Húnavaka - 01.05.2015, Side 203

201H Ú N A V A K A
byggja í kringum þessa skemmtilegu
hefð á komandi árum og vonandi eiga
mótin hjá okkur eftir að verða
einskonar fjölskylduhátíð líkt og mörg
mót í nágrannalöndum okkar.
Árangur.
Árangur keppenda okkar á síðasta
tímabili var mjög góður. Snjólaug M.
Jónsdóttir keppti á tíu mótum. Hún
vann bikarmeistaratitil kvenna annað
árið í röð með fullt hús stiga, jafnaði
Íslandsmet sitt tvígang og bætti það
svo á landsmóti á Húsavík. Hún vann
einnig kvennamótið „Skyttan“ í
september og var valin í úrtakshóp
STÍ fyrir Smáþjóðaleikana 2015.
Snjólaug átti fimm hæstu skor
sumarsins í kvennaflokki og var
langefst á „stigalista“ kvenna hjá
Skotíþróttasambandi Íslands eftir
tímabilið.
Guðmann Jónasson keppti á tíu
mótum. Hann vann landsmótið á
Akureyri í júlí, varð í fimmta sæti á
Íslandsmeistaramótinu og í öðru sæti
á Norðurlandsmeistaramótinu á
Akureyri. Þá varð hann í fjórða sæti í
stigakeppni til bikarmeistara STÍ.
Guðmann hafnaði í sjöunda sæti á
„stigalista“ karla eftir tímabilið.
Sverrir Snær Ingimarsson keppti á
fjórum mótum og stóð sig vel, hann
varð Íslandsmeistari í byrjendaflokki á
Íslandsmótinu í júlí. Sverrir hafnaði í
tuttugasta og fjórða sæti „stigalista“
karla eftir tímabilið.
Jóna P. T. Jakobsdóttir vann nýliða-
flokkinn á kvennamótinu „Skyttan“.
Jóna æfði vel á síðasta ári og á fram-
tíðina fyrir sér í skotfiminni.
Brynjar Þór Guðmundsson keppti
á fimm mótum og stóð sig vel. Hann
hafnaði í átjánda sæti „stigalista“ karla
eftir tímabilið.
Vonandi mun félagið eiga enn fleiri
keppendur á komandi tímabili, ljóst
er að efniviðurinn er til staðar, hvort
heldur sem er í unglinga- eða
öldungaflokkum.
Guðmann Jónasson.
ÍÞRÓTTAMIÐSTÖÐIN
Á BLÖNDUÓSI.
Aðsóknin í Íþróttamiðstöðina var
svipuð og undanfarin ár eða um
75.000 manns. Frá 15.-28. febrúar
buðum við börnum að 18 ára aldri
frítt í sund. Með þessu vildum við
hvetja börnin okkar til að koma oftar
í sund og nýta sér betur þessa frábæru
sundlaug sem við höfum. Við báðum
foreldra að taka þátt með því að mæta
með þeim eða hvetja þau til að iðka
sund reglulega. Þetta gekk mjög vel,
aðsókn var mjög góð þetta tímabil og
allir ánægðir með átakið.
Samhliða sundátakinu var 7.-10.
bekk Blönduskóla boðið í diskósund
föstudaginn 21. febrúar í samstarfi við
félagsmiðstöðina Skjólið. Plötusnúður
var á staðnum og krökkunum boðið
upp á gosdrykki og nasl á sundlaugar-
svæðinu. Foreldrar og börn á Blöndu-
ósi tóku vel í sundátakið okkar og jókst
aðsókn barna um 78% ef borið er
saman við aðsóknartölur í janúar. Ef
miðað er við febrúar árið á undan var
aukning aðsóknar 33%. Foreldrafélag
leikskólans Barnabæjar stóð fyrir
íþróttatímum á laugardögum fyrir
leikskólabörnin. Þetta var skemmtileg
stund sem foreldrar og börn áttu
saman í íþróttahúsinu.
Laugardaginn 22. febrúar voru
úrslit hér á Blönduósi hjá 4. fl. í
innanhússknattspyrnu. Fimm lið tóku
þátt í úrslitum og margir áhorfendur
mættu til að hvetja sitt lið áfram.