Húnavaka - 01.05.2015, Qupperneq 204

H Ú N A V A K A 202
Við opnuðum vaðlaugina okkar
aðeins fyrr á árinu vegna góðrar að-
sóknar heimamanna eða um miðjan
mars en venjulega opnar hún um
miðj an apríl. Einnig voru renni braut-
irnar opnaðar fyrr eða í lok mars.
Þann 26. mars tókum við í notkun
nýja róðrarvél í þreksalnum. Við-
skipta vinir okkar hafa tekið vel í þessa
skemmtilegu viðbót í flotta þreksalinn
okkar. Róðrarvélin er af gerðinni
Concept 2 sem er mest selda róðrarvél
í heiminum í dag.
Sumaropnun hófst sem fyrr 1. júní
og stóð til 20. ágúst. Kvennahlaupið
var 14. júní og var hlaupið frá Íþrótta-
miðstöðinni og fengu þátttakendur
frítt í sund í boði Blönduóssbæjar að
loknu hlaupi. Smábæjaleikarnir voru
á sínum stað í júní í ágætis veðri og
var aðsókn stórkostleg eins og árin á
undan. Danski sirkusinn Cirkus
Baldoni heimsótti Blönduós sunnu-
daginn 31. ágúst og var með sýningu í
íþróttahúsinu. Cirkus Baldoni sýndi
ótrúleg atriði og var vel mætt á
sýninguna.
Þann 30. október var foreldraæfing
á vegum íþróttaskóla Hvatar. Foreldrar
voru hvattir til að mæta og
taka þátt, hitta þjálfara og
spjalla.
Mikil gleði var hjá júdó-
félaginu Pardus 4. nóvember
þegar félagið eignaðist sinn
fyrsta júdóvöll. Júdó völl-
urinn er rúmlega 120 fer-
metr ar og virkilega glæsi-
legur. Kynning og vígsla nýs
júdóvallar var svo í Íþrótta-
miðstöðinni á Blönduósi
sunnudaginn 9. nóvember.
Knattspyrnudeild Hvatar
var með æfingamót hjá 6. og
7. flokk í íþrótta húsinu 3.
desember. Þrjú lið voru á
mótinu, Hvöt, Kormákur á Hvamms-
tanga og Fram á Skagaströnd. Þetta
var skemmti legt mót, spilað var á litla
velli og tveir í hverju liði. Gaman að
sjá hvað allir fá að njóta sín vel að
spila með þessu fyrirkomulagi. Flott
framtak hjá Knattspyrnudeild Hvatar.
Firmakeppni Hvatar í knattspyrnu
var haldin laugardaginn 27. desember.
Sex lið voru skráð til leiks. Lið Bíla-
verkstæðis Óla sigraði mótið. Í tilefni
af 90 ára afmæli Ungmennafélagsins
Hvatar á Blönduósi var félagið með
opið hús í Íþróttamiðstöðinni, þriðju-
daginn 30. desember. Skemmtileg
dag skrá og góð mæting var á þennan
viðburð. Boðið var upp á glæsilega
köku ofl. með kaffinu.
Mikil og góð fjölbreytni er í íþrótta-
lífinu á Blönduósi. Hvöt var með
íþrótta skóla fyrir börn frá 1. – 4. bekk
fjórum sinnum í viku. Fótboltaæfingar
á vegum Hvatar voru í boði fyrir 8.,
7., 6., 5,. 4., og 3. flokk. Sunddeild
Hvatar og Júdófélagið Pardus hafa
haldið áfram að dafna vel og hafa æf-
ingar verið vel sóttar.
Erla Jakobsdóttir íþróttafræðingur
Úr íþróttahúsinu. Ljósm.: Páll Ingþór.