Húnavaka - 01.05.2015, Side 252

H Ú N A V A K A 250
lambhrútur nr. 4107 á Akri með 89
stig og 40 mm ómvöðva undan Þristi
12-453. Þrír hrútar náðu 88 stigum.
Þar voru lambhrútar nr. 4008 og 4197
í Stafni, sá fyrri undan Bursta 12-912
og sá seinni undan Bjarkari 12-160.
Einnig náði lambhrútur frá
Stekkjardal 88 stigum, undan Baugi
10-889.
Meðalbakvöðvi gimbrarlamba í
sýslunni mældist 27,4 mm. Þykkasti
meðalbakvöðvi í gimbrahjörð reynd ist
hjá Rúnari og Rannveigu á Akri en
hann mældist 33,3 mm. Þar næst
komu gimbrar þeirra Sigurðar og
Þóru á Stóru-Giljá með 29,7 mm og í
þriðja sæti gimbrar þeirra Ægis og
Gerðar í Stekkjardal með 29,6 mm.
Hrossarækt.
Starfsemi Búnaðarsambandsins á
sviði hrossaræktar hefur breyst mikið
þar sem Ráðgjafarmiðstöð Land-
búnaðarins (RML) hefur nú yfirtekið
umsjón með skýrsluhaldi og kyn-
bótasýningum. Á árinu 2014 voru
engar héraðssýningar kynbótahrossa
haldnar í Húnaþingi en nú er stefnt
að því að fækka sýningum og stækka
og hafa húnvetnskir hrossaræktendur
því þurft að fara með hross sín á
sýningar í aðrar sýslur. Gagnagrunnur
hrossaræktarinnar heitir Worldfengur
og á síðustu árum hefur verið reynt að
færa meira af skráningum í Worldfeng
til hrossaeigendanna sjálfra til að gera
utanumhald ódýrara og skilvirkara.
Alls eru nú um 18 þúsund áskrifendur
að þessum gagnagrunni í 24 löndum
en reikna má með að um tvöfalt fleiri
íslensk hross séu staðsett erlendis en á
Íslandi.
Sala lífhrossa var frekar þung
innanlands en flutt voru út alls 1.269
hross, þar af 82 fyrstu verðlauna
kynbótahross, til tuttugu landa um
allan heim.
Landsmót var haldið á Hellu
sumarið 2014 en stefnt er á að halda
næsta Landsmót hestamanna á
Hólum í Hjaltadal sumarið 2016 en
síðast var landsmót haldið þar árið
1966. Bæta þarf mikið aðstöðu á
Hólum til að þetta geti gengið eftir og
Nýborin tvílemba. Myndarlegur hrútur. Ljósm.: Árni Geir.