Dagblaðið Vísir - DV - 11.07.2014, Blaðsíða 26

26 Fréttir Erlent Helgarblað 11.–14. júlí 2014
Konan sem
er eKKi til
n Fangi í Ástralíu án fæðingarvottorðs n Fær ekki vinnu eða vegabréf
Þ
egar þú ert í rauninni
ekki til, þá ertu dæmd til
þess að lifa í fátækt,“ seg­
ir Charmaine Webster,
áströlsk kona sem hef­
ur barist fyrir því að tilvist hennar
sem ástralskur ríkisborgari verði
skráð. Fyrir mistök, að því er virð­
ist, á Webster ekkert fæðingarvott­
orð. Það veldur því að hún getur
ekki sótt um vegabréf, ökuskírteini
eða fasta vinnu, þar sem hún fær
þar með ekki ígildi kennitölu. Sam­
kvæmt öllum opinberum gögnum
er Charmaine Webster hreinlega
ekki til.
Veit hvenær
hún fæddist, en ekki hvar
Eflaust væru áströlskum yfirvöld­
um varla kunnugt um tilvist henn­
ar nema fyrir þær sakir að undan­
farin 20 ár hefur hún barist fyrir
því að verða skráð sem ástralskur
ríkisborgari og njóta þá þeirra
réttinda sem aðrir gera. Webster
er fertug. Hún telur sig vita hvaða
dag hún fæddist, en veit ekki hvar
hún fæddist, þótt hún telji það hafa
verið í Ástralíu. Frá því að hún man
eftir sér hefur hún búið í Queens­
land í Ástralíu. Hún fæddist, að því
að hún heldur, 19. febrúar 1974.
Foreldrar hennar voru ekki ástrík­
ir og voru óreglusamir. Webster
á fjögur eldri systkini, en systkin­
in segjast ekki muna eftir fæðingu
Websters og ein systir hennar man
bara eftir henni sem telpu en ekki
ungbarni. Systkinin fjögur eru þó
öll skráð skilmerkilega í ástralska
þjóðskrá og eiga fæðingarvottorð.
Málið er því allt hið dularfyllsta.
Sleit öllum tengslum
Þegar Webster komst til vits og ára
ákvað hún að slíta öllum tengslum
við foreldra sína. Hún segir þá hafa
verið ofbeldisfulla og taldi sig betur
setta án þeirra. Það var í raun fyrst
þá sem vandræði hennar hófust og
hún gerði sér grein fyrir alvarleika
málsins og hversu flókið það er að
vera „óskráður ríkisborgari“. Til­
raunir hennar til að fá frekari upp­
lýsingar frá foreldrum sínum nú á
seinni árum hafa engu skilað.
Fær hvorki vinnu né vegabréf
Segja má að Webster sé fangi að­
stæðna sinna. Hún hefur aldrei
ferðast út fyrir Ástralíu, hún getur
ekki fengið bílpróf eða ökuskírteini
og þar sem reglugerðir um atvinnu
eru strangar fær hún aldrei starf
sem talist gæti verið full vinna.
Ástæðan fyrir því síðarnefnda eru
strangar reglur og lög um innflytj­
endur og atvinnuleyfi í Ástralíu,
þeir atvinnurekendur sem leyfa
„óskráðu“ fólki að starfa hjá sér
gætu sætt þungum sektum. Þar
sem hún getur hvorki framvísað
vegabréfi né fæðingarvottorði geta
þeir einfaldlega ekki ráðið hana.
Gat gift sig
Það var svo árið 2000 sem Webster
ákvað að taka málin í sínar hendur
enda ætlaði hún að gifta sig. Hún
leitaði til opinberra stofnana sem
vísuðu henni á næstu stofnun og
þannig gekk það hring eftir hring.
Hún hafði samband við stofnanir
í öllum sex fylkjum Ástralíu en
enginn kannaðist við að geyma
fæðingarvottorð hennar, hvað þá
að þeir gætu staðfest tilvist henn­
ar. Hver stofnun vísaði á þá næstu.
Með smá krókaleið tókst henni
að fá giftingarvottorð, en það var
í gegnum kunningsskap sem það
tókst. Webster hélt áfram að grúska
í málinu án nokkurs árangurs.
Enginn virtist geta aðstoðað hana,
hvað þá að leysa málið.
„Ég trúði því statt og stöðugt
að næsta skref væri skrefið sem
leysti málið. Það leiddi til einhvers.
En vonbrigðin eru mikil. Maður
brotnar saman og þetta leiddi til
þess að ég varð mjög þunglynd,“
segir hún.
Árið 2007 ákvað hún að kannski
gæti hún fundið út úr þessu sjálf ef
hún færi í nám í opinberri stjórn­
sýslu og lögfræði. Hún fékk að skrá
sig í nám og er útskrifuð og nú sjö
árum síðar er hún enn engu nær.
