Dagblaðið Vísir - DV - 11.07.2014, Blaðsíða 25

Helgarblað 11.–14. júlí 2014 Fréttir Erlent 25
Skógarhögg ógnar
óþekktum ættbálki
n Fengu föt og mat hjá indíánum n Ólöglegt skógarhögg ógnar framtíð þeirra
B
rasilísk yfirvöld hafa greint
frá því að áður óþekktur ætt-
bálkur, sem hefst við í frum-
skógum Amazon í Perú,
hafi nýlega neyðst til að
flýja heimkynni sín. Ættbálkur, sem
aldrei áður hafði gert vart við sig,
flúði undan ólöglegu skógarhöggi og
hafði samband við samfélag indíána
í skóginum. Vitað hefur verið um til-
vist ættbálksins frá árinu 2011, en
þá náðist af þeim meðfylgjandi loft-
mynd.
Amazon-frumskógurinn í Suð-
ur-Ameríku þekur landsvæði sem
nemur 5,4 milljónum ferkílómetra.
Í þessum ógnarstóra skógi, sem er
að flatarmáli 52 sinnum stærri en
Ísland, lifa ættbálkar fólks sem hafa
engin samskipti við umheiminn.
Þegar utanaðkomandi reyna að hafa
samband við þessa ættbálka býður
það hættunni heim. Stundum óttast
ættbálkarnir óþekkt fólk og dæmi
eru um að til átaka komi. Þá eru líka
dæmi um að sjúkdómar, svo sem
umgangspestir, smitist á milli en
meðlimir ættbálkanna hafa engin
lyf til að bregðast við pestum. Pest
sem við hristum auðveldlega af okk-
ur getur grandað heilum ættbálki, í
versta falli. Því er um afar viðkvæm
og brothætt samfélög að ræða.
„Eitthvað mikið
virðist hafa gengið á“
José Carlos Meirelles vann í 20 ár fyr-
ir FUNAI-stofnunina á vegum yfir-
valda í Brasilíu og hafði það hlutverk
að verja og standa vörð um réttindi
ættbálka. Hann segir í samtali við
Survival International að ástandið
virðist vera slæmt, þar sem þetta ku
vera í fyrsta sinn í 30 ár sem vitað er
til þess að einangraður ættbálkur
hafi að fyrra bragði haft samband við
umheiminn. „Eitthvað mikið virðist
hafa gengið á. Það er mjög óvenju-
legt að svona stór hópur innfæddra
frumbyggja geri vart við sig með
þessum hætti. Þetta er áhyggjuefni
og við vitum ekki hvað veldur.“
Faraldur gæti grandað þeim
Samkvæmt frétt á vef iflscience.com
hefur þokkalega farið á með hóp-
unum. Í fyrstu hafi þeir sem voru á
flótta stolið mat og pottum frá As-
háninka-indíánunum, en á endan-
um hafi hóparnir hist og átt sam-
skipti. Ekki hafi komið til átaka
heldur hafi indíánarnir útvegað
flóttamönnunum mat og klæði.
Talið er þó að hópurinn sé í mikilli
hættu þar sem hann hafi aldrei kom-
ist í kynni við umgangspestir á borð
við kvef eða inflúensu. Faraldur gæti
grandað þeim. Það gerðist til dæm-
is þegar kristnir trúboðar heimsóttu
Zo‘e-ættbálkinn í Amazon á níunda
áratugnum. Fjórðungur ættbálks-
ins lést úr pestum á næstu sex árum.
FUNAI setti upp litla læknastofu í
nágrenni við ættbálkinn þegar ljóst
var í hvað stefndi og tókst að koma í
veg fyrir frekari dauðsföll.
Perú og Brasilía vinni saman
Landflæmið sem um ræðir er af
slíkri stærðargráðu að ómögu-
legt er að fylgjast með ólöglegu
skógarhöggi. Þótt löggæslu sé
haldið uppi eru fíkniefnasmyglar-
ar og ólöglegir skógarhöggsmenn
vandamál sem lögreglan hef-
ur engan mannafla – og hvað þá
vopn – til að sporna við. Tekkviður
er eftirsóttur svo og mahoní-viður,
sem notaður er til húsgagnafram-
leiðslu. Fram kemur að vandamál-
ið sé líka erfitt vegna þess að virða
þurfi rétt frumbyggjanna til að fá
að vera afskiptir. Vernda þurfi bú-
svæði þeirra án þess að hafa sam-
band við þá – að öðrum kosti deyi
þeir út. Samskipti á milli yfirvalda
í Brasilíu og Perú hafi ekki geng-
ið smurt. Stephen Corry, stjórn-
andi Survival International, hefur
sagt að úr því verði að bæta. Fyrir
þessum ættbálkum séu landamæri
ekki til. Dæmi séu um að ættbálk-
um sem þessum hafi verið útrýmt
þegar landsvæði þeirra séu nýtt.
