Dagblaðið Vísir - DV - 02.03.2012, Blaðsíða 34

34 2.–4. mars 2012 Helgarblað
20U m s j ó n : K o l b e i n n Þ o r s t e i n s s o n k o l b e i n n @ d v . i s
Á
rin 1884 og 1885 lagðist
óþekktur raðmorðingi á kon-
ur í Austin í Texas. Morð-
inginn fékk viðurnefnið
Þernutortímandinn, Servant Girl
Annhiliator, og í New York Times
26. desember 1885 sagði að „morð-
in væru framin af einhverjum slæg-
um brjálæðingi, sem væri heltekinn
af því að myrða konur“.
Samkvæmt Texas Monthly voru
sjö konur myrtar, þar af fimm svart-
ar og tvær hvítar, og einn svartur
karlmaður var einnig myrtur. Að
auki særðust sex konur og tveir karl-
menn alvarlega.
Ráðist var á öll fórnarlömbin
innan dyra þar sem þau sváfu svefni
hinna réttlátu. Fimm kvennanna
voru síðan dregnar meðvitundar-
lausar út fyrir þar sem gengið var
endanlega frá þeim. Morðinginn
afskræmdi þrjár kvennanna illilega
utan dyra.
Samkvæmt Texas Monthly
var líkum allra fórnarlambanna
stillt eins upp og inn í eyru sex
kvennanna hafði verið stungið odd-
hvössum hlut.
Morðhrinunni lauk með morð-
unum á tveimur hvítu konunum,
Eulu Phillips og Susan Hancock.
Susan var ráðinn bani þann 24. des-
ember 1985.
Um fjögur hundruð karlmenn
voru handteknir í tengslum við
rannsóknina en háttsettir ráða-
menni neituðu að trúa að einn
maður eða einn hópur manna gæti
staðið að baki ódæðunum. Einn
hinna handteknu, James Phillips,
var sakfelldur fyrir morð á eigin-
konu sinni, Eulu Phillips, en sá
dómur var síðar ógiltur.
Raðmorðin eru talin dæmi um
raðmorðingja vestan Atlantsála
þremur árum áður en Kobbi kviðr-
ista, Jack the Ripper, lét á sér kræla í
Whitechapel-hverfinu í Lundúnum.
Rithöfundurinn Shirley Harrison
leiðir að því líkur í bók sinni Jack the
Ripper: The American Connection
að Þernutortímandinn og Kobbi
kviðrista hafi verið einn og sami
maðurinn.
Reyndar er raunin sú að margir
hafa verið nefndir til sögunnar sem
Kobbi kviðrista. Lögregluyfirvöld í
Lundúnum yfirheyrðu fjölda amer-
ískra kúreka sem þar drápu niður
fæti, þar á meðal, samkvæmt rithöf-
undum Jack the Ripper, A-Z, Buck
nokkurn Taylor, sem var frægur fyrir
að leika Vísunda-Bill í vestrasýning-
um. Buck fæddist í Fredricksburg í
Texas, suðvestur af Austin.
Hvað sem þessum vangavelt-
um líður þá er enn þann dag í dag
hvorki vitað hver Kobbi kviðrista var
né Þernutortímandinn.
Morðunum linnti eftir að fjölgað
var í lögregluliðinu, verðlaunum
var heitið fyrir upplýsingar sem leitt
gætu til handtöku morðingjans og
óbreyttir borgarar settu á laggirnar
grenndarvörslu sem gekk um götur
borgarinnar um nætur.
Dagblöð þess tíma töldu nokkuð
víst að morðinginn, eða morðingj-
arnir, hefðu yfirgefið svæðið því yfir-
völd eignuðu Þernutortímandanum
ekki fleiri morð.
Þernu­
morðin
Kobbi kviðrista í
Bandaríkjunum?
