Húnavaka - 01.05.2015, Page 269

267H Ú N A V A K A
kirkjuna, borðuðu möndlugraut a la
Sigrún og seinna um daginn var jóla-
ball. Þá var langþráð jólafrí skollið á.
Vera Ósk Valgarðsdóttir, skólastjóri.
LEIKSKÓLINN BARNABÓL.
Leikskólinn Barnaból lauk sínu 37.
starfsári þetta árið og má með sanni
segja að það hafi verið afar við burð-
aríkt. Leikskólinn er tveggja kjarna
leikskóli með 34 nemendur og eru
yngstu börnin níu mánaða þegar þau
hefja nám og ljúka námi á sjötta
aldursári. Við skólann störfuðu ellefu
kjarnakonur í átta stöðugildum í
árslok 2014.
Árlegar skólahefðir héldu sér, komu
þorrans var fagnað með þorrablóti í
janúar. Á degi leikskólans var árleg
listasýning sett upp í Landsbankanum
bæjarbúum til yndisauka. Vorið kom
með fuglaóm og elstu börnin mættu
galvösk í forskóla í Höfðaskóla. Áður
höfðu þau átt góðar heimsóknir í
skólann en börn úr Höfðaskóla heim-
sóttu gamla leikskólann sinn. Útskrift-
arbörnin fóru í útskriftarferð í Skíða-
skálann. Þessi ferð er sönn ævin týraför
þar sem börnin æfa sig í að fara að
heiman. Margt
er gert til dundurs
í ferðinni, vaðið í
Hrafná, fjársjóðs-
leit er fastur liður
þar sem fjársjóð-
ur Þórdísar spá-
konu er leitaður
uppi en hann ku
vera falinn í Spá-
konufelli. Ferðin
styrkir ekki síður
vinabönd og
sam heldni hóps-
ins fyrir áfram-
haldandi skóla-
göngu.
Þórunn Bernódusdóttir lét af störf-
um sem skólastjóri í lok sumars eftir
langt og gott starf og tók Þorgerður
Anna Arnardóttir við starfi skólastjóra
og var jafnframt verkefnisstjóri við
innleiðingu Hjallastefnu sem samið
hafði verið um.
Á vordögum voru uppi umræður
um breytt fyrirkomulag á skólahaldi
Barnabóls og var leitað til Hjalla-
stefnunnar um innleiðingu á nýjum
starfsháttum. Að sumarleyfi loknu
hófst innleiðing á Hjallastefnunni.
Það má fullyrða að sú vinna hafi tekist
einstaklega vel enda var starfsfólk
skólans einhuga um að bretta upp
ermar og vinna ötullega að inn leið-
ingu. Allt kjarnastarfsfólk tók vinnu-
daga á leikskólanum Hjalla í Hafnar-
firði en Hjalli hefur verið bakhjarl
verkefnisins. Síðan var tekið til hendi
innan skólans, hefðbundinn efniviður
fékk að víkja fyrir opnari efniviði fyrir
börnin. Þá fékk skólinn áður umbeðið
viðhald og þjálfun starfsfólks í nýjum
starfsháttum fór fram jafnt og þétt. Ný
skólanámskrá, í takti við aðalnámskrá
leikskóla frá 2011, leit dagsins ljós,
Á göngu í blíðviðri.