„Ríkisstjórnir beggja landa verða að
bregðast við þessu – ef ættbálkarnir
eiga að geta þrifist áfram.“ n
„Ríkisstjórnir beggja
landa verða að
bregðast við þessu – ef
ættbálkarnir eiga að geta
þrifist áfram.“
Baldur Guðmundsson
baldur@dv.is
Loftmyndin
Þessi mynd náðist
af fólkinu 2011.
Annar ættbálkur
Talið er að um 100
ættbálkar, sem aldrei
hafa aðra hitt, hafist
við í heiminum. Um
helmingur þeirra er í
Amazon. Mynd REutERs
Leikskóla-
kennari hafður
fyrir rangri sök
Tvítugur Dani, sem starfaði á
leikskóla í New York-borg og
handtekinn og færður í gæslu-
varðhald vegna ásakana um
barnaníð, hefur nú verið látinn
laus. Í ljós hefur komið að mað-
urinn var hafður fyrir rangri sök.
Maðurinn var sakaður um gróft
og ítrekað ofbeldi gegn 13 börn-
um í hans umsjá.
Það var fyrrverandi samstarfs-
maður hans sem kom ásökunum
á framfæri við lögreglu. Sagði sá
að danski maðurinn hefði neytt
börnin til þess að strjúka kynfæri
hans. Maðurinn var í kjölfarið
handtekinn og færður í varðhald.
Hann bað um að fá að vera í ein-
angrun í fangelsinu þar sem hann
var dauðhræddur við aðra fanga.
Lögregla hefur nú staðfest að
ungi maðurinn var hafður fyrir
rangri sök. Hann sat þó áfram í
gæsluvarðhaldi í nokkurn tíma
eftir að það kom í ljós. Hann mun
nú vera á leið til Danmerkur aftur
þar sem hann vonast til að geta
hreinsað nafn sitt endanlega.
Betra seint
en aldrei
Kona ein sem starfaði sem bar-
þjónn á bar einum í Nebraska
í Bandaríkjunum skilaði tvö
hundruð dollurum sem hún stal
við vinnu þar. Málið þykir hið
einkennilegasta enda eru liðin
fimmtán ár síðan hún starfaði á
barnum. Í frétt ABC News kem-
ur fram að eigendur barsins,
hjónin Pamela Hedges og Gibbs
Hedges, hefðu fengið handskrif-
að bréf sent með pósti frá starfs-
manninum fyrrverandi. „Ég vann
fyrir ykkur árin 1999 og 2000. Ég
var ekki bara slæmur starfskraft-
ur því ég stal líka meðan ég vann
fyrir ykkur,“ sagði í bréfinu. Með
því fylgdu 200 dollarar sem hún
sagðist hafa stolið.
Stofnaði lífi sonar í hættu
n Barnið skrópaði í kirkju n Gæti átt yfir höfði sér sex mánaða fangelsi
J
effrey K. Williamson, 31 árs
karlmaður í bænum Blanche-
ster í Ohio-ríki í Bandaríkjun-
um, fór fyrir dóm á fimmtudag,
ákærður fyrir að hafa stofnað
lífi sonar síns í hættu en sá skrópaði
í kirkju á dögunum. Williamson hélt
að Justin, átta ára sonur hans, hefði
farið ásamt fjórum systkinum sínum
með rútu til Woodville-baptistakirkj-
unnar. Drengurinn ákvað hins vegar
að sleppa messu að þessu sinni og
fór þess í stað að leika sér.
Afgreiðslumaður í verslun nálægt
heimili fjölskyldunnar kom auga á
drenginn og tilkynnti til lögreglu þar
sem hann var augljóslega ekki í fylgd
fullorðinna. Lögreglan kom á vett-
vang og keyrði Justin heim, en hann
býr fjórum götum neðar.
„Williamson sagði rútuna frá
Woodville-baptistakirkjunni hafa
numið staðar við heimilið um klukk-
an 6.15 og gerði hann ráð fyrir að
drengurinn hefði farið ásamt systk-
inum sínum um borð í rútuna,“
sagði Scott Reinbolt, lögreglustjóri
í Blanchester, í samtali við Wilm-
ington News Journal. „Aðspurður
hvort hann hefði horft á eftir börn-
unum fara um borð í rútuna, sagði
Williamson að hann hafði ekki gert
það.“
Í viðtali við fréttastöðina WCPO
í síðustu viku sagði Jeffrey lögreglu
hafa komið heim með Justin á sama
tíma og fjögur systkini hans komu
til baka úr kirkjunni – rétt í tæka
tíð til að sjá föður þeirra handtek-
inn. „Börnin mín fóru að hágráta og
veltu fyrir sér hvers vegna væri ver-
ið að taka mig fastan,“ sagði Jeffrey
enn fremur í viðtalinu. Jeffrey átti að
mæta fyrir dóm í gær, fimmtudaginn
10. júlí, en honum var gefið að sök
að hafa stofnað lífi barns í hættu.
Verði hann fundinn sekur gæti hann
átt yfir höfði sér allt að sex mánaða
fangelsisvist. n aslaug@dv.is
Jeffrey ásamt syni sínum Talinn hafa
stofnað lífi sonar síns í hættu.