Sakamál
B
lanche Kiser fæddist 17.
febrúar 1933 í Norður-Karó-
línu í Bandaríkjunum. Fað-
ir hennar var áfengissjúkur
baptistaprestur sem síðar
neyddi dóttur sína út í vændi til að
afla fjár til að greiða veðmálaskuld-
ir. Því var kannski ekki að undra að
Blanche var þekkt fyrir að sveiflast á
milli tilvitnana í heilaga ritningu og
blautlegra athugasemda í einni og
sömu setningunni.
Árið 1952 giftist hún James N.
Taylor og eignuðust þau tvö börn;
hið fyrra 1953 og hið síðara 1959.
Árið 1954 fékk hún vinnu sem
gjaldkeri hjá Kroger-verslanakeðj-
unni og árið 1959 var hún gerð að að-
algjaldkera en hærra gátu konur ekki
vænst að komast innan keðjunnar.
Blanche hóf leynilegt ástarsam-
band við framkvæmdastjóra versl-
unarinnar, Raymond Reid, árið 1962
og þegar eiginmaður hennar lést árið
1971 gerðu þau samband sitt opin-
bert.
En árin liðu og 1985 voru komnir
brestir í samband þeirra og talið að
þá þegar hafi Blanche verið búin að
stofna til sambands við Kevin Den-
ton, svæðisstjóra Kroger-keðjunnar á
þeim slóðum, en það samband end-
aði með ósköpum. Blanche höfð-
aði mál á hendur Denton og Kroger
vegna kynferðislegs áreitis 1985. Ke-
vin Denton neyddist til að segja starfi
sínu lausu en Kroger-keðjan samdi
um sátt utan dómstóla tveimur
árum síðar og fékk Blanche 275.000
Bandaríkjadali í bætur.
Sama ár sakaði Blanche einnig
óþekktan „pervert“ um að hafa í tví-
gang borið eld að heimili hennar.
Ekki við eina fjölina felld
Á páskadag 1985 hitti Blanche séra
Dwight Moore, nýjan prest sameinuðu
Kristskirkjunnar í Alamance í Norður-
Karólínu. Dwight Moore var fráskilinn
og hann og Blanche áttu það til að fá
sér snæðing saman. Á þeim tíma var
Blanche enn í sambandi við Raymond
Reid en árið 1986 fékk hann slæman
áblástur og var lagður inn á sjúkrahús
í apríl það ár. Í október var hann illa
haldinn af því sem læknar töldu vera
Guillain-Barré-heilkennið og viku af
október var Raymond liðið lík.
Blanche og séra Moore hittust æ
oftar og opinberlega og hugðust ganga
í það heilaga 1987, en Blanche fékk
brjóstakrabbamein og brúðkaupinu
var frestað til nóvember 1988. Þá gerðu
vart við sig tvö dularfull mein hjá
Dwight sem þurfti að gangast undir
tvær skurðaðgerðir.
Í apríl 1989 gengu Blanche og
Dwight í hjónaband og eyddu hveiti-
brauðsdögunum á New Jersey. Þegar
þau komu heim 26. apríl 1989, hneig
Dwight niður eftir að hafa borðað
köku. Í tvo daga leið hann vítiskvalir og
var þá lagður inn á spítala. Eftir fjölda
rannsókna var ákveðið að framkvæma
eiturefnaskimun sem leiddi í ljós að í
líkama Dwight var 20 sinnum meira
magn af arseniki en taldist banvænn
skammtur. Fyrir einhverja slembi-
lukku lifði Dwight af en missti að miklu
leyti tilfinningu í höndum og fótum.
