Són - 01.01.2008, Blaðsíða 142

HELGA BIRGISDÓTTIR142
útsýni er fegurst yfir Breiðafjörð …“53 en þar segir frá fuglaþúfum, en
„frá þeim öllum liggja / svifléttir söguþræðir / sem sindra og hverfa /
inn í hindurvíddir / fyrri ferða“. Samblöndun náttúrunnar, horfinna
tíma og minninga sjáum við síðan ljóslifandi í kvæðinu „Í fjárhús-
inu“54 þar sem „þögnin hvolfist yfir / vit þín og vitund“ í upplifun
ljóðmælanda.
Guðrún nýtir sér ljóðformið á margvíslegan hátt en tilraunastarf-
semin er ekki mikil. Bókinni er eins og stefnt gegn póstmódernískri
kaldhæðninni og stefnuleysinu í samfélaginu og stendur föstum fótum
sem kyrrlátt og heilsteypt verk. Þetta má þó ekki skilja sem svo að öll
ljóðin séu hálfdauð í kyrrðinni. Inn á milli er hrist upp með kímni og
gamansemi.
Vestanvindur Ólínu Þorvarðardóttur fjallar meðal annars um þann
barning að semja ljóð í glímu hverdagsins. Í bókinni er að finna sam-
bland kvæða og mynda úr hversdagsbaráttunni. Verkin eru misjöfn
að gæðum en best lætur Ólínu að yrkja í hefðbundnum stíl, eins og
sjá má á ljóðinu „Vor“ og leikni hennar með myndmál er skýr í
„Kvöldi“. Bjarni Gunnarsson tekst einnig á við hið daglega amstur í
Blóm handa pabba. Brugðið er upp ljósmyndum, svipmyndum og
minningum úr fjölskyldualbúminu en rauði þráðurinn er samband
feðga og síðan sonar og sonarsonar. Sagt er af prakkarastrikum sonar-
ins sem sagði hetjusögur, læsti Magga svarta inni í dúfnakofa og var
kjaftfor svo Biblíusögukennarinn stóð á öndinni og við erum minnt á
að55
[á] þessum árum voru smábörn
stundum tjóðruð úti í garði
á meðan mæður sinntu húsverkum
reyktu eða drukku molasopa
Bjarni hefur ekki sama vald og Ólína á málinu en bókin er ljúf
aflestrar þótt hann glími ekki af miklum þrótti við ljóðmálið. Ljóð
hans eru góð en boða þó ekkert nýtt.
Garðar Baldvinsson yrkir einnig um hversdaginn og minningar í
bókinni Drengmóður. Ljóðin eru flest ort út frá sjónarhorni drengs sem
býr við slæmt atlæti og er fatlaður. Skafti Þ. Halldórsson segir bókina
53 Guðrún Hannesdóttir (2007:9).
54 Guðrún Hannesdóttir (2007:8).
55 Bjarni Gunnarsson (2007:11).