Húnavaka - 01.05.2015, Qupperneq 232

H Ú N A V A K A 230
KRABBAMEINSFÉLAG A-HÚN.
Starfsemin og það fé sem Krabba-
meinsfélag A-Hún. safnar fer að
jafnaði í fjárhagsstuðning við Austur-
Húnvetninga sem veikjast af krabba-
meini og þurfa að sæta meðferð fjarri
heimili. Felst sá stuðningur í því að
borga leigu fyrir íbúðir í Reykjavík
sem Krabbameinsfélag Íslands, Land-
spítalinn o.fl. eru eigendur að en það
á við ef viðkomandi þarf að dvelja
um styttri eða lengri tíma í Reykjavík.
Einnig hefur félagið veitt styrki í öðru
formi enda mjög kostnaðarsamt að
veikjast af þessum sjúkdómi fyrir
viðkomandi.
Á haustin stendur yfir haustsala fé-
lagsins. Skólabörn í eldri bekkjum
grunnskóla ganga í hús á Blönduósi
og á Skagaströnd, er það von okkar í
stjórn að þeim verði vel tekið af
heima mönnum og vill stjórnin minna
á söluna ár hvert. Félagsgjöld, salan
að hausti og nú nýverið þátttaka okk-
ar í Mottumars og minningarkortin
eru helstu tekjulindir félagsins.
Einnig hefur söfnunarfé 2014 verið
notað til kaupa á tækjum, s.s. nýrri
verkjalyfjadælu fyrir líknandi meðferð
á Heilbrigðisstofnuninni Blönduósi og
til kaupa á háls-, nef- og eyrna-
skoðunartæki fyrir dvalarheimilið Sæ-
borg á Skagaströnd.
Félagsmönnum fer því miður fækk-
andi og ber stjórninni að bregðast við
með einhverjum hætti. Leitum við því
til héraðsbúa að gerast félagsmenn og
eða Velunnarar Krabbameinsfélags
Austur-Húnvetninga. Hvorutveggja
er gert með því fara inn á vef www.
krabb.is en þar eru upplýsingar sem
þarf til verksins.
Sveinfríður Sigurpálsdóttir, formaður.
LANDSVIRKJUN/
BLÖNDUSTÖÐ
Starfsemi Blöndustöðvar
Rekstur Blöndusvæðis Blanda/
Laxá gekk vel á árinu 2014. Raf orku-
framleiðslan í Blöndu var 731 GWst
sem var 9% minna en árið áður vegna
slæmrar vatnsstöðu. Laxá í S-Þing.
framleiddi 176,8 GWst sem er 3%
meira en árið áður. Rekstrar öryggi
stöðv anna var gott og vélartiltæki
99.80%.
Sumarstarfsmenn eru eins og vana-
lega ráðnir inn á svæðið, það fjölgaði
um 36 starfsmenn á síðasta sumri og
eru verkefni þeirra margvísleg.
Samstarfsverkefnið „Marg ar hend-
ur vinna létt verk“ var í gangi eins og
áður og gerðir 10 samningar við aðila
sem nýttu sér samstarf við Blöndu og
Laxá. Einnig er samstarfsverkefni á
milli Landsvirkjunar og Húnavatns-
hrepps með rekstur og verkefni á
svæðinu yfir sumartímann. Þetta sam-
starf hefur gengið mjög vel.
Mörg stór verkefni voru unnin á
svæðinu, stærsta verkefnið var endur-
nýjun á stjórnkerfi Blöndustöðvar.
Þess má geta að það verkefni var
einnig það flóknasta sem ráðist hefur
verið í frá því að Blöndustöð var
gang sett. Vegna álags á raforkukerfinu
þurfti að vinna það verk nánast allt
með vélar í gangi. Verkið tók um átta
mánuði. Einnig var skipt um 237 m
langa lyftuna milli stjórn- og stöðvar-
húss, tók það verk þrjá mánuði. Sett
var upp ný símstöð, nýr varnarbúnað-
ur, gert við olíuleka á vélarspenni og
margt fleira.
Þess má geta að á árinu 2014 eru
30 ár liðin frá lokun Byggðalínu-
hringsins. Á þeim tíma var það kallað