Dagblaðið Vísir - DV - 11.07.2014, Blaðsíða 8
8 Fréttir Helgarblað 11.–14. júlí 2014
Eiginmaðurinn
enn þá í felum
n Fær engin svör frá yfirvöldum n Íslensk kona veit ekki hvert hún á að snúa sér
É
g er að vonast til þess að það
komi einhverjar jákvæðar fréttir
í þessari viku. Það þýðir ekkert
annað en að vera bjartsýn,“ seg-
ir Dagný Albertsdóttir í samtali
við DV. Eiginmaður hennar, Samu-
el Eboigbe Unuko frá Nígeríu, fer
nú huldu höfði í Malmö í Svíþjóð en
þangað var hann sendur af íslenskum
yfirvöldum síðastliðinn nóvember á
grundvelli Dyflinnar-reglugerðarinn-
ar. Þrátt fyrir að Dagný og Samuel hafi
gift sig í Svíþjóð í janúar hefur hann
ekki fengið leyfi til þess að snúa aftur
til Íslands.
Sænsk útlendingayfirvöld hafa gef-
ið það út að Samuel verði sendur aftur
til Nígeríu en þar óttast hann um ör-
yggi sitt. Að sögn Dagnýjar fer andlegri
og líkamlegri heilsu hans nú ört hrak-
andi en óvissan um framtíðina hefur
tekið mikið á hann. „Það er óskaplega
slítandi að vera í þessari stöðu,“ segir
Dagný sem hyggst heimsækja Samuel
í fimmta skiptið á þessu ári um miðjan
næsta mánuð. Frá því DV fjallaði fyrst
um málið í lok júní hefur hún engin
svör fengið, hvorki hjá Útlendinga-
stofnun né innanríkisráðuneytinu.
„Eina svarið sem ég fæ er á þá leið að
við verðum að bíða eftir næsta bréfi.“
„Útlendingastofnun hefur til með-
ferðar fyrstu umsókn mannsins um
dvalarleyfi á grundvelli hjúskapar,“
segir Kristín Völundardóttir, forstjóri
Útlendingastofnunar. „Hvað varðar
niðurstöðu í því máli þá er hennar að
vænta á næstu dögum.“
Fleiri í sömu stöðu
Mál Dagnýjar og Samuels svipar til
mála sem fjallað var um í fjölmiðl-
um í maí síðastliðnum. Hinn 12. maí
greindi DV frá því að lögreglumenn
frá embætti lögreglustjórans á höf-
uðborgarsvæðinu hefðu handtekið
Izekor Osazee frá Nígeríu, eiginkonu
Gísla Jóhanns Grétarssonar, þar sem
vísa ætti henni úr landi á grundvelli
Dyflinnar-reglugerðarinnar. Málið
vakti mikla athygli og í kjölfar háværra
mótmæla og fundarhalda í innan-
ríkisráðuneytinu var henni sleppt
úr haldi og ákvörðun um brottvísun
dregin til baka.
Kristín Völundardóttir, forstjóri
Útlendingastofnunar, sagði að fara
þyrfti yfir verkferla í málum þar sem
hælisleitendur væru giftir íslenskum
ríkisborgurum og því yrði ákvörðun í
máli Izekor frestað. Þá sagði hún mál-
ið fordæmalaust en svo var þó ekki.
DV hafði til að mynda greint frá því
nokkrum dögum fyrr, eða hinn 8. maí,
að Hassan Al Haj, eiginmanni Mar-
grétar Láru Jónasdóttur, hefði verið
vísað úr landi á grundvelli Dyflinn-
ar-reglugerðarinnar þrátt fyrir að þau
væru gift. Hassan var enn þá úti í Sví-
þjóð í lok júní og þá höfðu engin svör
fengist frá ráðuneyti eða Útlendinga-
stofnun varðandi það hvort honum
verði gert kleift að snúa aftur.
Vilja hærri framfærslu
Dagný og Samuel kynntust í Hjarta-
garðinum á fjölmenningardegi
Reykjavíkur sumarið 2012 en Samu-
el var handtekinn í nóvember á síð-
asta ári, færður í fangageymslur lög-
reglunnar og fluttur til Svíþjóðar í
fylgd tveggja lögreglumanna frá al-
þjóðadeild lögreglunnar. Þá var
honum gert að afhenda aleigu sína
ellegar skrifa undir skuldaviðurkenn-
ingu og skuldbinda sig þannig til þess
að greiða 197 þúsund krónur fyrir
flutning og fylgdarmenn. Hann valdi
síðari kostinn og er því í skuld við rík-
issjóð sem er ein af ástæðunum fyrir
því að hann á ekki afturkvæmt.
„Ég er svo ósátt við að þau ætli
að rukka okkur fyrir flutninginn úr
landi,“ segir Dagný og bendir á að
það sé hendingum háð hvort hæl-
isleitendur séu rukkaðir sérstak-
lega fyrir brottvísanir. Dagný segist
einnig hafa fengið þau skilaboð frá
starfsmanni Útlendingastofnunar að
hún þurfi að sýna fram á hærri fram-
færslu ef Samuel eigi að fá dvalar-
leyfi. Þetta þyki henni furðulegt enda
hafi hún þegar sýnt fram á framfær-
slu sem sé mun hærri en það lág-
mark sem tiltekið sé. „Þeir vilja að
ég sýni fram á hærri tekjur en það er
varla hægt,“ segir Dagný og bætir við
að hún sé búin að skila öllum þeim
pappírum sem beðið hafi verið um
og meira til.