Lík grafin upp
Að sjálfsögðu var haft samband við
yfirvöld og í kjölfarið voru lík fyrr-
verandi eiginmanns Blanche, kær-
asta, föður og tengdamóður graf-
in upp. Rannsókn leiddi í ljós
óvenjulega mikið magn arseniks í
líkamsleifunum. Einnig kom í ljós að
gerð hafði verið eiturefnarannsókn á
Raymond Reid en vegna mannlegra
mistaka fóru niðurstöður úr rann-
sókninni ekki rétta leið og týndust
í kerfinu. Fyrir vikið fékk Raymond
sennilega síðasta banvæna skammt-
inn af arseniki þar sem hann lá á
sjúkrabeði sínum.
Sjónir yfirvalda beindust að
Blanche, ekki síst vegna þess að hún
hafði reynt að fá Dwight til að gera
hana að rétthafa eftirlaunaréttinda
hans. Einnig kom í ljós að hún hafði
sagt ósatt um þá upphæð sem hún
hafði fengið úr dánarbúi Raymonds.
Ekki var það til að styrkja málstað
Blanche að hún var í sambandi við
Raymond og Dwight á sama tíma.
Sú skýring Blanche að bæði
Dwight og Raymond hefðu tekið ars-
enik af sjálfsdáðum sökum þung-
lyndis þótti ekki trúverðug og 18. júlí,
1989, var Blanche handtekin og kærð
fyrir morðið á Raymond Reid.
Kom með mat á sjúkrahúsið
Saksóknarar ákváðu að kæra
Blanche frekar fyrir morðið á Ray-
mond en að kæra hana fyrir morðtil-
raun á Dwight því þeir töldu að þeir
gætu fært sönnur á að hún hefði fært
Raymond mat á sjúkrahúsið.
Staðreyndin var sú að læknar
höfðu snemma séð merki arseni-
keitrunar hjá Dwight en átt erfitt með
að henda reiður á hver væri að eitra
fyrir honum. Hvað Raymond varð-
aði þvertók Blanche fyrir að hafa fært
honum mat en saksóknarar leiddu
fram fimmtíu vitni sem báru að hafa
séð hið gagnstæða og því nokkuð
ljóst að Blanche var vargur í véum
þar sem hún þóttist koma færandi
hendi, elskulegum eiginmanni sín-
um á sjúkrabeðinn.
Flest sönnunargögn ákæruvalds-
ins gegn Blanche voru komin frá lög-
fræðingum fjölskyldu Raymonds og
þau voru svo sannfærandi að ákæru-
valdið átti ekki í erfiðleikum með að
færa sönnur á sekt Blanche. Þann
18. janúar, 1991, var Blanche sak-
felld fyrir morðið á Raymond Reid
og dæmd til dauða með banvænni
sprautu.
Í yfir tuttugu ár hefur Blanche
tekist að forðast manninn með ljá-
inn fyrir tilstilli áfrýjanakerfisins.
Hún hefur ávallt haldið fram sak-
leysi sínu.
„Eftir fjölda rann-
sókna var ákveð-
ið að framkvæma eitur-
efnaskimun sem leiddi
í ljós að í líkama Dwight
var 20 sinnum meira
magn af arseniki en tald-
ist banvænn skammtur.
ára að aldri var Christa Gail Pike yngsta konan sem dæmd hefur verið til dauða í Bandaríkjunum.
Christa var dæmd til dauða 30. mars 1996 fyrir morð sem hún framdi í ársbyrjun 1995. Þá barði hún til bana
Coleen Slemmer, stúlku sem hún var afbrýðisöm út í, og geymdi til minja brot úr höfuðkúpu hennar. Árið 2001
mátti litlu muna að Christa, í félagi við aðra konu, sendi samfanga sinn, Patriciu Jones, yfir móðuna miklu og fyrir
vikið var hún sakfelld fyrir morðtilraun 12. ágúst 2004.
n Blanche Kiser var neydd í vændi af föður sínum prestinum
Ekki öll þar sem hún var séð Fyrrverandi eiginmaður Blanche var á meðal þeirra sem
dóu úr eitrun.
Blanche Kiser
Hefur ávallt haldið
fram sakleysi sínu, en
bíður nú aftöku.