Hringavitleysa
Háskólanámið leiddi þó til þess að
hún gat nýtt menntun sína til þess
að kalla eftir hinum ýmsu gögnum.
Þar kemur til dæmis fram að móð­
ir hennar skráði afmælisdaginn
hennar, 19. febrúar 1974, á opin­
beru skjali. Þá hefur hún fengið að­
gang að skólaskýrslum sem snúa
að barnæsku hennar, en þar virð­
ist enginn hafa gert sér grein fyrir
fæðingarvottorðsleysinu. Þau skjöl
sem hún hefur getað fengið hafa
þó litlu skilað, enda var hluti gagn­
anna, sem snúa þó öll að henni,
ritskoðaður og mikilvægar upplýs­
ingar teknar úr þeim. Þar á meðal
úr sjúkraskrá hennar.
Árið 2012 lagði dómsmálaráð­
herra í Queensland til að Web­
ster höfðaði mál og fengi þannig
fæðingardag sinn skráðan með
dómsúrskurði. Þjóðskrá hafnaði
þó þeirri beiðni, ekki væri hægt að
skrá Webster án þess að skrá upp­
lýsingar um það hvar hún væri
fædd. „Börnin mín njóta allra
réttinda sem fylgja því að vera ástr­
alskur ríkisborgari, en svo virðist
sem ég muni aldrei gera það.“
„Þeir senda mig stöðugt í ein­
hverja hringavitleysu,“ segir Web­
ster sem þó hefur ekki gefist upp.
Nú fer hún annan hring um ríkis­
stofnanir Ástralíu í leit að stað­
festingu á tilvist sinni og fæðingar­
stað. n
Ásta Sigrún Magnúsdóttir
astasigrun@dv.is „Þeir senda
mig stöð-
ugt í einhverja
hringavitleysu
Ekki til Mál
Webster er mikil
ráðgáta, en hún
segir það skerða
lífsgæði sín mjög
að hafa ekki
sömu réttindi og
aðrir ástralskir
ríkisborgarar.
Með þessu sé
hún dæmd í
fátækragildru.
Mynd nEwS.coM.au
Hundar þefa
uppi barnaklám
Bandarísku ríkin Rhode Island
og Connecticut hafa þjálfað leit­
arhunda sérstaklega til að þefa
uppi harða diska sem mögu­
lega gætu innihaldið barnaklám.
Providence Journal greinir frá
þessu. Mikill vöxtur er sagður
hafa verið á barnaklámshringj­
um í þessum ríkjum og er þjálfun
hundanna átak til að spyrna gegn
því. Að sögn dagblaðsins gátu
hundarnir fundið leynda harða
diska eftir tuttugu og tveggja
vikna þjálfun. Lögreglumenn
vestan hafs segja að algengt sé að
kynferðisbrotamenn feli harða
diska og því sé mikil þörf á sér­
staklega þjálfuðum hundum.
myrti
fjögur börn
Sex féllu í skotárás í Houston í
Texas á miðvikudagskvöld þegar
byssumaður hóf skothríð. Fjögur
börn eru látin og tveir fullorðn­
ir. Einn liggur alvarlega særður á
sjúkrahúsi. Maðurinn hóf skot­
hríðina inni í miðju úthverfi í
Houston, Spring­hverfinu, á mið­
vikudagskvöld. Um var að ræða
deilur milli fjölskyldumeðlima.
Árásarmaðurinn komst undan
í bifreið og eftir eltingarleik lög­
reglu í rúman hálftíma var mað­
urinn króaður af. Lögregla samdi
við hann um uppgjöf í kjölfarið
og var hann færður í varðhald.
Houston­búar eru afar slegnir
vegna málsins.
Barnaperri ekki
framseldur
Dómstóll í Glostrup í Danmörku
hefur hafnað beiðni yfirvalda
í Litháen um að danskur rík­
isborgari verði framseldur til
Litháens.
Maðurinn sem um ræðir star­
frækti fyrirtæki í Litháen en hann
var handtekinn síðasta sumar
vegna gruns um nauðgun. Við
húsleit á heimili hans í höfuð­
borginni Vilníus fannst efni sem
sýndi börn á kynferðislegan eða
klámfenginn hátt.
Maðurinn var í kjölfarið úr­
skurðaður í gæsluvarðhald en
var sleppt úr haldi áður en tókst
að dæma í málinu. Hann flúði til
Danmerkur þar sem hann hefur
haldið sig síðan. Í framsalsbeiðn­
inni kemur fram að maðurinn
þurfi einungis að svara til saka
fyrir vörsluna á níðefninu og því
virðist sem nauðgunarmálið hafi
verið látið niður falla.
Búist er við því að málinu
verði skotið til Hæstaréttar Dan­
merkur.