Gerðir kirkjuþings - 2002, Blaðsíða 36

Prestastefnu að skipan fulltrúaráðs sjálfseignarstofhunarinnar falli brott. Álit Prestastefnu
2002 er fylgiskjal með ályktun þessari.
Ályktun vegna Sólheima í Grímsnesi
Prestastefna íslands 2002 samþykkir eftirfarandi ályktun vegna erindis
félagsmálaráðherra til biskups íslands varðandi málefni Sólheima í Grímsnesi:
1. Prestastefnu er umhugað um að starfsemi Sjálfseignarstofnunarinnar að Sólheimum í
Grímsnesi sé í góðu samræmi við upphaflegan tilgang stofnanda, og þjóðfélagshætti
og aðstæður á hverjum tíma.
2. Samkvæmt skipulagsskrá tilnefnir Prestastefha fulltrúaráð, staðfestir skipun fulltrúa í
stað þeirra sem hverfa úr fulltrúaráðinu, auk þess skal Prestastefna staðfesta
skipulagsskrá. Þá er í skipulagsskránni ákvæði um hlutverk Prestastefnu ef
sjálfseignarstofhunin yrði lögð niður. Annað hlutverk hefur Prestastefna ekki
gagnvart Sólheimum.
3. Prestastefna virðir sjálfstæði sjálfseignarstofnana og telur að þær meginhugmyndir
sem móta starfið að Sólheimum eigi fullan rétt í okkar samfélagi.
4. Vegna vaxandi atvinnustarfsemi og aukinna umsvifa að Sólheimum beinir
Prestastefnan því til stjómar og fulltrúaráðs Sólheima að kanna hvort starfsemin falli
innan ramma laga um sjálfseignarstofnanir í atvinnurekstri. Telur Prestastefna
eðlilegt að stjóm og fulltrúaráð Sólheima leggi þá fram nýja skipulagsskrá sem
fullnægi ákvæðum téðra laga og taki tillit til breyttra aðstæðna.
5. Prestastefna minnir á mikilvægi þess að sátt um stjóm og starfsemi að Sólheimum
með hagsmuni fatlaðra íbúa byggðahverfísins að leiðarljósi.
Kirkjuþing 2002 staðfesti stækkun á umdæmi vígslubiskups að Hólum. Þetta er fyrsta
formlega breytingin sem gerð er á mörkum hinna fomu biskupsdæma frá því árið 1106. Hér
er um merkan kirkjusögulegan viðburð að ræða.
32