Magasár og þunglyndi
Eins og fyrr segir fer andlegri og lík-
amlegri heilsu Samuels hrakandi.
„Hann er með risastóra exemflekki
á bakinu,“ segir Dagný en veikindin
gerðu fyrst vart um sig þegar Samuel
dvaldi í húsnæði hælisleitenda í Sví-
þjóð fyrir fjórum árum. „Það var svo
mikill sveppur í húsinu og þeir voru
að veikjast meira og minna. Þegar þeir
kvörtuðu fengu þeir bara sótthreinsi-
brúsa og áttu að sótthreinsa eitthvað
sjálfir. En þetta bara ágerðist og núna
segir læknirinn í Svíþjóð að veikindin
séu komin til að vera.“
Ofan á þetta bætist síðan að svo
virðist sem Samuel sé kominn með
magasár sem rekja má til streitu síð-
ustu mánaða. Dagný segist þó hafa
meiri áhyggjur af andlegu hliðinni.
„Hann er búinn að búa við mikla
óvissu í langan tíma og er einfald-
lega orðinn mjög þunglyndur.“ Dagný
hitti tvær íslenskar konur sem eru í
svipaðri stöðu og hún nýlega. „Það
var mjög fróðlegt að heyra þeirra
sögur. Manni heyrist að við séum all-
ar að mæta þessu sama viðhorfi hjá
Útlendingastofnun.“ n
„Hann er búinn
að búa við mikla
óvissu í langan tíma og er
einfaldlega orðinn mjög
þunglyndur
Jón Bjarki Magnússon
jonbjarki@dv.is
Aðskilin hjón Íslensk yfirvöld
virðast ætla að taka sér dágóðan
tíma í að skoða mál Samuels og
Dagnýjar en þau hafa verið meira
og minna aðskilin síðan í nóvember.
Mótmælt við ráðuneyti Málefni hælisleitenda hafa verið mikið í umræðunni síðustu mánuði
og oftar en ekki hafa mótmælendur safnast saman fyrir framan ráðuneytið. Mynd Sigtryggur Ari
tekinn frá eiginkonu Hassan Al Haj,
eiginmanni Margrétar Láru Jónasdóttur, var
vísað úr landi þrátt fyrir að þau væru gift.
Peningaþvottur
færist í aukana
Peningaþvættisskrifstofu ríkislög-
reglustjóra barst 491 tilkynning
frá tilkynningarskyldum aðilum
á síðasta ári og er það töluverð
fjölgun frá því árið 2012. Af þeim
voru 254 sendar lögregluemb-
ættum til þóknanlegrar með-
ferðar. Þetta kemur fram í árs-
skýrslu ríkislögreglustjóra fyrir
árið 2013 sem kom út í síðustu
viku. Í skýrslunni kemur fram að
tilkynningum og fyrirspurnum
til peningaþvættisskrifstofu frá
lögregluembættum hefur fjölg-
að talsvert og önnur þjónusta
skrifstofunnar við embættin hafi
jafnframt verið aukin. Samskipti
við erlendar peningaþvættisskrif-
stofur (Egmont Secure Web) hafi
einnig verið þónokkur á árinu.
Milljarða tap
álversins
Tap af rekstri álvers Rio Tinto Alc-
an í Straumsvík nam 31,8 millj-
ónum dollara, eða 3,6 milljörð-
um króna í fyrra. Viðskiptablaðið
greindi frá þessu á fimmtudag.
Þar kemur fram að árið 2012 hafi
tap álversins verið 15,4 milljónir
dollara, eða 1,8 milljarðar króna.
Samanlagt nemur tapið því
5,4 milljörðum á þessum tveim-
ur árum. Ólafur Teitur Guðna-
son, upplýsingafulltrúi Rio Tinto
Alcan á Íslandi, sagði þrennt vega
þyngst þegar kæmi að afkomu
fyrirtækisins; álverð, orkuverð og
afskriftir.
Hámarkshraði
lækkaður
Samkvæmt ákvörðun lögreglu-
stjórans á Vestfjörðum, að
fenginni tillögu Ísafjarðarbæj-
ar, mun leyfður hámarkshraði
á flestum götum þéttbýlis í Ísa-
fjarðarbæ verða 30 kílómetrar
á klukkustund í stað 35. Starfs-
menn Ísafjarðarbæjar munu
næstu daga skipta um umferð-
arskilti sem gefa til kynna breytt-
an hámarkshraða.
Lögreglan vill hvetja ökumenn
að virða hraðatakmarkanir. Vik-
mörk eru 3 kílómetrar þannig að
ökumenn sem aka yfir 33 kíló-
metra hraða, þar sem hámarks-
hraði er 30 kílómetrar, mega bú-
ast við að sektum verði beitt.