Són - 01.01.2008, Blaðsíða 89

Á MÖRKUM LAUSAMÁLS 89
Sumsstaðar má segja að Sverrir endurgeri rím sem fylgir setninga-
gerð (hliðstæð viðskeyti vegna hliðskipanar lýsingarorða) með nokkr-
um hætti:29
It’s so elegant
So intelligent
hann er svo glæsilegur
og svo gáfulegur.
Aðeins neðar á sömu síðu er dæmi þar sem Sverrir hefur ekki reynt
að endurgera rímið:30
And if it rains, a closed car at four.
And we shall play a game of chess,
Pressing lidless eyes and waiting for a knock upon the door.
verður á íslensku:
Og ef það rignir, lokaður vagn klukkan fjögur.
Og svo teflum við eina skák,
pírum lokalaus augu og bíðum eftir banki á dyrnar.
Viðkomandi kafli samanstendur af „hleruðu“ samtalsbroti. Sverrir
hefur ákveðið (skynsamlega) að fara með þetta sem laust mál eins og
sést einnig í stuðlunarleysi þýðingarinnar.
Sverrir notar mikla en mjög óreglulega stuðlun. Þessi aðferð minn-
ir á köflum á miðensk ljóð, eða enskar nútímaþýðingar á fornenskum
eða íslenskum ljóðum, þar sem þýðandi reynir að gefa til kynna að
stuðlun skipti máli fyrir frumtextann án þess að ganga fram af ensku-
mælandi lesendum.31 Yfirleitt er meiri stuðlun í köflum þar sem
hrynjandi er sterkari og rím algengara en þessi fylgni er ekki nákvæm
heldur breytist hver bragbreytan að hluta til sjálfstætt eftir því sem
textinn eigrar á milli lauss og bundins máls.
Sem dæmi má taka upphaf Eyðilandsins, sem hljómar svona á frum-
málinu:32
29 Eliot (1990:14–15).
30 Eliot (1990:14–15).
31 Sbr. Raffel (1989:41).
32 Eliot (1990:6–7).