Húnavaka - 01.05.2015, Page 168
H Ú N A V A K A 166
bændur þar og naut æskunnar í þessum fallega dal, umvafinn ást og umhyggju
enda hélt hann alla tíð ástfóstri við dalinn og íbúa hans.
Þegar foreldrar hans seldu jörðina, slitu samvistum og fluttu suður, hélt
Elsa, móðir hans, eftir skika fyrir sig og fjölskyldu sína á Flögu, reisti þar lítinn
bústað og stundaði trjárækt ásamt systur sinni, Olgu. Þar átti Magnús unaðs-
reit með móður sinni og fjölskyldu.
Magnús naut almennrar menntunar þess tíma,
gekk í farskóla Áshrepps og tvo vetur í Hlíðar-
dalsskóla. Síðar lauk hann sveinsprófi í húsgagna-
smíði frá Iðnskólanum í Reykjavík 1966. Magnús
var listasmiður og hannaði meðal annars húsgögn
og innréttingar. Einnig starfaði hann um tíma
sem bankastarfsmaður og nú síðast var hann hús-
vörður fyrir þjónustuíbúðir aldraðra á Dalbraut.
Magnús veiktist af alvarlegum sjúkdómi á
miðju ári 2013 og stóð dauðastríð hans stutt.
Hann lést á líknardeild Landspítalans.
Magnús var tryggur vinum og vandamönnum
og til marks um það notaði hann ólifaða mánuði
til að hringja til vina og vandamanna til að kveðja, þakka fyrir góð viðkynni
og biðja fyrir kveðjur til þeirra sem hann ekki náði í.
Eftirlifandi eiginkona Magnúsar er Hallfríður Skúladóttir, f. 1945 og
eignuðust þau tvær dætur sem voru: Margrét (1967-2008), hún eignaðist tvo
syni. Elsa Lyng, f. 1973, gift Stefáni Torfa Höskuldssyni og eiga þau tvö börn.
Útför Magnúsar var gerð frá Laugarneskirkju 11. mars og jarðsett var í
Gufunes kirkjugarði.
Guðlaug M. Jónsdóttir.
Guðrún Jósefína Jónsdóttir,
Hnjúki
Fædd 17. janúar 1916 – Dáin 30. mars 2014
Guðrún var fædd á Hólmavík á Ströndum. Foreldrar hennar voru Steinunn
Jósefsdóttir (1886-1977) frá Miðhópi í Víðidal og Jón Óli Hallgrímsson (1891-
1967) frá Hnjúki í Vatnsdal. Fyrstu fjögur árin átti Guðrún heima á Hólmavík
en þar var móðir hennar við störf sem kennari. Þær mæðgur fluttu síðan að
Hnjúki þá er þau Steinunn og Jón tóku við búi þar af foreldrum Jóns. Guðrún
var einkabarn þeirra hjóna á Hnjúki og ólst þar upp með foreldrum sínum og
föðurömmu sinni, Þorbjörgu.
Eftir barnaskólanám fór Guðrún, eða Nunna eins og hún var gjarnan köll-
uð, í Kvennaskólann á Blönduósi. Eftir námið í Kvennaskólanum vann
Guðrún heima á sumrin hjá foreldrum sínum á Hnjúki en á veturna var hún
í Reykja vík við ýmis störf. Hún og Sigurður Magnússon (1915-2000) frá