Húnavaka - 01.05.2015, Síða 26

H Ú N A V A K A 24
auðveldara með að koma
upp ungum. Hann hófst
þegar handa við að búa til
skjól fyrir fuglinn og ásamt
Rögnvaldi syni sínum,
þegar hann komst á legg,
hugsuðu þeir um varpið af
mikilli gætni og natni.
Fljótlega lærðu þeir
hvernig best væri að laða
fuglana til sín og tókust
svo á við tófuna en hún
má ekki koma nálægt
hreiðrunum.
Æðarvarp verður til
þegar útbúin eru hreiður
fyrir kollurnar, þau
gjarnan skreytt og svo þarf að verja svæðin fyrir tófu og mink. Það hefur
ýmislegt verið prófað til að hafa í kringum kollurnar en það sem hefur reynst
best hér er bara einfalt skjól í kringum hreiðrin með því að smíða grind með
þremur hliðum og svo opið fram úr. Það er síðan útbúin smá hola og grindin
sett í kringum þannig að skjól myndast fyrir norðanáttinni og síðan er hey sett
í hreiðurstæðið. Kollan liggur á í þrjár vikur og tekur enga fæðu á meðan.
Frá upphafi hefur dúnninn verið hreinsaður á Hrauni, það kunni amma
Steina því hún hafði verið við dúnvinnslu í Höfnum hér skammt frá en þar var
byrjað miklu fyrr með æðar varp. Þegar fram liðu stundir var hægt að vélvæða
nokkuð vinnsl una. Ef vel tekst til
með þurrkunina á dúninum ná
vélarnar að hreinsa miklu betur og
þá er minna að gera með höndum.
Það þarf alltaf að fara yfir allan
dúninn í lokin með höndum til að
tryggja að ekkert fari með sem þar
á ekki að vera. Það er mikil vinna
við allan ferilinn allt frá sjálfri
dúntekjunni og þar til allt er
fullfrágengið. Segja má að það sé
þumalputtaregla að það taki átta
stunda vinnudag að handtína eitt kíló af dún en það er síðasta ferlið í
hreinsuninni.
Varpið hér hefur algjörlega orðið til af mannavöldum og hefur alltaf
verið heldur vaxandi, þó svo að áföll hafi komið. Tengdapabbi sagði mér
að á hafísárunum hafi varpið, sem venjulega var um 40 kíló, farið niður í
14 kíló. Þannig hefur náttúran stundum mikil áhrif. Það má segja að á
þessum 25 árum sem ég hef fylgst með varpinu hafi það aukist um 15-20
Dúnninn handtíndur. Það er síðasti þátturinn í
hreinsuninni en sannarlega mest vinnukrefjandi. Hér er
líka gott að eiga góða að. Vinaparið, Erik og
Annie, leggur sitt af mörkum.
Dúnsængur tilbúnar í sölu.