Húnavaka - 01.05.2015, Page 126
H Ú N A V A K A 124
dag. Hrútshornin og ærhornin eru eftir-
sóttust hjá börnunum en þau fylla líka poka
með lambahornum og fara með heim í
búin sín.
Þarna voru Kiddi Júll og Sófus í Skrapa-
tungu mörg haust, síðar kom Kristján á
Höskuldsstöðum og trillaði gorinu í hjól-
börum niður fyrir fjörukambinn. Það urðu
margar ferðirnar og Húnaflóinn tekur lengi
við.
Olli á Hjaltabakka, sá listaskrifari og
hagyrðingur, og Kristófer í Köldukinn,
tónviss og taktfastur, eru að störfum. Þeir
taka við snyrtum innmatnum, vigta hann,
skrá og raða í blikkdósir, merktum SÍS, og
senda Bretum svo þeir fái nýrnastöppuna
sína til hádegisverðar. Jón Karlson er líka
við skriftir og skrásetningar, það er engin
hætta á að þar sé ranglega fært til bókar.
Á leið sinni í gæruhúsið og saltið þarf að
breiða volgar gærurnar til þerris og kæl-
ingar úti á grindum og stömpum. Nonni
Sumarliða og Eiríkur, hennar Vigdísar
kennara, sjá um það og hafa með sér
unglinga til verka. Í salthúsinu ríkir gleði
hjá gærukörlunum og eru þar nefndir til
sögunnar Skafti í Hnjúkahlíð, Raggi Sum-
ar liða, Jósef Indriða og vissulega koma enn
fleiri glaðlyndir sveinar þar við sögu.
Þetta er vinalegur vinnustaður og þar
líta margir inn, sér til upplífgunar. Budda
Páls stóð og þvoði skrokkana í sláturhúsinu
í 25 ár, þá fannst henni komið nóg. Þarna
þvoðu líka, meðal annarra kvenna, Guðrún
Blöndal á Blöndubakka og tvíburasysturnar
á Balaskarði, þær Gilla og Elsa.
Að þvotti loknum er hreinum og volgum
skrokkunum rennt inn í kælisal kjöthússins
þar sem kjötið er látið hanga áður en rist er
framúr. Það verk felst í því að rista niður í
gegnum bringubeinið, niður að strjúpa.
Þetta mikilvæga verk önnuðust gjarnan
unglingspiltar og þar komu t.d. við sögu
þeir Unnar ritnefndarmaður og Friðrik
frændi hans sem flutti suður og á eftir þeim
Kristján Júlíusson
(d. 1986)
Sófus Guðmundsson
(d. 1991)
Þorvaldur Þórarinsson
(d. 1981)
Jón Karlsson
(d. 1997)
Jón Sumarliðason
(d. 1986)
Eiríkur Halldórsson
(d. 1971)
Skafti Kristófersson
(d. 2001)
Rögnvaldur Sumarliðason
(d. 1985)
Jósef Indriðason
(d. 1991)
Magnús Jóhannsson
(d. 1958)