstakir
stjórnmálaflokkar eða ríkisstjórnir eigi að
ráða svarinu.
Alþingi ber að sýna þjóðinni þá virðingu að
leggja framhald aðildarviðræðna Íslands og
Evrópusambandsins í dóm allra Íslendinga.
Þess vegna er hafin undirskriftasöfnun á
vefnum Þjóð.is þar sem skorað er á Alþingi
að leita þjóðarviljans.
Alþingismenn starfa í umboði okkar. Látum
þá vita hvað við viljum og skrifum undir.
www.þjóð.is
SAMST
ÖÐUFUN
DUR 4
Fjölmen
num á A
usturvö
ll kl. 15
-16
laugard
aginn 2
2. mars

Fjölskyldusaga í Washington
Útrás leikrits Mikaels Torfasonar, aðalritstjóra 365 miðla
L
esendur Fréttablaðsins hafa í
vikunni ugglaust orðið varir við
umfjöllun blaðsins um uppsetn­
ingu á leikriti aðalritstjóra 365,
Mikaels Torfasonar, í Washington.
Raunar hefur enginn fjölmiðill fjallað
eins mikið um sýninguna og Frétta­
blaðið en Mikael er tíðum til umfjöll­
unar í miðlum 365.
Viðtal birtist við aðalleikkonu
verksins og sambýliskonu Mikaels,
Elmu Stefaníu Ágústsdóttir, í síðasta
helgarblaði og í vikunni var sagt frá
því á baksíðu blaðsins að leikritið, fjöl­
skyldusagan Harmsaga, hefði hvorki
meira né minna en „slegið í gegn“ í
bandarísku borginni. Ekki nóg með
að leikarar Harmsögu hafi unnið „leik­
sigur“ heldur „hrifust“ gagnrýnendur
af allri umgjörð verksins, samkvæmt
Fréttablaðinu. Önnur eins velgengni
íslensks leikrits í útlöndum er líklega
fáheyrð. Sá sem átti einna mestan
heiður af því að koma leikriti Mikaels
á framfæri í Washington er starfsmað­
ur sendiráðs Íslands í borginni, Skafti
Jónsson, en eiginkona hans, Kristín
Þorsteinsdóttir, er stjórnarmaður hjá
365 og fyrrverandi starfsmaður Baugs.
Tengsl þeirra hjóna við 365 eru því
nokkur og því kannski ekki óeðlilegt
að liðkað sé til fyrir aðalritstjóranum.
Einnig er fróðlegt að það var dóttir
þeirra, Ólöf Skaftadóttir, sem tók viðtal
helgarblaðs Fréttablaðsins við eigin­
konu Mikaels, um leikritið. Sagan á bak
við uppsetningu verksins erlendis og
kynninguna á því er því orðin skemmti­
lega fjölskylduleg. Mikael skrifar leikrit
og sambýliskona hans leikur aðalhlut­
verkið; blaðið sem hann ritstýrir segir
miðla mest frá útrás verksins sem eig­
inmaður Kristínar stjórnarmanns,
Skafti diplómati, kemur til leiðar og
það er svo dóttir Skafta og Kristínar og
undirmaður Mikaels sem tekur viðtal
við sambýliskonu hans í dagblaði sem
hann stýrir. n
Velgengni í Washington Mikael ásamt
sambýliskonu sinni, aðalleikkonu verksins.