Húnavaka - 01.05.2015, Blaðsíða 146
H Ú N A V A K A 144
móðir mín og ég, hún varð 80 ára í haust og má
heita furðu ern, hún er í tölu þeirra sem heldur
sér furðu vel, þrátt fyrir mikinn þrældóm um
dagana.
Heldur uni ég orðið einlífinu illa og má víst
sjálfum mér um það kenna. Þetta ráðskonuhald
er þreytandi til lengdar, ekki síst gæti ég trúað er
maður kemst á hin efri ár.
Hér logar allt í framförum, þorpið mitt,
Skagaströnd, var sannkallaður gullnámubær í
sumar, fjöldi manna hvaðanæva af landinu sótti
atvinnu í þennan kaupstað, hefur nú verið varið
ca 14 milljón á 2 árum, síldarverksmiðja,
hafnargerð, frystihús. Fólk hefur líka flutt hingað,
aðallega er það frá Hrísey og Eyjafirði, þar mun
útvegurinn farinn að dragast saman. Þú hefur
auðvitað séð „modelið“ af nýju borginni á
sjávarútvegssýningunni.
Þinn frændi, Pétur.
Það er sem fjandinn hafi skellt á skeið undanfarna daga
Tveimur árum seinna ræðir sr. Pétur m.a. um veðurfarið, giftingar, mannlífið á Ströndinni
og afmæli.
Höskuldsstöðum 18/12 1948.
Góð frændkona.
Ég tek mig nú til í þessum hríðarham að skrifa þér. Það er sem fjandinn hafi
skellt á skeið undanfarna daga, stórhríð með frosti og fönn. Tíðin hefur annars
verið góð, utan 1. desember, þá gerði voðaveður, ég var hríðartepptur á Skaga-
strönd, var að pússa saman hjón og skíra þar um leið. Það fylgir oft hjóna-
bönd um hjá oss. Þetta eru 7. hjónin sem ég gifti á þessu ári, það er mesta
veltan í þessu í mínum prestsskap.
Ógiftur er ég þrátt fyrir þetta fjör í fólkinu og er ég nú ekki síður velkominn
í Kvennaskólann en áður, þar sem frændkona mín er forstöðukona. En ég
kemst heldur lítið því nú búum við tvö ein saman, móðir mín og ég, svo nóg
er að gjöra hjá mér. En ég er bara þess duglegri og er þetta þó neyðarbrauð.
Hér gengur lífið sama gang, fólkinu fjölgar með fæðingum og aðfluttu fólki
svo Höfðakaupstaður er nú 500 manns. Það er að verða aðalkauptún Húna-
þings. Ég vildi ég væri sestur þar að í góðu húsi með skynsama konu.
Þó síldin hafi brugðist okkur hefur bátum hér fjölgað sem færir mönnum
aukna atvinnu, bæði konum og körlum. Til okkar flyst einkum fólk af Strönd-
um og Drangsnesi. Til okkar kom meðal annars ágætur formaður með skip sitt
og fjölskyldu, við sátum saman brúðkaup, ég og formaðurinn í haust. Nokkru
síðar fór hann á sjó með sonum sínum og fleirum, hann tók út, svo synir hans
Sr. Pétur og Guðrún Pétursdóttir,
móðir hans.