Húnavaka - 01.05.2015, Page 165
H Ú N A V A K A 163
Mannalát
Gunda Cecelie Jóhannsdóttir
frá Skagaströnd
Fædd 25. janúar 1928 – Dáin 9. nóvember 2013
Gunda var fædd í Gratangen í Norður-Noregi. Foreldrar hennar voru hjónin
Cora Sofie Baldvinsen (1904-1986) og Jóhann Daníel Baldvinsson (1903-
1990) sem var fæddur og uppalinn á Ólafsfirði en fór kornungur til sjós til
Noregs. Jóhann upplifði ýmis ævintýri í svaðil-
förum í norðurhöfum, m.a. við selveiðar og í
Noregi kynntist hann Coru Sofie Paulsen sem
varð eiginkona hans og tók upp eftirnafnið
Baldvinsen.
Gunda var elst átta systkina en þau eru í
aldursröð: Paul, f. 1929, Sigmund (1931-2012),
Anne, f. 1933, Kristine Elfride, f. 1936, Oddný, f.
1939 og Thorleif, f. 1945.
Foreldrar Gundu fluttu til Íslands þegar hún
var átta ára gömul. Þá tók hún strax miklu ást-
fóstri við landið og ekki síst Akureyri þar sem
henni þótti alltaf gott að vera. Hún gekk í Barna-
skóla Akureyrar en fjölskyldan flutti að Svalbarði
við Eyjafjörð og var Gunda fermd í gömlu Svalbarðskirkjunni. Hún fór svo
sem unglingur í vist á Rifkelsstaði í Eyjafjarðarsveit og líkaði vel þar.
Árið 1943 flutti fjölskyldan til Skagastrandar. Þar kynntist Gunda lífsförunaut
sínum, Þórarni Hafsteini Björnssyni og gengu þau í hjónaband 28. maí 1950.
Gunda og Þórarinn eignuðust þrjú börn: Jóhann Björn, f. 1947, kvæntur
Sigríði Ólafsdóttur og eiga þau þrjár dætur, Edda Björk, f. 1953, gift Jörundi
Helga Þorgeirssyni og eiga þau þrjá syni og Vilhelm Þór, f. 1957, kvæntur
Vigdísi Heiðrúnu Viggósdóttur og þau eiga þrjú börn.
Gunda og Þórarinn ólu börn sín upp á Skagaströnd þar sem þau nutu
mikils frjálsræðis þótt aðhaldið leyndist auðvitað í vökulum augum hins litla
samfélags þar sem allt þorpið tekur þátt í að ala upp hvert einasta barn, með
einum eða öðrum hætti.