Húnavaka - 01.05.2015, Page 213
211H Ú N A V A K A
nemendur leikskólans voru með sam-
eiginlegan vordag. Páll Ingþór Krist-
insson, fulltrúi frá skógræktarfélaginu,
aðstoðaði við gróðursetningu og
fræddi nemendur um skógrækt.
Allir námshópar fóru svo í vorferð í
maí. Nemendur á Vallabóli fóru í
sund á Blönduósi. 1.-4. bekkur fóru
hringferð í Vatnsdalinn með viðkomu
á völdum stöðum, 5.-7. bekkur skelltu
sér í Eyjafjörðinn, 9. og 10. bekkingar
heimsóttu Snæfellsnesið en lokadagur
ferðarinnar var svo í Skagafirði þar
sem farið var í flúðasiglingu og kletta-
sig.
Skólastefna Húnavatnshrepps var
samþykkt samhljóða í hreppsnefndinni
í byrjun maí og þar eru settar fram
þær vörður sem eiga að vísa okkur
veginn að enn betra skólastarfi.
Þróunarverkefnið Orð af orði var
sett af stað í grunnskólum í austur- og
vestursýslunni á haustdögum. Orð af
orði er hugmynda-, kennslu- og að-
ferðarfræði sem hefur að markmiði að
efla læsi og námsárangur grunnskóla-
barna.
Nemendur í 7. bekk fóru í
Skólabúðirnar á Reykjaskóla í október.
Leikskólabörnin okkar voru svo í
sviðsljósinu í haust en þá kom innslag
í þættinum Landanum á RUV um
leikskólasundið. Landa-menn tóku
einnig viðtal við Magneu Rut
Gunnarsdóttur í 10. bekk en hún
sigraði í ljósmyndakeppni á vegum
Norðurlandaráðs.
Kvenfélag Svínavatnshrepps hefur
ávallt hugsað hlýtt til skólans og á
haustdögum færði það leikskólanum
poppvél og klukku að gjöf sem án efa
mun koma sér vel.
Grunnskólinn hóf þátttöku í Com-
eniusarverkefni á haustönn 2013.
Skólarnir sem við erum í samstarfi við
næstu tvö árin eru í Póllandi, Noregi,
Ítalíu, Spáni, Grikklandi og Tyrklandi.
Áhersla er lögð á samskipti, samvinnu,
menntun og atvinnu í öðrum löndum,
að efla Evrópuvitund og efla tungu-
málakennslu. Auk þess að skipuleggja
heimsóknir nemenda milli skóla og
kynnast menningu annarra landa.
Nemendur frá okkur fóru í tvær
heimsóknir á árinu. Í mars fóru sjö
nemendur til Granada á Spáni og í
maí fóru sex nemendur til Capo d
Orlando á Sikiley. Í október tókum
við svo á móti hópum frá samstarfs-
löndunum. Auk þess að vinna ýmis
verkefni í skólanum var farið í
skoðunarferð að Mývatni, Kröflu-
virkjun heimsótt og farið í Jarðböðin.
Á heimleiðinni var stoppað á Akureyri.
Þátttakendur á Sikiley. Ljósm.: Sigríður B. Aadnegard.