Dagblaðið Vísir - DV - 11.07.2014, Blaðsíða 10
Helgarblað 11.–14. júlí 201410 Fréttir
Flestir vilja rögnu á Bessastaði
n Þessa vildu álitsgjafar DV sjá í forsetaframboði árið 2016
Í
kjölfar frétta þess efnis að Ólafur Ragnar Grímsson,
forseti Íslands, muni ekki sækjast eftir endurkjöri í
forsetakosningunum árið 2016 hafa ýmsir velt fyrir sér
hver verði eftirmaður hans á Bessastöðum. DV leitaði
til málsmetandi álitsgjafa og spurði hverja þeir vildu
sjá sem forsetaframbjóðendur 2016. Ragna Árnadóttir,
aðstoðarforstjóri Landsvirkjunar og fyrrverandi dóms-
málaráðherra, fékk langflest atkvæði og ljóst að flest-
ir myndu vilja sjá hana í framboði. Jón Gnarr, skemmti-
kraftur og fyrrverandi borgarstjóri, fékk næstflest atkvæði.
Aðrir sem skoruðu hátt voru Þóra Arnórsdóttir fjölmiðla-
kona, Bogi Ágústsson fréttamaður og Katrín Jakobsdóttir,
þingmaður og formaður Vinstri grænna. aslaug@dv.is
Elliði Vignisson
bæjarstjóri í Vestmannaeyjum
„Hann nær fólki með sér, kemur
vel fram í viðtölum og virðist
vera óvitlaus. Þá er hann einnig
frambærilegur og með mikla
útgeislun. Hann er rökfastur og er
ekki ragur við að taka slaginn þegar
tilefni er til.“
Þorgerður Katrín Gunnarsdóttir
fyrrverandi ráðherra og þingmaður
„Þorgerður er klár, falleg, skemmtileg og þjóðleg.
Þorgerður kemur einstaklega vel fyrir, heillar flesta
og er vel að sér á öllum sviðum, menningu, listum,
íþróttum og pólitík. Þorgerður væri flottur forseti.“
Þórhildur Þorleifsdóttir
leikstjóri og fyrrverandi þingmaður
„Kvennalistakanóna, leik-
húsmógúll og magnaður
brautryðjandi sem myndi
sóma sér vel sem forseti
lýðveldisins. Þórhildur hefur
munninn fyrir
neðan nefið, er
mikil réttinda-
manneskja og
gæti hrist duglega upp í staðal-
myndum embættisins. Arnar
Jónsson myndi líka vera svo
frambærilegur forsetaherra.“
Kristín Jóhannesdóttir
kvikmyndagerðarkona og brautryðjandi
„Kristín er mikil kvenréttindakona
og myndi sóma sér vel sem
þjóðarleiðtogi. Sjónarhorn
Kristínar á veröldina er
einstakt og mér er sérstak-
lega minnisstæð þakkar-
ræða Kristínar þegar hún tók
á móti heiðursverðlaunum
akademíunnar 2013 fyrir starf sitt
í þágu kvikmynda. „Þjóðfélag verður
aldrei heilt með karlagildi ein í öndvegi,“ sagði Kristín
meðal annars. Flott kona!“
Árni Sigfússon
fyrrv. bæjarstjóri Reykjanesbæjar
„Árni og Bryndís væru flott
á Bessastöðum. Þau koma
einstaklega vel fyrir, eru
bæði klár og kunna sig bæði
afskaplega vel, sem hentar
jú þessu embætti vel.“
Herdís Þorgeirsdóttir
lögmaður á sviði mannréttinda
„Hún var í framboði síðast,
en mörg atkvæði sem hún
hefði annars fengið lentu
hjá Þóru þegar ljóst var að
baráttan yrði á milli Þóru og
Ólafs. Persónulega fannst
mér hún langframbærilegasti
kosturinn í þeim kosningum
þótt hún hafi fengið fá atkvæði í
það sinn.“
2. Jón Gnarr
n „Jón Gnarr væri auðvitað draumurinn eftir ævintýralega gott kjörtímabil í
borgarstjórastólnum.“
n „Hann nýtur lýðhylli og er með skemmtilegri stjórnmálamönnum. Hann
hefur með róttækum hætti breytt orðræðu, menningu og siðferði stjórnmál-
anna á Íslandi. Það yrði samfélaginu hollt að fá slíkan mann í embætti sem
er á tíðum svo þjakað af eigin hátíðleika og tilgerð að það hálfa væri nóg.“
n „Þeir sem þekkja hann og hafa unnið með honum bera honum óvenjulega
góða sögu og dá hann fyrir einstaklega heiðarlega og hreinskilna, blátt áfram
og mannlega framkomu auk þess sem hann smitar alla í kringum sig með
glettni sinni og hlýju og því að taka sjálfan sig ekki of alvarlega heldur koma
til dyranna eins og hann er klæddur, viðurkenna veikleika sína og reyna að
gera sitt besta. Mjög mörgu fólki þykir einfaldlega afar vænt um Jón og eigin-
leikar og kostir hans eru fágætir meðal stjórnmálamanna og leiðtoga og má
færa fyrir því rök að full þörf sé á mönnum eins og honum til að sinna slíkum
störfum.“
n „Jón Gnarr væri fínn forseti. Jafnvel þótt ég hafi ekki kosið hann sem borg-
arstjóra þá held ég að forsetaembættið myndi henta honum vel. Jón og Jóga
yrðu vinsæl, friðelskandi og fyndin forsetahjón. Hitt er svo annað mál að ég
er viss um að hann hefur ekki nokkurn áhuga á að verða forseti.“
1. Ragna Árnadóttir
n „Ragna var traustur embættismaður í ráðuneyti
Björns Bjarnasonar. Sömuleiðis var hún góður ópóli-
tískur ráðherra í vinstri stjórninni sem tók við eftir
hrun. Ólíkt mörgum sem stíga inn á hið pólitíska svið
hefur hún fótað sig vel eftir að hafa yfirgefið það, bæði
með starfi í frjálsum félagasamtökum og í einkageiran-
um. Hún er heillandi í mannlegum samskiptum, örugg
í fasi og vön að koma fram. Hún yrði góður forseti fyrir
þjóðina og góður fulltrúi hennar á alþjóðavettvangi.“
n „Ótrúlega flott kona, klár og veit sínu viti. Svo er hún
algjör töffari. Það þarf einhverja alvöru konu á Bessa-
staði sem verður landi og þjóð til sóma. Ég held að
Ragna sé alveg tilvalin í þetta verkefni.“
n „Eldklár, skemmtileg og kemur vel fyrir. Hún er
húmoristi mikill, fáguð og flott. Hún myndi verða landi
og þjóð til sóma.“
n „Sá hana einu sinni spóka sig í sólinni á Skólavörðu-
stígnum með hipstertannlækninum, manninum sín-
um, og þau litu út eins og þau væru í indíhljómsveit.
Væru flott í Álftaneslauginni.“
Þessi voru einnig nefnd