Gerðir kirkjuþings - 1989, Side 35

þriggja presta til að vinna úr þeim. Var skýrsla þeirra lögð
fyrir Héraðsfund i haust. Vera má að hér sé aðeins eitt dæmi af
mörgum sambærilegum og þvi forvitnilegt fyrir Kirkjuþing að
leiða hugann að þvi hversu sterkan stuðning frumvarpið hefur. í
niðurlagsorðum skýrslunnar segir:
"Það er sameiginlegt skriflegu athugasemdunum að óánægju gætir
með starfsaðferðir nefndarinnar sem undirbjó málið þar sem
hugmyndir um skiptingu prófastsdæmisins höfðu ekki verið bornar
fram sérstaklega. Á fundum sem nefndin hélt innan
prófastsdæmisins hafði ýmislegt borið á góma í spjalli við
nefndarmenn en aldrei hafði málið náð svo langt að fjallað hefði
verði sérstaklega um skiptingu Kjalarnesprófastsdæmis og
sameiningu þess við Reykjavikurprófastsdæmi. í athugasemdunum er
hugmyndum um skiptinguna því mótmælt einkum á tveim forsendum.
Annars vegar benda menn á að reynslan af samstarfi sókna og
prestakalla innan prófastsdæmisins hafi tekist vel og
prófastsdæmið hafi reynst heppileg starfseining; vilja menn
by<?gja samstarfið innan þess upp enn frekar. Hins vegar líta
margir svo á að ekki sé fráleitt að endurskoða aðra samsetningu
á prestaköllum við tækifæri þar eð byggðaþróun á suðvesturhorni
landsins sé afar hröð.
í athugasemdum er lítið farið inn á önnur mál frumvarpsins. Ekki
er áhugi á skiptingu biskupsdæmisins í þrennt en í staðinn kemur
fram sá áhugi sem áður er minnst á, á eflingu prófastsdæmanna
sem hentugra samstarfseininga prestakalla. Enda hefur reynslan
sýnt það í Kjalarnesprófastsdæmi að unnt er að vinna saman á
árangursrikan hátt að ýmsum málum, ekki síst þeim sem eru
einstökum prestaköllum ofviða.
Héraðsfundur lítur svo á að skiptingu prófastsdæmisins og þá
hugsanlega sameiningu þess við hluta úr Reykjavikurprófastsdæmi
skuli athuga siðar. Ekki er sjáanleg þörf á því að slik
endurskoðun þurfi að tengjast endurskoðun á prófastsdæmum annars
staðar á landinu né heldur starfsmannahaldi kirkjunnar."
Héraðsfundur samþykkti síðan eftirfarandi:
"Héraðsfundur 1989 samþykkir að beina þessum athugasemdum til
Kirkjuráðs og væntir þess að þær verði hafðar til hliðsjónar við
frekari úrvinnslu málsins. Héraðsfundur vill benda á að hann
fjallaði um efnið safnaðaruppbygging árið 1988, um sama efni var
ályktað á Prestastefnu 1989 þar sem þeirri áskorun var beint til
biskups að "safnaðaruppbygging verði meginverkefni íslensku
þjóðkirkjunnar næsta áratuginn og yfirskrift alls starfs
hennar." Þess vegna er eðlilegt að skipan mála innan kirkj-
unnar, breytingar á prestaköllum, prófastsdæmum og einnig á
starfsmannahaldi kirkjunnar verði skoðað i ljósi safnaðarupp-
byggingar."
Lokaorð
í framhaldi af þessari samþykkt Héraðsfundar Kjalarnes-
prófastsdæmis mætti hugsa sér að frumvarpið yrði ekki lagt fram
á Alþingi nú heldur legði Kirkjuráð áherslu á að endurvinna
frumvarpið t.d. með eftirfarandi hætti:
32