Gerðir kirkjuþings - 2002, Blaðsíða 33

aukast umtalsvert. Þess má geta að skjöl Kirkjuþings 2002 eru vistuð í kerfinu og verður svo
eftirleiðis. Skjöl embættis Biskups íslands og Kirkjuráðs eru einnig vistuð þar svo og annarra
kirkjulegra stofnana sem eru í Kirkjuhúsinu.
Samsíarf Þjóðkirkjunnar og Ráðgjafarstofu um fjármál heimila
Þjóðkirkjan hefur styrkt Ráðgjafarstofu um íjármál heimila árlega með fjárframlagi frá
upphafí starfseminnar. Samningur þar að lútandi var endumýjaður á árinu og heldur
Þjóðkirkjan áfram að styðja við þetta starf. Samningurinn gildir til 3ja ára og verður framlag
Þjóðkirkjunnar kr. 275 þús. á ári.
Prestsþjónustubœkur
í umræðum Kirkjuráðs um ársreikning Biskupsstofu kom fram eftirfarandi álit Kirkjuráðs
sem bókað var sérstaklega: “Ráðuneyti endurgreiddi skuld vegna prentunar
prestsþjónustubóka sem viðbótarframlag til Þjóðkirkjunnar úr Ríkissjóði en
Kirkjumálasjóður hafði lagt út fyrir prentun bókanna. Eðlilegra hefði verið, að mati
Kirkjuráðs, að Kirkjumálaráðuneytið hefði greitt þessa upphæð beint enda var hér um að
ræða lögboðið verkefni ráðuneytisins. Þetta kemur fram í reikningum Biskupsstofu sbr.
skýringar við lið nr. 9: Auglýsingar, prentun o.fl.”
Djáknanefnd
Djáknanefnd kom á fund Kirkjuráðs og kynnti meginatriði starfsþjálfunar djáknanema. Nú
em um 20 djáknar í starfi á vegum sókna og stofnana. Endurskipulagning hefur farið fram á
guðfræðinámi sem hefur áhrif á nám djákna og er meiri samþætting nú í gangi. Athuga þarf
nánar hvort samþætta skuli starfsþjálfun djáknanema og guðfræðinema.
Starfsréttindi og launakjör organista
Starfsréttindi og launakjör organista hafa verið til umræðu og skoðunar. Er þar m.a. verið að
athuga hvort unnt er að samræma ráðningarsamninga og kjör og veita sóknamefndum
þjónustu við ráðningar o.fl. á þessu sviði.
Rammaúthlutun til prófastsdæma
Hugmyndir um rammaúthlutun til prófastsdæmanna úr Jöfnunarsjóði sókna hafa verið til
umfjöllunar í Kirkjuráði og hefur verið samþykkt að gefa prófastsdæmum kost á þessari leið
við næstu úthlutun. Kirkjuráð ákveður fyrst heildartöluna til viðkomandi prófastsdæmis, í
ljósi fyrirliggjandi umsókna og sendir þá rammatölu fyrir prófastsdæmið í heild til
héraðsnefndar. Héraðsnefndir senda síðan tillögur sínar til Kirkjuráðs um úthlutun til
einstakra sókna og verkefna í héraði. Tillögumar fá síðan lokaafgreiðslu hjá Kirkjuráði. Lögð
em fram gögn til kynningar á þessu með skýrslu þessari.
Skuldbindingar sókna
Skuldastaða einstakra sókna hefur margsinnis verið til umfjöllunar og úrlausnar hjá
Kirkjuráði. Fundað hefur verið með lánastofnunum og rætt við sóknamefndir vegna
fjárhagsörðugleika sem rekja má til byggingaframkvæmda.
Holtsskóli í Önundarfirði
Kirkjuráð hefur fylgst með undirbúningi að stofnun kirkjumiðstöðvar í Holti í Önundarfirði
fyrir Isafjarðarprófastsdæmi. Væntanlegir stofnendur em héraðsnefnd
Isafjarðarprófastsdæmis, sóknamefndir í Holtsprestakalli og heimamenn. Ef af verður er
fyrirhugað að hún verði rekin sem sjálfseignarstofnun.
29